Parlamentoya Îsraîlê (Knesset) ji 120 kursiyan pêk tê. Ji bo pêkanîna hikûmetê pêwîst e her hevpeymanî yan jî partiyek herî kêm 61 kursiyan bi dest bixe.

Li gorî nûçeya Rûdawê rêjeya beşdariya di dengdanê de gihîşt ji sedî 77,7an. Ev ji sala 1999an ve li Îsraîlê rêjeya herî bilind a beşdariyê ye.

Li gorî nûçeyên kanalên sereke yên Îsraîlê, her du bereyên rastgir ên bi serokatiya Netanyahu û bereya mixalefetê ya bi serokatiya Gadi Eisenkot bi 51 kursiyan wekhev in.

Partiya Likudê ya bi serokatiya Netanyahu wekî partiya herî mezin a parlamentoyê tê dîtin û tê pêşbînîkirin ku 24-27 kursiyan misoger bike.

Partiya Yasharê ya bi serokatiya Gadi Eisenkot di rêza duyem de ye û tê pêşbînîkirin ku 20-23 kursiyan bi dest bixe. Lîsteyên Ereban jî di hilbijartinê de serkeftineke mezin tomar kiriye û tê pêşbînîkirin ku di parlamentoyê de 17-18 kursiyan bi dest bixin.

Rojnameya Yedioth Ahronothê da zanîn ku piştî cudakirina nêzîkî milyonek dengan (ku dike ji sedî 16,8ê tevahiya dengan), Partiya Likudê ji sedî 24,1ê dengan û Partiya Yasharê jî ji sedî 16,1ê dengan bi dest xistiye.

Li aliyê din, kanala i24ê ya Îsraîlê ragihand ku bereya Netanyahu 55 kursî û bereya mixalefetê 49 kursî bi dest xistine. Her wiha li ser asta partiyan, Likudê 27 kursî, Yasharê 20 kursî, Partiya Bihevre 15 kursî û Demokratan 9 kursî bi dest xistine.

Netanyahu: Divê hikûmeteke rastgir bê pêkanîn

Benjamin Netanyahu piştî demjimêr 03:00an di axaftineke xwe de, bêyî ku bi awayekî fermî serkeftinê ragihîne, got ku Likud partiya herî mezin a Îsraîlê ye û anî ziman:

“Divê em hikûmeteke rastgir a neteweyî ya bihêz pêk bînin. Pêwîst e piraniya Siyonîst û Cihûyan li Îsraîlê bibin yek. Bi ti awayî nabe ku hikûmetek bê pêkanîn ku pişta xwe bi partiyên Ereban ve girê bide. Îsraîl li gel hevbeşê me Serok Donald Trump li ber derfeteke dîrokî û kêmpeyda ye da ku em metirsiya Îranê ji bo her tim nehêlin."

Eisenkot: Divê Netanyahu teqawit bibe

Li hemberî vê yekê, Sererkanê berê û Serokê bereya mixalefetê Gadi Eisenkot di axaftineke xwe ya li Tel Avîvê de ragihand ku xelkê Îsraîlê dengê xwe daye guherînê û baweriya xwe ji Netanyahu standiye û got:

"Serkirdeyekî guncav û hêja dê îro vekişîna xwe ya ji qada siyasî ragihîne. Netanyahu, nabe ku tu ewlehiya Îsraîlê ji bo pêdivî û armancên xwe yên siyasî bi kar bînî."

Mensûr Ebasê ku yek ji serkirdeyên diyar ên Ereban e ragihand ku rastgiran zerereke mezin dîtiye û wî amadehiya xwe ya ji bo hevahengiya li gel Eisenkot nîşan da.

Her çend Eisenkot berê ragihandibû ku ew dê partiyên Ereban tevlî kabîneya xwe neke jî, dibe ku ew li derveyî hevpeymaniyê wekî tora parastina kursiyan piştgiriyê bidinê da ku hikûmeta kêmîneyê pêk bîne.

Li aliyê din, serkirdeyê rastgir ê tundrew Itamar Ben-Gvir hişyarî da Netanyahu ku hizra hikûmeta yekrêziyê ya li gel Eisenkot neke û wî ev yek wekî "xeletiyeke mezin" bi nav kir.

(AY)

Muzîknas Veysi Varli, di lêkolîna xwe ya li ser 28,000 stranan de diyar kir ku herî kêm 4,971 stranên Kurdî wergerandine Tirkî. Ev hejmar ne tenê hejmarek ji arşîvekê ye, lê nîşaneya pirsgirêkek kûr a di derbarê ziman, çand, bîr û nasnameya gelê Kurd de ye.

Stranên Kurdî ji dilê gel derdikevin. Êş, evîn, koçberî, xerîbî, berxwedan, şahî û bîranînên nifşan dihewînin. Carinan, bi rêya deng û melodiyê, stran tiştên ku bi gotinên asayî nayên vegotin digihînin dilê mirovan. Dema ku dayikek lorîkekê dibêje, dema ku mezinek stranek kevin dibêje, an jî dema ku stranek li ser bûyerek dîrokî tê gotin, beşek ji bîra kolektîf a gel bi rastî tê parastin.

Lêbelê, dema ku ev stran bêyî parastina ziman, çîrok û eslê xwe ji bo Tirkî werin wergerandin pirsgirêk dest pê dike. Ji ber ku pirsgirêk ne wergera gotinan e; pirsgirêk ev e ku gelo stran dikare nasnameya xwe ya resen biparêze, an jî eger bi zimanekî din were pêşkêşkirin, gelo eslê wê dê bi demê re were jibîrkirin.

Wergerandin bi xwe ne sûc e. Her çandek dikare berhemên xwe yên bi zimanên din nas bike. Mirov dikarin stranên Kurdî wergerînin, da ku gelên din wate û bedewiya wan fam bikin. Lêbelê, di şert û mercên ku zimanê Kurdî bi salan qedexe bû, tepeserkirî bû û qada jiyana wê sînordar bû de, tirkîkirina stranên Kurdî bêyî rexneyê nayê nirxandin.

Gava stranek kurdî bi zimanê tirkî tê gotin, lê navê afirînerê wê, zimanê wê yê resen û koka wê ya çandî nayên eşkerekirin, ev yek dikare bibe rêyek ji bo windakirina nasnameya wê. Heke stranek wekî berhemeke tirkî bê pêşkêşkirin, bêyî ku were gotin ku ew ji çanda kurdî hatiye, êdî tenê zimanê wê nehatiye guhertin; têkiliya wê bi gelê ku wê afirandiye jî hatiye qutkirin.

Eger zimanê gelekî bê paşguhkirin, çanda wî/wê bêyî ku koka wî/wê were qebûlkirin, ji nifşekî din re were veguhastin û tiştên ku wan bi zimanê xwe afirandine hêdî hêdî ji bîra wî/wê werin jêbirin, divê ev wekî asîmîlasyon were hesibandin. Asîmîlasyon her tim bi rêya qedexekirinê nayê kirin; carinan ew guhertina nav, ziman û xwedîtiya berheman vedihewîne.

Stranên kurdî di nava malan, gundan, zozanan, cejnan û civînên gel de mezin bûne. Gelek stran ji devê dayikan, dapîran û kalên me derbasî nifşên nû bûne. Piraniya wan ne di nav pirtûkan de, lê di hafîzeya mirovan de hatine parastin.

Ji ber vê yekê, dema stranek tê tirkîzekirin û koka wê tê veşartin, tenê berhemeke hunerî zirarê nabîne. Têkiliya nifşên nû bi ziman û hafîzeya nifşên berê re jî dikare lawaz bibe. Zarokek ku stranek tirkî dibihîze lê nizane ku ew bi kurdî hatiye çêkirin, dibe ku ji beşek ji dîroka xwe bêpar bimîne.

Ev yek divê bibe sedema fikarê. Ji ber ku gel tenê bi axaftina zimanê xwe nabe gel; bi parastina stran, çîrok, gotinên pêşiyan, bîranîn û nirxên xwe jî hebûna xwe didomîne.

Dema ku 4.971 stranên kurdî tên tirkîkirin, pêwîst e ku em bipirsin: Ev stran kengî, li ku derê û ji aliyê kê ve hatine afirandin? Kîjan stran bi navê xwe yê resen tê zanîn? Kîjan stran bêyî nasandina koka wê hatiye tomar kirin? Û çiqas ji wan berheman di arşîv û qeydên fermî de bi awayekî rast hatine tomarkirin?

Bersiva van pirsan bi lêkolînên zanistî, arşîvkirina dengbêjî û muzîka gelêrî, nivîsandina gotinên stranên resen û nasandina afirîneran dikare were dayîn. Divê her stran bi zimanê xwe yê resen, bi navê xwe, bi agahiyên dîrokî û bi çîroka xwe ya çandî bê parastin. Heke wergera wê ya tirkî an bi zimanekî din hebe, divê ev werger wekî werger bê nasandin, ne wekî cihgirek ji bo reseniya wê.

Parastina stranên kurdî ne dijminatiya zimanekî din e. Ev daxwaz e ku tu ziman li ser hesabê zimanekî din neyê bilindkirin, tu çand bi navê çandeke din neyê veşartin û tu gel ji berhemên ku bi zimanê xwe afirandiye bêpar nemîne.

Lêkolîna Veysi Varlı divê bibe destpêka karêkî berfireh. Zanîngeh, muzîkolog, dîroknas, nivîskar, hunermend û saziyên çandî divê hevkarî bikin da ku stranên kurdî bi awayekî zanistî bên komkirin, tomarkirin, vekolîn û parastin. Divê arşîveke berfireh were avakirin ku deng, gotin, navên afirîneran, herêmên jêderê û guhertoyên cuda yên stranên kurdî tê de bên qeyd kirin.

Her wiha, divê hunermendên ku stranên kurdî ji nû ve dibêjin, çavkaniya wan eşkere bikin û mafê çandî yê gelê Kurd nas bikin. Ji ber ku naskirina koka stranê ne tenê erkekî akademîk e; ew erkekî exlaqî û çandî ye jî.

Em ne dijî wergerê ne. Em dijî wê yekê ne ku werger bibe amûra veşartina rastiyê. Em ne dijî pêşkêşkirina stranên xwe ji gelên din re ne. Em dixwazin stranên me bi nasnameyên xwe yên rastîn li cîhanê belav bibin. Em dixwazin ku stranek Kurdî, li her deverê ku tê gotin, wekî stranek Kurdî were naskirin.

Ji ber ku stranên me ne tenê li ser rabirdûyê ne; ew di heman demê de beşek ji pêşeroja me ne. Ger em wan biparêzin, em zimanê xwe, bîra xwe û girêdana xwe bi nifşên berê re diparêzin. Ger em li hember tirkîkirin û veşartina rehên xwe bêdeng bimînin, gelek tiştên ku bi salan di nav gelê me de hatine parastin, dê hêdî hêdî ji hêla nifşên nû ve werin jibîrkirin.

Divê stranên Kurdî werin parastin, ne ku werin tunekirin. Divê zimanê wan were bihîstin, ne ku bi zimanekî din were bêdengkirin.

Ji ber vê yekê, 4971 stran ne tenê hejmarek in. Ew bangek in ji bo parastina çandê, ji nû ve kifşkirina rastiyê û ji bo pêşîgirtina li windabûna bîra gelê Kurd. Parastina stranên Kurdî parastina hebûna me ye; û hebûna gelekî bi nasname, ziman û dengê wî tê parastin.Stranên me dengê gelê me ne. Dengê wan nede windakirin.

(AÖ/AY)

Serdozgeriya Komarî ya Bakirkoyê derbarê operasyonê de daxuyanî da. Serdozgeriyê diyar kir ku bi sedema “bertil û gendeliyê” operasyonekî daye dest pê kirin. Li gorî daxuyaniyê di çarcoveya operesyonê de derbarê 68 kesan de biryara desteserkirinê hatiye danîn. Her weha di nava wan de cîgirên serokê şaredariyê û endamên meclisa şaredariyê jî hene. 

Heta niha 5 cîgir û 2 endamên meclîsa şaredariyê jî di nav de 37 kes hatine desteserkirin.

(Mİ/AY)

Bernameya ku tevger diyar dike bi nîqaşên di meclisên zanîngehan de hat amadekirin, ji sê beşên sereke pêk tê: “Aa Sırbistan an mafya”, “Hêz di zanînê de ye” û “Sırbistan bi me re mezin dibe”.

Di hilbijartinên Sirbistanê de Lîsteya Xwendekaran bi ser ket

26 Cotmeh 2026

Di bernameyê de vegerandina mal û milkên ku bi rêya gendeliyê hatine bi dest xistin ji bo cemaweriyê, derxistina dadwerî û ewlehiyê ji bin kontrola siyasetê, veguhastina çavkaniyên dewletê ji bo perwerde û hilberînê û sînordarkirina xebata bêewle derdikevin pêş.

Tevger teqez dike ku bernameya wan tenê ji bo guherandina kesên li ser desthilatdariyê nîne, armanca wan bisînorkirina desthilata siyasî ya li ser saziyan e.

I. An Sirbistan an mafya

Çar xalên destpêkê ji bo rakirina kontrola partiyan a li ser daraz, emniyet, çavkaniyên dewletê û medyayê ye.

1. Daraza serbixwe û polîsê dozgeriyê yê taybet

Tê armanc kirin ku dadgeh û dozger ji zextên siyasî rizgar bibin û hêzekî polîsên serbi dozgeriyê yê taybet ji bo lêpirsînên gendeliyê bi awayekî serbixwe bimeşîne bê avakirin.

Wezareta Karên Navxweyî û teşkilata polîsan dê di lêkolîneke berfireh re derbas bibin. Ji bilî peywirdarên ku têkiliya wan bi sûcên organîze re heye, ew polîsên ku di mudaxileyên li dijî xwendekar û xwepêşanderan de qanûn binpê kirine jî dê ji kar bên dûrxistin.

2. Destdanîna ser mal û milkên bêqanûnî û jikarxistina peywirdarên dewletê

Dê çavkaniyên serwet û mal û milkên peywirdarên dewletê bên lêkolînkirin. Îdareya bacê dê bi kadro û şiyanên ku dikarin van lêpirsînan bimeşînin bê xurtkirin.

Rêveberên ku tevlî gendeliyê bûne, peywira xwe xirab bikar anîne an jî mafên mirovan û nîzama Destûrî binpê kirine dê hesab bidin. 

3. Vekirina peymanên veşartî yên dewletê ji bo kontrolê

Îhaleyên giştî, projeyên mezin ên binesaziyê û peymanên dewletê dê ji bo kontrola giştî bên vekirin.

Bi taybetî peymanên veşartî, projeyên bi bihayên zêdekirî, veberhênanên ku bi qanûnên taybet ji kontrola asayî hatine derxistin û karên dewletê yên ku dema wan derbas bûye dê bên lêkolînkirin. Saziya Kontrolê ya Dewletê dê bê xurtkirin.

4. Rizgarkirina medyayê ji kontrola partiyan

Tê pêşbînîkirin ku Saziya Sazkirina Medyaya Elektronîk (REM) ji bandorên siyasî bê rizgarkirin û Radyo Televizyona Sırbistanê (RTS) vegere erka xwe ya weşangeriya cemaweriyê.

Berpirsiyariya rêveberên televizyonê û rojnamevanan a di belavkirina cudakarî û gotina nefretê de dê bê lêkolînkirin.Frekansên weşana neteweyî dê ji nû ve bên nirxandin; desthilata kontrolê ya Konseya Çapemeniyê dê bê xurtkirin.

II. Hêz di zanînê de ye

Beşa duyemîn armanc dike ku rêveberiya giştî li cihê kadroyên partiyê ji bo pisporan bê vekirin, di perwerdeyê de wekhevî çêbibe û hilberîn li ser bingeha zanînê be.

5. Liyaqat di rêveberiyên giştî de

Dê dawî li tayînkirina personel û rêveberan a bi rêya têkiliyên partiyan ji bo saziyên giştî bê anîn. Rêveberên kargehên giştî dê bi pêşbaziyên li ser bingeha nirxandinên pîşeyî yên eşkere û tund bên hilbijartin.

Xebatên darayî yên şirketên giştî dê zêdetir bên kontrolkirin.

6. Ji bo her xwendekarekî pirtûkên dersan yên belaş

Bêyî ku li kîjan herêmê dijîn, ji bo hemû xwendekarên perwerdeya seretayî û navîn pirtûkên dersê yên bêpere dê bên peydakirin.

Di perwerdeyê de dê ramana rexneyî, zanîna nûjen û hînkirina pratîkî esas bê girtin. Geştên perwerdeyê û çalakiyên derveyî dibistanê dê ji bo malbatan ji aliyê aborî ve bê piştgirîkirin.

7. Piştgiriya ji bo aboriya zanistê û hilberîna xwecîhî

Dê di navbera zanîngeh, enstîtuyên lêkolînê, rêxistinên pîşeyî û sektorên hilberînê de têkilî bê sazkirin.

Hewldanên ji bo teknolojiya nû, kargehên nûjen, karsazên herêmî û cotkar dê bi hîbe û sûbvansiyonan bên piştgirîkirin. Armanc ew e ku ji modela aborî ya li ser bingeha hêza kar a erzan derbasî hilberîna bi nirxê zêde bibin.

III. Sirbistan bi me re mezin dibe

Çar xalên dawî ji bo jiyana karkirinê, ewlehiya xurakan, mafê xanî û tenduristiyê ye.

8. Piştî 12 mehan peymana kar a domdar

Bi guherandina Qanûna Kar re, dema herî zêde ya peymanên kar ên bo demek diyarkirî dê ji 24 mehan bibe 12 meh.

Bi vî awayî tê armanc kirin ku xebitandina karkeran a bo demeke dirêj bi peymanên demkî bê bisînorkirin û derbasbûna wan a bo karê daîmî bê garantîkirin.

9. Sînordarkirina tekelên hawirdeyî

Dê li dijî bandora tekelên hawirdeyî û komên şirketên bijarte yên li ser ferqa navbera bihayên hilberîner û bihayên marketan têkoşîn bê kirin.

Erazîyên çandiniyê û çavkaniyên avê dê wekî sermayeyên neteweyî yên parastî ku ewlehiya xurekan peyda dikin bên nirxandin.

10. Ji bo ciwan û xebatkarên dewletê peydakirina xaniyan

Ji bo malbatên ciwan û bi taybetî ji bo karkerên di qada perwerde û tenduristiyê de dixebitin, dê xanîyên bi mercên guncaw ên kirêkirin û kirînê bên peydakirin.

11. Ji bo her gundî bijîşk û ji bo her kesî derman

Tê xwestin ku di dermanan de sîstema yek bihayî bê pêkanîn û li herêmên gundewar dermanxane bên zêdekirin.

Navendên tenduristiyê yên gundan dê ji nû ve bên vekirin. Li gorî nifûsê dê pîvanên herî kêm ên bijîşkiya malbatê û ekîba tenduristiyê ya asta yekem bên anîn. Li herêmên dûr, îstihdama bijîşkên ciwan û teknîsyenên tenduristiyê dê bê piştgirîkirin.

(AEK/AY)

Tirpan ji ber rewşa wî ya xirab rakiriûn Nexweşxaneyê. Çend roj berê lingê wî yê çepê ji binê çokê ve hate jêkirin. Ji ber ku rewşa wî xirab bû, Tirpan rakirin nexweşxaneya giran û entube kirin. 

Tirpan li nexweşxaneya ku dihat dermankirin koça dawî kir.

(AY)

1emîn Dadgeha Cezê û Esliyê ya Êlihê di 22ê Cotmeha 2026an de biryar daye ku tu delîlek şênber nîne ku Mûsa O. bûye sedem ku Îpek Er xwe bikuje.

(EMK/AY)

Merasîm bi hevkariya Şaredariya Peyasê û Weşanên Sor tê lidarxistin. Di pêşbirkê de Hoşeng Nizarî û Simeya H. Lalîn bi du dosyeyên cuda bûn yekem. Her weha Xelata Rûmetê jî dan Michael L. Chyet. Xelatgir dê merasîmê de xelatên xwe werbigirin.

Li gorî nûçeya Ajansa Welat di çarçoveya bernameyê de dê panelêk li ser Arjen Arî jî bê lidarxistin.

Îsal du dosye bûn yekem

Di Pêşbaziya Helbestê ya Arjen Arî ya 13emîn de, ku encamên wê di 15ê Gulanê, Roja Zimanê Kurdî de hatin ragihandin, dosyeya Hoşeng Nizarî ya bi navê “Bîra Beyabanê” û dosyeya Simeya H. Lalîn ya bi navê “Hestiyên Tivinga Min” bûn yekem. Jûriya pêşbaziyê, ku ji Berken Bereh, Necla Arî, Gulîzer, Emerîkê Sidîqayê û Nuroj Munzur pêk dihat, dosyeyên 13 helbestvanên ciwan ên ku beşdarî pêşbaziyê bûbûn nirxand. Her du dosyeyên ku layiqî xelatê hatin dîtin, ji aliyê Weşanên Sor ve wekî pirtûk hatin çapkirin.

Xelata Rûmetê ya vê salê jî dê ji ber xebatên wî yên di warê ziman û edebiyata Kurdî de, bide zimanzan û Kurdolog Michael L. Chyet.

Bername

Di çarçoveya bernameya çalakiyê de, dê di destpêkê de saet 12:30an li Goristana Yenikoyê ya Amedê, li ser gora Arjen Arî bîranîn bê lidarxistin.

Di merasîma xelatdayînê de ku dê saet 18:00an dest pê bike, dê xelatên Hoşeng Nizarî û Simeya H. Lalîn, ku bûne yekem, bên dayîn. Piştî pêşkêşkirina xelatan, Simeya H. Lalîn dê pirtûkên xwe ji bo xwendevanan îmze bike.
Helbest û mîrata edebî ya Arjen Arî dê bên nîqaşkirin.

Di çarçoveya bernameyê de, saet 19:00an dê panelêk li ser helbest û mîrata edebî ya Arjen Arî bê lidarxistin. Osman Ozçelîk û Rêzan Diljen dê wekî axêver beşdarî panelê bibin. Mîna Acer jî dê moderatoriya panelê bike.

(AY)

Li gorî nûçeya Ajansa Anadoluyê (AA), namzetê serokwezîriyê yê lîsteya “Aleksandar Vucic - Sırbistana Yekbûyî” ya bi pêşengiya Partiya Pêşveçûnê a Sırb (SNS) Vucic îdia kir ku encamên hilbijartinê berhema pêvajoyeke ji derve hatî piştgirîkirin in. Vucic tevî ku têkçûn qebûl kir jî diyar kir ku ew ê di nava muxalefetê de têkoşîna xwe bidomînin.

Vucicê ku di sala 2014an de hatibû ser karê serokwezîrtiyê, di salên 2017 û 2022an de du caran weke serokkomar hatibû hilbijartin. Vucic ji bo ku bibe namzetê serokwezîriyê ji serokkomariyê istifa kiribû. Bi vê hilbijartinê re dawî li 12 salên desthilatdariyê wî hat.

Protestoyên xwendekaran bandor li encama hilbijartinê kir

Di 1ê Mijdara 2024an de banê stasyona trêna ya li bajarê Novi Sadê hilweşiya û bû sedema mirina 16 kesan. Ev yek bûbû sedem ku bertekên li dijî hikûmetê mezintir bibe. Protestoyên xwendekaran ên ku piştî karesatê dest pê kirin, nêzîkî du salan berdewam kirin û zexta li ser rêveberiya Vucic zêdetir kirin.

Tevgera xwendekaran ku bi dirûşma “Lîsteya Xwendekaran - Xwendekar Biserdikevin” tevlî hilbijartina giştî ya pêşwext bûn, berteka civakî ya ku li dijî desthilatdariyê bilind dibû bir ser sindoqan.

Akademîsyen Radomir Saicic ê ku li ser navê Lîsteya Xwendekaran axaftina serkeftinê kir, spasiya kesên ku deng bikar anîn kir û diyar kir ku ew ê dest bi avakirina pêşerojê bikin.

Lîsteya Xwendekaran ji sedî 52 deng girtin

Li gorî encamên nefermî yên ku Navenda Hilbijartinên Azad û Demokrasiyê ya Sirbistanê (CeSID) belav kiriye, dema ku ji sedî 56ê dengan hatibû hejmartin, Lîsteya Xwendekaran ji sedî 52 û lîsteya Vucic a bi pêşengiya SNSê ji sedî 39 deng bidest xisti bû.

Li welêt zêdetirî 6,4 milyon dengdêrên tomarkirî çûn ser sindoqan da ku endamên nû yên Meclisa Neteweyî ya Sırbistanê ya ji 205 kursî pêk tê diyar bikin.

Komîsyona Hilbijartinê ya Dewletê ya Sirbistanê (RIK) ragihand ku heta saet 19.00an rêjeya tevlîbûna hilbijartinê ji sedî 67,6 bûye. Medyaya welêt ragihand ku tevlîbûn gihîştiye asteke bilind. Di hilbijartinên sala 2023an de rêjeya tevlîbûnê ji sedî 58an de mabû.

Têkiliyên Vucic ên bi Îsraîlê re

^{Aleksandar Vucic}

Rêveberiya Vucic ji ber têkiliyên xwe yên germ ên bi Îsraîlê re jî bal dikişand. Vucic aşkere kiribû ku Sırbistan dê bi Îsraîlê re weke hevpar dronên şer çêbike û her weha bi armanca kapasîteya leşkerî xurt bike tevlî vekirina kargeheke nû ya montajê bûbû.

Vucic her wiha ji Serokwezîrê Îsraîlê Benjamin Netanyahu re gotibû “dostê min”.

(EMK/AY)

Li gorî nûçeya ANKAyê, 128emîn Lijneya Giştî a Asayî ya Baroya Stenbolê hilbijartina xwe li Navenda Kongreyê ya Haliçê pêk anî. Nêzîkî 70 hezar parêzer li baroyê tomarkirî ye. 

Di hilbijartinê de 9 namzetan pêşbazî kirin: Prof. Dr. Umît Kocasakal ku serokê berê yê Baroya Stenbolê ye, serokê heyî Prof. Dr. İbrahim Kaboglu, Hasan Kiliç, Prof. Dr. Korkut Kanadoglu, Arife Gokkaya Dinç, Atakan Adem Selanik, Salih Uçar, Metin Uraçin û Gulbeyaz Karadeniz.

Hilbijartina ku di bin çavdêriya Saziya Hilbijartinê ya Bilind (YSK) de hate kirin û 172 sindoq hatin danîn. 68 hezar û 469 parêzer di baroyê de tomarkirî ne û ji wan 30 hezar û 36 kesan deng bikar anîn.

Kocasakal 10 hezar û 227 deng bi dest xist

Li gorî encamên nefermî, namzetê Yekîtiya Hêza Komarî Umît Kocasakal 10 hezar û 227 deng (bi rêjeya ji sedî 34,05) bi dest xist û bû serokê nû yê Baroya Stenbolê. Namzetê Koma Parêzerên ji bo Guhertinê û reqîbê herî nêz ê Kocasakal, İbrahim Kaboglu jî 7 hezar û 22 deng bi dest xist. Qonaxa serokatiyê ya Kabogluyê ku ji sedî 23,38 deng wergirt bi dawî bû.

(EMK/AY)

Pêvajoya hiqûqî ya li dijî biryara "ÇED Erênî ye" ya projeyê dewam dike. Xebatkarên şîrketê li gel jendermeyan û hêzên polîsan ketin qada kar.

Li ser vê yekê şêniyên taxê bi nûnerên partiyên siyasî û saziyên civakî yên sivîl û parêzvanên ekolojiyê ber bi qada projeyê ve meşiyan. Di çalakiyê de dirûşma "Axa me, ava me, hebûna me" hate qîrîn.

Li Arzoxliya Amedê li dijî GESê bertek hat nîşandan: "Ev qad çavkaniya debara me ye"

13 Adar 2026

“Destûrê nadin ku em biçin ser zeviyên xwe”

Şênî li cihekî nêzî qada projeyê li astengiya jendermeyan rast hatin û xwestin, ku sparteya hiqûqî ya karê li herêmê tê meşandin bê eşkerekirin. Serokê Komîsyona Bajar û Hawirdorê ya Baroya Amedê Ahmet Înan diyar kir ku astengî ne tenê li qada projeyê ye, her wiha li derveyî qada kar jî şênî nikarin biçin nava zeviyên xwe.

Parlamenterê Amedê yê DEM Partiyê Berdan Ozturk jî anî ziman ku ew li dijî projeyê ne, mafê jiyanê yê gundiyan ji wan tê standin û tê xwestin ku mirov ji cih û warê xwe koç bikin.

Şêniyên taxê jî diyar kirin ku ew debara xwe bi çandinî û sewalkariyê dikin û destnîşan kirin ku santral li ser tenduristî, sewalkarî û paşeroja wan gef e. Şêniyan ragihandin ku li hemberî karê şîrketê wê xak û çêrgehên xwe biparêzin û ew projeyê naxwazin.

Têkoşîna hiqûqî

Serokê Komîsyona Bajêr û Hawirdorê ya Baroya Amedê Ahmet Înan diyar kir ku li dijî destûra dayina çêrgehê, plana îmarê û rapora ÇED'ê doz vekirine û pêvajoya hiqûqî dewam dike. Înan anî ziman ku wê hemû hewldanên xwe yên hiqûqî dewam bikin û ji bo nobeda kon jî bê mezinkirin bang li saziyên demokratîk û parêzvanên jiyanê kir.

Piştî daxuyaniyê şêniyên taxê li qada projeyê dest bi nobeda kon kirin. Şêniyan diyar kirin ku ji bo parastina xak û qada xwe ya jiyanê wê berxwedana xwe dewam bikin.

*Çavkanî: MA

(AY)

Bi destpêkirina Şerê Yekemîn ê Cîhanê re tevî malbata xwe di sala 1914an de koçî bajarê Amûdê yê Rojavayê kir.  

Cegerxwîn, li vir li ber destê hinek pêşengên olê yên kurd hate perwerdekirin û di sala 1928’yan de dest bi nivîsandina helbestên kurdî kir. Cegerxwîn, Celadet Elî Bedirxan û rêhevalên xwe di sala 1932’yan de li paytexta Sûriyeyê Şamê dest bi weşandina kovara Hawarê kirin û navê Cegerxwîn cara ewil li wir hate bikaranîn. Cegerxwîn, sedema vê jî wiha rave dike: “Ez jî mîna gelê xwe birîndar im. Dilê min birîndar e. Ji cegera min min xwîn tê. Lewma min navê xwe kir kesê cegera wî xwîn jê tê anku Cegerxwîn.” 

Xoybûn

 Cegerxwîn, di nava rêxistina Xoybûnê de jî cih girt ku di Serhildana Agiriyê de xwedî roleke mezin e. Di sala 1946’an de derbasî Qamişloyê bû û xebatên xwe yên polîtîk domand. Cegerxwîn, di heman salê de bû serokê rêxistina siyasî ya Civata Azadî û Yekitiya Kurd.  Di sala 1948'an de endamê Partiya Komunîst a Sûriyeyê bû û 6 sal piştre ji bo bikeve Parlamentoya Sûriyeyê bû namzetê parlamenteriyê. 

Cegerxwîn, heta sala 1957’an serokatiya saziya Komîteya Aştiyê ya ji bo Cizîrê kir. Piştre ji Partiya Komunist a Sûriyeyê veqetiya û tev li Partiya Demokrat a Kurdistanê ya Sûriyeyê bû. 2 sal piştre dîsa çû Iraqê û li Zanîngeha Bexdayê bû yekemîn mamosteyê ku bi zimanê kurdî dersê dide. Cegerxwîn, di vê pêvajoyê de ji bo zimanê kurdî gelek xebat kir û gelek xwendekar gihand. 

Li Qamişloyê hate binaxkirin

Cegerxwîn, ji ber xebatên xwe yên siyasî, di sala 1963’yan de li Şamê hate girtin. Piştî berdanê jî li gorî rêzê derbasî Herêma Federe ya Kurdistanê, Lubnan û bajarê Swêdê Stockholmê bû. Di 22’yê cotmeha sala 1984’an de jî li Stockholmê wefat kir. Cenazeyê wî li Qamişloyê hate definkirin.  

Ji Mêrdînê heta Stockholmê, ji Bexdayê heta Lubnanê, ji Rojava heta Herêma Federe ya Kurdistanê, Cegerxwîn di vê pêvajoyê de gelek berhemên navdar nivîsand. Di gelemperiya berhemên wî de jî mijara esasî têkoşîna gelê kurd a li dijî burjuvaziyê bû. Cegerxwîn, zextên li gelê kurd tên kirin, înkar, pişaftin, bêkarî, xizanî û çerxa kedxwariyê di helbestên xwe de hûnand. Her wiha Cegerxwîn di helbestên xwe de bal kişand ser azadî, aştî û dijbertiya şer. 

Berhemên Cegerxwîn

Cegerxwîn, "Prîsk û Pêtî (1945)", "Sewra Azadî (1954)", "Kî me Ez? (1973)", "Ronak (1980)", "Zend-Avista (1981)", "Şefeq (1982)", "Hêvî (1983)", "Aşîtî", "Salar û Mîdya" û dîwanên wî yên "Şerefnama Menzûm". Bi gelek çîrok û lêkolînên xwe ve ji bo wêjeya kurdî bû çavkaniyeke giranbiha. Gelek berhemên wî piştre hatin qedexekirin û gelek helbestên wî ji hêla stranbejêna ve bûn stran. 

Saziyên ku bi navê wî hatine vekirin

Piştî mirina Cegerxwîn, navê wî li gelek navendên çandan, park û cadeyan hate kirin. Lê belê piştî di sala 2016’an de qeyûm li şaredariyan hate tayînkirin, bi taybet jî saziyên bi navên wî hatin girtin û navên cade û kolanên navê wî lê hatibû kirin jî hatin guherandin.

Stranên ku ji ber helbestên Cegerxwînî hatine çêkirin

Mihemed Şêxo: Ay lê gulê

Şivan Perwer: Kî ne em?

Ciwan Haco: Pir xweş e

Gulistan - Şivan Perwer : Kurdistan e Kurdistan

Aram Tîgran: Lêv şêrîna min 

Mehmet Atli: Pismamo 

Koma Azadî: Herne pêş

Bûrhan Berken: Gulfiroş

 Yûnûs Dîşkaya: Yar ko ne mêvanê te bî

Berfîn Aktay: Mem û Zîn

Rûken Yilmaz: Dîlbera Nazik

(AY)

Mehmet Zekî Kiliç demek bû ji ber nexweşiya penceşerê dihat dermankirin. Kiliç duh li mala xwe ya Taxa Yenîdogan Sancaktepeyê koça dawî kir.

Li gorî nûçeya Ajansa Welat cenazayê Mehmet Zekî Kiliç dê îro were definkirin.

(AY)

Bi banga saziyên pîşeyî yên çapemeniyê, li dijî zextên li ser rojnameger û saziyên medyayê dê di 24’ê Cotmehê Roja Şemiyê de li 10 bajaran çalakî bên lidarxistin.

Dadgehê biryara astengkirina hesabê Xê ê bianetê da

7 Cotmeh 2026

Çalakî dê li Stenbol, Enqere, Îzmîr, Bursa, Eskişehir, Antalya, Adana, Kocaeli, Wan û Amedê bê kirin û dê bi awayekî hemwext be.

Sendîkaya Rojnamegerên Tirkiyeyê (TGS), DİSK Basın-İş, Cemiyeta Rojnamegeran, Konseya Çapemeniyê, Komeleya Rojnamegerên Hevdem (ÇGD), Cemiyeta Rojnamegeran a Îzmîrê (İGC), Komeleya Rojnamegeran a Dîcle Fıratê (DFG) û saziyên din ên di qada rojnamevaniyê de kar dikin, bi dirûşma “Ji sansurê re na, ji nûçeyê re azadî” bang kirin. Saziyan ji bo tevlî çalakiyan bibin bang li hemû aliyan kir,  ji partiyên siyasî heta sendîkayan, ji baroyan heta rêxistinên mafên mirovan û civaka sivîl.

Xê, hesabê Halk TVyê yê ku 3 milyon şopînerên wê hene sansûr kir

21 Cotmeh 2026

(HA/AY)

Ari duh di saet 10.00an de birin edliyeyê. Îfadedana wî ya li dozgeriyê saet di 12.00an de dest pê kir û nêzîkî saetekê dewam kir. Dozger bi tohmeta ku “bi zanayî agahiyên xapînok belav kiriye” bi daxwaza girtinê rojnameger Ari sewqî dadgeriyê kir.

Jêpirsîna İsmail Ari ya li dadgehê saet di 16.00an de dest pê kir. Dadgehê biryara girtina rojnamevanî da.

75 roj di girtîgehê de mabû

İsmail Ari di 21ê Adara 2026an de ji bo serdana malbata hevjîna xwe çûbû Tokatê û li wir di çarçoveya lêpirsîneke din a Serdozgeriya Komarê ya Enqereyê de hatibû desteserkirin.

Ari bi tohmeta ku “bi zanayî agahiyên xapînok di nav gel de belav kiriye” hatibû girtin û 75 roj di Girtîgeha Sincanê de mabû.

Ari di 5ê Hezîrana 2026an de di danişîna yekem a li 2emîn Dadgeha Cezayê Asliyeyê a Enqereyê de derketibû pêşberî dadger. Tevî ku dozger xwestibû ku girtina wî berdewam bike jî, dadgehê biryara berdana wî dabû.

(HA/AY)

Platformê biryara astengkirinê ya 14ê Cotmehê ku li gorî xala 8/A ya Qanûna bi hejmar 5651ê hatibû girtin, piştî heftiyekê xist meriyetê. Her weha hesab li cihê navê @halktvcomtr dest bi bikaranîna navê @halktveu kiribû.

Hîn jî nayê zanîn ka sedema vê sansûrê çi ye û ji ber kîjan naverokê biryara astengkirinê hatiye dayîn. 

Qeyûm hat tayînkirin

Polîsan di sibeha 14’ê Cotmehê de bi ser navenda Halk TVyê ya li Stenbolê de girt û qeyûm hat tayînkirin. Heyeta qeyûm daxwaza rêveberiya kanalê ya berdewamkirina weşana zindî qebûl nekir.

Serdozgeriya Komarê ya Stenbolê ev midaxele bi lêpirsîna li dijî xwediyê kanalê Cafer Mahiroglu re girê da ku bi îdiayên "bertîl" û "gendeltî"yê tê tohmetbarkirin. Mahiroglu jî got ku hemû îdia bêbingeh in.

Di heman rojê de hesabên Halk TVyê yên YouTube, X, Facebook, Instagram, TikTok û Telegramê jî hatin astengkirin.

(HA/AY)

Serokatiya Ewlehiyê ya Sîberê hesabê Xê yê Rojnameya Yenî Yaşamê carek din li Tirkiyeyê asteng kir. Rêveberiya Rojnameyê ragihand ku cara 10emîn e ku hesabê wan ê Xê tê astengkirin.

Rojnameyê herî dawî li ser hesabê; https://x.com/yeniyasamnews5 parvekirinan dikir. Rojname ji niha şûn ve dê li ser navnîşana https://x.com/yeniyasamnews6 parvekirina bike.

Komeleya Rojnamegeran a Dîcle Firatê jî li ser hesabê xwe yê Xê ragihand ku hesabê Rojnameya Yenî Yaşamê hatiye astengkirin û xwest ku her kes li dijî sansurê hesabê nû yê Yenî Yaşamê bişopîne.

Rêvebirên siyasî yên li Tirkiyeyê nîşan dan ku ew dikarin hemberî wan rojnamevanên ku projeyên weke “Malbata min di ewlehiyê de ye” dixin bin metirsiyê an jî rola desthilatdarî û rayedarên dewletê ya di bêisûliya fonan de dipirsin, pêlek berfireh a sansûrê bixebitînin.

Her weha piştî ku lîsansa Açik Radyoyê di sala 2024an de hat betalkirin û di sala 2025an de dest danîn ser TELE1ê û qeyûm lê hat tayînkirin, niha jî girtina malpera T24ê nîşan dide ku desthilatdariyê di van sê salên dawî de jî polîtîkaya xwe ya ji bo qelskirina rojnamevaniya serbixwe û aktorên wan dewam kiriye.

Rapora Çavdêriya Medyayê ya BIAyê 25 sal in tê weşandin û beşa wê ya sê mehên dawî ji 61 rûpelan pêk tê. Rapor nîşan dide ku berî hilbijartinên 2028an hewldanên bêdengkirina rojnamevanan beşek ji stratejiya desthilatdariyê ye. Raporê bal kişand ser berfirehiya zextên darazê û destnîşan kir ku di sê mehan de tenê heft rojnamevan hatine girtin; ji bo hesabên X’ê yên 16 rojnamevan û heşt saziyên medyayê û ji bo herî kêm 52 nûçeyên li ser înternetê biryara astengkirinê hatiye dayîn. Raporê anî ziman ku girtina T24ê bi hinceta “propagandaya LGBT”yê” nîşana wê yekê ye ku “di bêdengkirina medyaya rexnegir de ceza hatine zêdekirin.”

Sansura online

Saziya Teknolojiyên Agahdarî û Ragihandinê (BTK) û Dadweriyên Cezê û Aştiyê berteka xwe ya hemberî wan rojnamevan û saziyên medyayê yên ku bêisuliyên di bazara fonan de  ku derdora siyasî û darayî ya nêzîkî desthilatdariyê jî di nav de ye û nêzîkî 500 hezar kes mexdûr kiriye anîn rojevê, bi sansûreke tûnd nîşan dan. Di nav kesên ku hesabên wan ên Xê hatine astengkirin de Meral Danyildiz, Sarya Toprak, Esra Tokat, Ersin Eroğlu, Hilmi Hacaloglu, Canan Kaya, Razi Canikligil, Ugur Gurses, Naz Yavuzarslan, Dinçer Gokçe û Alptekin Dursunoglu û ji saziyên medyayê  bianet, Kisa Dalga û Bizim TV hene. Her weha nûçeyên li ser vê mijarê yên di malperên Gazete Pencere, Evrensel, Sozcu û Nefesê de hatibûn weşandin asteng kirin.

Di sê mehên dawî de hesabên Xê yên pênc rojnamevanan (Şirin Payzın, Alican Uludag, İrfan Degirmenci, Nasuhi Bektaş, Firat Fistik) û çar saziyên medyayê (soL Haber, Ozguruz, Ajansa Mezopotamyayê, Sendika.org) û ji bo herî kêm 52 nûçeyên li ser mijarên cuda biryara astengkirinê hat dayîn, biryareke qedexeya weşanê jî hat girtin. Lê belê midaxeleya herî giran û kêfî ya van sê mehên dawî, girtina malpera T24ê ya bi hinceta “propagandaya LGBT”yê bû. Parêzerên malperê ev biryara sansûr xist darazê û li ser asta neteweyî û navneteweyî bertekên tund hatin nîşandan.

Dezenformasyon

Di darizandinên sê mehên dawî de ku beşek ji wan ket serdema betlaneya adlî, herî kêm du rojnamevan hatin cezakirin û du rojnamevan jî beraat kirin. Xala 217/A ya ku di Cotmeha 2022an de ket nav Qanûna Cezayê ya Tirk û sûcê ‘belavkirina agahiyên xapînok’ pênase dike, navê xwe bi xirabî derxistiye. Zêdebûna lêpirsîn, doz û girtinên rojnamevanan vê yekê bi eşkereyî nîşan dide.

Rojnamevan Neşê İdil ji ber parvekirina xwe ya li ser hesabê Xê bi hinceta “pesndana sûc û sûcdar” 2 meh û 24 roj cezayê girtîgehê xwar. Li Kocaeliya jî ji ber ku rojnamevan Cihat Polat xwestibû nûçeya avahiya bêdestûr a xwişka parlamenterê AKPê Radiye Sezer Katircioglu, Esra Yargici û şêwirmendê wî Bulent Yargici çêbike, bi hinceta “binpêkirina ewlehiya malê” 10 meh cezayê girtîgehê yê taloqkirî lê hat birîn.

Rojnamevan Timur Soykan piştî girtina Serokê Şaredariya Semsûrê Abdurrahman Tutdere li ser hesabê xwe yê Xê peyama “Darbe berdewam dike. Îradeya gel tê desteserkirin. Wateya sindoqê nemaye” parve kiribû. Ji ber vê yekê bi sûcdariya “belavkirina agahiyên xapînok” û “teşvîqkirina sûc” hat darizandin û beraat kir. Nûçegihana rojnameya BirGunê Sarya Toprak jî ji ber nûçeya xwe ya li ser xwendekarekî girtî ya bi sernavê “Jiyan û hêviya Esilayê nedizin” bi îdiaya “belavkirina agahiyên xapînok” hat darizandin û beraat kir.

Di sê mehan de heft rojnameger girtin

Tenê di sê mehên dawî de herî kêm heft rojnamevan (Tugba Tekerek, Ali Tarakcı, Selahattin Gunday, Oya Lale Arslan, Fatih Ergin, İrem Delice, Fatma Sibel Gurcihan) bi îdiayên “belavkirina agahiyên xapînok” (dezenformasyon), “muxalefeta li dijî Qanûna MÎT’ê” û “propagandaya LGBT”yê hatin girtin. Di girtina herî kêm pênc rojnamevanan de, xala 217/A ya TCK’yê (ku wekî xala dezenformasyonê tê zanîn) bû hinceta sereke. Gava ev xal di Cotmeha 2022an de ket meriyetê, Wezîrê Adaletê yê berê Bekir Bozdag raya giştî xapandibû û gotibû ku ev qanûn dê tenê di rewşên ‘aloziyên giran’ (infial) de bê bikaranîn.

Darazê bi hinceta ku ‘bersiv ji MÎT’ê nehatiye’, gerînendeyê giştî yê weşana TELE1ê Merdan Yanardağ berneda. Yanardag ligel sê kesan, ku Serokê Şaredariya Bajarê Mezin a Stenbolê Ekrem İmamoglu jî di nav de ye, bi îdiaya ‘sîxuriya siyasî’ tê darizandin û 11 meh in e bi awayekî keyfî girtî ye.

Pêla lêpirsînan

Di sê mehên dawî de navê herî kêm 17 rojnamevanan di lêpirsînên ku bi hincetên weke “belavkirina agahiyên xapînok”,“heqaretkirina li Serokkomar”, “heqaret” an jî “derew” hatine vekirin de derbas bû. Di BirGun û Sozcuyê de nûçeyek derketibû ku digot CHPyê ji bo merasîma rozetê ya Kemal Kiliçdaroglu bi pereyan fîgûran anîne. Ji ber vê nûçeyê lêpirsîn li dijî heft rojnamevanan hat destpêkirin.

Yek ji geşedanên balkêş ên vê serdemê jî ew bû ku ji ber daxuyaniya bi sernavê “Rojnamevan ne ew kes in ku jêrdestê hin kesan be ” lêpirsîn li  Seroka Cemiyeta Rojnamevanan a Îzmîrê Dilek Gappiyê hat vekirin.

Heqareta li Serokkomar: 5 jê karîkaturîst 18 kes bersûc in

Dozên keyfî yên bi sûcdariya “heqaretkirina li Serokkomar” ên li dijî rojnamevanan li Tirkiyeyê di sê mehên dawî de bi darizandina herî kêm 18 rojnamevan û karîkatûrîstan (Alican Uludağ, Gökay Başcan, Selçuk Özbek, Deniz Yücel, Sedef Kabaş, Baransel Ağca, Erk Acarer, Julien Serignac, Gerard Biard, Laurent Sourisseau, “Alice”, Mehmet Tezkan, İbrahim Kahveci, Suat Toktaş, Ramazan Yurttapan, Haydar Ergül, Doğan Pehlevan û Rüstem Batum) bi daxwaza 4 sal û 8 meh cezayê girtîgehê berdewam kir. Di vê serdemê de ku Ertugrul Ozkok jî lêpirsîn li ser hatibû vekirin, lêbelê tu cezayê girtîgehê nehat tespîtkirin.

Di sê mehan de 13 kes hatin desteserkirin

Di serdema Tîrmeh - Îlonê de li Stenbol, Enqere, Kırklareli, Kocaeli, Trabzon û Antalyayê herî kêm 13 rojnameger hatin desteserkirin. Ji ber nûçe û parvekirinên li ser di girtîgehê mirina sîxurê berê yê MÎTê Kaşif Kozinoglu, operasyonên polîsan ên li dijî komele û parêzvanên mafên LGBTÎ+yan, peyamên li ser rêberê PKKê Abdullah Ocalan û şandeya Îmraliyê, doza ÎBByê û komkujiya kanzayê ya li Bartinê rojnamevan hatin desteserkirin; hin rojnamevan neçar man ku karê xwe di bin tedbîrên kontrola adlî de bidomînin.

Asta vê yekê di şexsê Kayhan Ayhan de tê dîtin. Ayhan piştî şopandina Doza ÎBByê hatibû desteserkirin û ji wê demê vir ve di bin kontrola adlî de dijî. Ayhan diyar kir ku mecbûriyeta îmzeyê êdî veguheriye cezayekî û wiha got: ‘Beriya niha min îmzeya xwe ya ewil avêt. Ev meseleya îmzeyê dest û lingên me girê dide, lewma veguheriye cûreyek cezayî. Tevî hemû tiştî nivîsîn û rojnamevanî berdewam dike…’.”

Li çar bajaran pênc caran êrişî rojnamegeran kirin

Di meha Tîrmeh, Tebax û Îlonê de herî kêm pênc nûçegihan rastî êrîşa fizîkî hatin. Êrîş li Silivriya Stenbolê, Midyada Mêrdînê, Karamursela Kocaeliyê û Kutahyayê pêk hatin. Rojnamevan Murat Agirel ku ji ber lêkolîn û çalakiyên xwe yên rojnamevaniyê ev demeke dirêj e tê şopandin û gef lê tê xwarin, vê carê jî bi peyamên medyaya civakî yên zayendîperest û heqaret ên ku hevjîna wî dikin armanc rastî van êrîşan hat. Rojnamevan derbarê vê rewşê de got: “Lê belê bila soza min be, ez hêvî dikim ku Emniyet berî min wî kesî bibîne.”

Ji RTUKê cezayên “bêalîbûn” û “serdestiya hiqûqê”

Lijneya Bilind a Radyo û Televîzyonê (RTUK) di serdema Tîrmeh, Tebax û Îlonê ya sala 2026an de ji ber weşan û bernameyan bi giştî çar cezayên îdarî bi qasî milyon û 104 hezar TL li  saziyên TVyê birî. RTUKê di vê serdemê de ceza neda saziyên radyoyê. Ceza li ser navê pîvanên “bêalîbûnê” (du caran) û “serdestiya hiqûqê” (du caran) hatin birîn.

Ji bo weşana etîk rexneya medyayê giring e

Rojnamevan û ombudsmanê medyayê Faruk Bildirici di nivîsên xwe yên heftane yên sê mehên dawî de weşanên bipirsgirêk ên saziyên medyayê di warê etîkê de rexne kir.

Lîstikvan Serhat Kiliç di mala xwe ya Kâğıthaneya Stenbolê de mirî hat dîtin. Piştî vê yekê, hin medyayan bi taybetî şûşeyên alkolê û amûrên cixarê yên di malê de derxistin pêş. Ev jî bû sedem ku Prof. Dr. Yasemin Giritli İnceoglu û Prof. Dr. Şebnem Korur Fincancı bertek nîşan bidin.

Dadgeh sûcdariya ‘dezenformasyonê’ ji bo bêdengkirina medyayê rexnegir wekî çekekê bi kar tînin. Di demeke wiha de, Wezareta Adaletê daxuyand ku ew ê di nava edliyeyan de ‘Buroya Têkoşîna li Dijî Dezenformasyonê û Ewlehiya Dîjîtal’ ava bikin.

Ji bo girtin û qanûnan serlêdana li AYMyê hîn hêvî ye

Gerînendeyê giştî yê berê yê rojnameya Yeni Asyayê Kazim Guleçyuz di sala 2024an de ji ber peyameke sersaxiyê ya mirina Fethullah Gulen hatibû girtin. Dadgeha Destûra Bingehîn(AYM) biryar da ku mafê wî yê ewlehiyê û azadiya îfadeyê hatine binpêkirin û ji bo wî 368 hezar û 500 TL tezmînata manewî birî. Wekî din, rêxistina MLSA’yê sepana lîsansê ya RTUKê ku zextê li weşangeriya înternetê dike bir AYMyê

Yildiz Tarê ku 100 roj di girtîgehê de ma serî DMMEyê da

Di sê mehên dawî de Dadgeha Mafên Mirovan a Ewropayê (DMME) di çarçoveya azadiya çapemeniyê de di derbarê Tirkiyeyê de tu biryar neda. Lêbelê ji bo rojnamevan Yıldız Tarê  ku 100 roj bi awayekî bêhiqûqî di girtîgehê de ma, serlêdana DMMEyê hat kirin.

Ger bêcezatî hebe, têkoşîna wê jî heye!

Rojnamevanê lêkolîner Ugur Mumcu beriya 32 salan di encama teqîna bombeya li bin wesayîta xwe de hatibû kuştin. Daraz û saziyên berpirsiyar piştî van hemû salan nû dest bi lêgerîna cîhê ew bombekar û malbata wî kirin.

Di dozên qetilkirina Hrant Dink de, li ser Grûba Pelitliyê ya li Trabzonê û hin efserên ewlehiyê ku di astengnekirina qetilkirinê de berpirsiyar bûn, ceza hatin birîn. Lê belê dest nedan wan kesên ku Dink bi rêya çalakî, bername û deklarasyonan kiribûn armanc û zemîn ji bo qetilkirinê amade kiribûn.

Darizandina nû ya wan kesên ku di 10’ê Gulan a 2019’an de di serdema hilbijartinê de êrîşî nivîskarê rojnameya Yeniçağê Yavuz Selim Demirağ kiribûn û ew li Enqereyê bi giranî birîndar kiribûn, dê di 17’ê Kanûnê de berdewam bike. Li dijî rojnamevan Yaman Kaya yê ji Boursayê di sala 2023’an de êrîşeke çekdarî hatibû kirin; du bersûcên ku sala pişt re bi hinceta ‘kêmasiya delîlan’ beraat kiribûn, li Dadgeha Cezayê Giran a Bursayê ji nû ve tên darizandin. Doza bersûc İsa Can Biler ku di şeva 13’ê Tebaxa 2025’an de 10 gule berdabûn Nûnertiya Îzmîrê ya rojnameya Evrenselê û pişt re hatibû girtin û berdan jî ma heta 14’ê Kanûnê.

(EÖ/AY)

Komîteya Amadekar a belgefîlman li ser hesabê xwe yê medya civakî ragihand ku wan festîval taloqî sala 2027an kiriye.

Daxuyaniya komîteyê ya derbarê taloqkirinê de wiha ye:

“Em wek Festîvala Belgefîlman a FîlmAmedê, bi salan e, sînemaya serbixwe, bîra gelan û vebêjiyên azad li hev dicivînin. Ji ber kêmasiyên teknîkî û aborî yên ku di pêvajoya amadekariyê de em rûbirû man, me biryar da ku em Festîvala FîlmAmedê ya ku me dê îsal a 10emîn li dar bixista, taloqî sala 2027an bikin. Bi hêviya ku em di sala 2027an de, di festîvala xwe de careke din bên gel hev, em malavahiya tevahiya sînemager, kedkarên sînemayê, sazî, dildar û temaşevanên ku heta îro bi keda xwe, bi fîlmên xwe, bi gotinên xwe û bi hevgirtinê FîlmAmed mezin kirine, dikin.”

(AY)

Daxwaza ji bo wergêrê kurdî qebûl nekirin: Penaberê îraqî yê Kurd wekî hemwelatiyê Efxanistanê tomarkirin

8 Cotmeh 2026

Heşt kes xistin belema çar kesî

Bûyer di êvara Çarşema 14ê Cotmehê de li herêma Pira NATOyê ya nêzîkî gundê Bosnakoya Edirneyê pêk hat. Dayîka zarokan Hozan Rustem, bav Herêm Mihemed, sê zarokên wan û sê kesên din hewl didan ku bi belema plastîk derbasî Yewnanistanê bibin.

Piştî ku bot bin av bû, dê û bav bi saxî rizgarkirî bûn. Hevjînan diyar kir ku piştî bûyer pêk hatiye çûne qereqola sînor û ji hêzên ewlehiyê alîkarî xwestine. Bi beşdarîya tîmên AFAD, cenderme û tenduristiyê xebatên lêgerîn û rizgarkirinê hatin destpêkirin.

Heryadê ku ji avê hat derxistin û birin Nexweşxaneya Fakulteya Tibê ya Zanîngeha Trakyayê, li wir can da. Ji bo herdu zarokên din ên ku li ber herikîna avê ketin û winda bûn, xebatên lêgerînê hatin destpêkirin.

Di 17ê Cotmehê de bedena bêcan a Mêlaya pênc salî hat dîtin. Ji bo dîtina zarokê sêyem ê bi navê Hestiyar, di çem de xebatên lêgerînê berdewam dikin.

Hozan Rustem û Herêm Mihemed li Rêveberiya Koçê ya Bajarê Edirneyê tên girtin.

Herêm Mihemed: “Gotin av heta çongê ye”

Hozan Rustema ji bianetê re behsa tîştên ku rûbirû bûne kir û anî ziman ku qaçaxçiyên koçberan ji wan re gotine derbasbûn bi ewle ye, lêbelê gava ew gihîştine ber çem rastî rewşeke cuda hatine.

Rustemê diyar kir ku belem piştî ku nêzîkî du metreyan çû ser avê li darê ket û serobino bû. Her weha Rustemê da zanîn ku wê di tariyê de zarokên xwe winda kirine û hevjînê wê tenê karibûye wê rizgarkirî bike.

Rustemê tiştên ku jiyaye wiha anî ziman:

“Qaçaxçiyan ji me re got ku av heta çongê ye û derbasbûn dê nêzîkî 20 xulekan bikişîne. Paşê em hatin ber çem. Em heşt kes bûn. Tevlî çantayan em hemû xistin belema plastîk ya çar kesî. Tevî hemû nerazîbûnên me jî, gef li me xwarin û em bi darêzorê xistin belemê û ber bi çem ve tehn dan.”

Rustemê diyar kir ku heta zarokê wê yê winda Hestiyar neyê dîtin, ew naxwaze ji Tirkiyeyê biçe.

Nasnameya sê gumanbaran diyar bûn

Hat hînbûn ku gumanbarek welatiyê Herêma Kurdistanê ye û du kesên din jî welatiyên Tirkiyeyê ne. Xebatên ji bo girtina gumanbaran berdewam dikin.

(FY/AY)

Bûyer di dema midaxeleya Hêzên Ewlekariya Qeraxan ên Yewnanistanê de pêk hatine û di bûyeran de herî kêm 22 kes hatin rizgarkirin. Xebatên lêgerîn û rizgarkirinê yên ji bo sê kesên ku hatine ragihandin li peravên Sisamê winda bûne berdewam dikin.

Li peravên Yewnanistanê heta niha 79 penaber mirine

15 Hezîran 2023

Li peravên Midilliyê şeş kes mirin

Di bûyera yekem a ku li peravên Agrilia ya li başûrê Girava Midilliyê pêk hatiye de, keştiya penaberan û bota Hêzên Ewlekariya Qeraxan ên Yewnanistanê li hev qelibîne.

Piştî lihevxistinê, di encama wergerîna keştiyê de çar mêr, jinek û pitikekî jiyana xwe ji dest dan. 8 kesên ku hatin rizgarkirin birin nexweşxaneyê. Di keştiyê de penaberên sûrî û fîlistînî hebûn.

Polîsên Yewnanistanê, welatiyekî Tirkiyeyê yê 37 salî ku di nav kesên hatine rizgarkirin de bû, bi gumana ku keştî ya wî ye û qaçaxçitiya mirovan kiriye, desteser kirin.

Li Sisamê jî şeş kes mirin

Bûyera duyem li Girava Sisamê pêk hat. Li gorî daxuyaniya Hêzên Ewlekariya Qeraxan ên Yewnanistanê, keştiya lezgîn a ku ji beravên Tirkiyeyê birê ketibû, di nav sînorê ava Yewnanistanê de hat tespîtkirin. Hêzên Ewlekariya Qeraxan îdîa kir ku keştiyê manevrayeke dijwar kiriye û piştre jî serobino bûye.

Di bûyerê de pênc mêr û jinekî mirin. Di daxuyaniyên destpêkê de hat ragihandin ku 14 kes hatine rizgarkirin. Welatiyekî Îranê ku di nav kesên hatine rizgarkirin de bû, bi gumana qaçaxçitiya mirovan hat desteserkirin.

Hêzên Ewlekariya Qeraxan ên Yewnanistanê û helîkoptereke leşkerî tevlî xebatên lêgerîn û rizgarkirinê bûn.

Hejmara penaberên li Yewnanistanê mirine gihîştiye 82yan

21 Hezîran 2023

Hikûmeta Yewnanistanê: Qaçaxçî berpirs in

Wezîrê Deryavanî û Polîtîkayên Giravan ê Yewnanistanê Vassilis Kikilias di daxuyaniya piştî bûyeran de qaçaxçiyên mirovan ji van mirinan berpirsiyar girt.

Kikilias diyar kir ku daneyên destpêkê ên têkildarî lihevxistina li Midilliyê nîşan didin ku keştiya lezgîn li aliyê çepê yê keştiya ewlekariyê xistiye û rewşa rastîn a bûyerê jî tê lêkolînkirin.

Mirinên li Egeyê pêk tên

Li gorî lêkolîna rêxistina Refugee Support Aegean (RSA) a ku navenda wê li Yewnanistanê ye û di meha Adara 2025an de hatibû weşandin, di seranserê sala 2024an de di 35 karesatên keştiyan yên li Deryaya Egeyê de herî kêm 171 kes mirin a an jî winda bûne.

Di Deryaya Egeyê di Sibata 2026an de li peravên Girava Sakizê di encama lihevxistina keştiya penaberan û bota Hêzên Ewlekariya Qeraxan ên Yewnanistanê, de herî kêm 15 kesan jiyana xwe ji dest dabûn.

(FY/AY)

Di çarçoveya lêpirsîna hatiye destpêkirin de Şaredarê Mîlasê Fevzî Topûz û kurê wî Dorûk Topûz jî di nav de derbarê 35 kesan de bi îdiayên weke, “bertîl” û “gendeliya îhaleyan” biryara desteserkirinê hate dayîn.

Li Şaredariya Çukurovayê jî 44 kes hatibûn desteserkirin

Duh (19ê Cotmehê) li Edeneyê li hemberî Şaredariya Çukurovayê operasyon hatibû kirin. Serokê Şaredariyê Emrah Kozay jî di nav de 44 kes hatibûn desteserkirin.

Li dijî Şaredariya Çukurovayê operasyon hat kirin: Gelek kes hatin desteserkirin

19 Cotmeh 2026

(FY/AY)

Rojnameger Murat Agirel hat desteserkirin

16 Cotmeh 2026

Di operasyona ku di çarçoveya lêpirsînê de hat lidarxistin de, rojnameger Murat Agirel, kurê Parlamenterê Erzincanê yê Partiya Nû Mustafa Sarıgul, Omer Sarigul û hevjîna Mustafa Sarigulya berê Aylin Kotil jî di nav de 15 hatibûn desteserkirin.

Piştî îfadeyên li emniyetê 15 gumanbar derketin pêşberî dozger. Dozger Omer Sarıgul, Ozgur Bolukbaşi, Sadullah Ergun, Selim Daşdemir, Volkan Aslanbaş, Zekai Erdem, Zekeriya Yasemin, Aylin Kotil, Bayram Ozata, Caner Baş, Cavidan Tanrah Artuner, Cihan Durak, Cihat Salman, Murat Agirel û Mehmet Ali Aslan bi daxwaza girtinê şandibû dadweriya cezê û aştiyê. Her weha 2 kes jî bi daxwaza şertê kontrola adlî şandibûn.

Aylin Kotil û Omer Sarigul hatin desteserkirin

16 Cotmeh 2026

Li gorî agahiyên ku hatine stendin, ji bo her 15 gumanbaran jî biryara girtinê hate dayîn.

(Mİ/AY)

Biryarên ku bi pejirandina rêveberên herêmî hatine stendin, di şevên 19 û 20ê Cotmehê de saet di 20.00an de dest pê dikin û saet di 06.00an de bi dawî dibin. Sînordarkirinên ku li herêmê hatine ragihandin bi taybetî ji bo kesên temenê wan di bin 18 saliyê de ne û hemû kesan li xwe nagire.

Li Fransayê piştî çalakiyên girseyî hejmara kesên hatine desteserkirin ji 2 hezarî derbas bûn

19 Cotmeh 2026

Sînordarkirin li bajarên din belav bûn

Tedbîrên rejîmê bi çar şaredariyên bakur ve sînordar neman. Li derdora Meydana Komarê (Place de la République) û Les Hallesê yên Parîsa paytext jî di navbera 19ê Cotmehê saet 23:00 û 20ê Cotmehê saet 06:00an de qedexeya derketina derve hat ragihandin. 

Li Parîsê li herêmên diyarkirî xwenîşandan û civîn ji saet 20:00an pê ve hatin qedexekirin. Li herêma Presqu'île ya Lyonê jî di navbera saetên 21:00 û 06:00an de qedexeya derketina derve hat ragihandin. Li hin taxên navendî yên Nice’ê jî ji saet 21:00an pê ve derketina zarok û ciwanan a ji bo kolanan hat sînordarkirin. Li Marsilyayê jî roja duşemê di navbera saetên 12:00 û 20:00an de destûr nehat dayîn ku civîn û xwenîşandan bên kirin.

Serokwezîr Sébastien Lecornu diyar kir ku wî ji waliyan xwestiye ku qedexeyên herêmî û sînordar bixin dewrê. Lecornu aşkere kir ku vebijêrka rewşa awartê jî wekî tedbîreke li ber dest e û ger hewce bike dê bê pêkanîn.

550 hezar an 800 hezar?

Di Şemiya 17ê Cotmehê de li tevahiya Fransayê 110 meş pêk hatin. Li gorî Wezareta Karên Navxweyî 550 hezar kes beşdarî van meşan bûne û li gorî rêxistinên xwendakar û sendîkayan jî 800 hezar kes. Himara ku wezaretê ji bo Parîsê aşkere kiribû 110 hezar bû.

Beşek mezin a meşan bê bûyer bi dawî bûn; lê belê li Parîs, Lille, Lyon, Marsilya û gelek bajarên din di navbera hin kom û polîsan de pevçûn derket, avahiyên dewletê hatin şewitandin û mixaze hatin talankirin. Li Limogesê banê avahiya dîrokî ya şaredariyê di şewatê de hilweşiya.

Li gorî bîlançoya dawî ku Wezîrê Dadê Gérald Darmanin di êvara 19ê Cotmehê de aşkere kir, ji dawiya hefteyê vir ve 2 hezar û 513 kes hatine desteserkirin û 67 kes hatine girtin. Rayedaran diyar kir ku zerar gihîştiye zêdetirî 3 hezar cihên kar an jî hatine talankirin. Darmanin da zanîn ku divê di hin dosyeyan de ji ber “sûcê rêxistinkirî” dema desteserkirinê ji 48 saetan derkeve 72 saetan.

Tevger ji banliyoyên hejar ên Parîsê belav bû

Protesto di meha Îlonê de li banliyoyên bakur ên Parîsê ku piranî çîna karker lê dijîn dest pê kirin. Xwendekarên lîseyê li hemberî kêmbûna mamosteyan, avahiyên kevin ên dibistanan û neyeksaniya di perwerdeyê de serî hildan.

Piştre xwendekarên zanîngehan, xebatkarên perwerdeyê, sendîka û ew beşên ku ji giraniya jiyanê bi gazinc bûn tevlî xwenîşandanan bûn. Hikûmetê soz da ku ji bo kêmasiya kadroyan bê çareserkirin dê nêzîkî 3 hezar mamosteyên bi wesif yên nû ji bo dibistanan were erkdarkirin; lê di budceya perwerdeyê de zêdebûnek çênebû.

Konfederasyona Giştî a Karkeran (CGT), di daxuyaniya xwe ya 19ê Cotmehê de daxwazên xwe yên derbarê perwerde, meaş û mercên jiyanê de wiha rêz kirin: Divê ji bo lîse û zanîngehan zêdetir çavkanî bên dabînkirin, divê mûçe û mûçeya herî kêm bên zêdekirin, divê mûçeyên kesên teqawidbûyî û bursên xwendekaran bên zêdekirin, divê zêdebûna bihayan bên rawestandin, divê dawî li kêmkirinên di tenduristî û xizmetên din ên giştî de bê anîn.

CGTyê di daxuyaniya xwe de wiha got:

“Ji bo tevgereke civakî divê bersiv ne tedbîrên ewlehî û zextkar bin. Bersiv çareseriyên siyasî ye.”

Sendîkayê xwest ku divê meaşên xebatkarên cihên kar ên zirar dîtine jî bi temamî bên dayîn.

Tundkariya polîsan jî mijara lêpirsînê ye

Îdîayên derbarê midxeleya hêzên ewlehiyê de jî mezin dibin. Li Saint-Étienne’ê piştî ku xwenîşanderekî 17 salî ji destê xwe bû, biryargeha IGPNê ku midaxeleyên polîsan lêkolîn dike ket dewrê.

CGTyê diyar kir ku di çalakiyên dawî de xwenîşanderekî din ê 17 salî ji çavê xwe bûye û li Toulouse’ê di kortêja meşê ya sendîkayan de çar rêveberên jin birîndar bûne, ji ber vê yekê daxwaza lêkolîneke serbixwe kir.

Wezîrê Karên Navxweyî Laurent Nuñez qebûl kir ku li hin bajaran polîsan kontrola xwe ya li ser bûyeran winda kiriye. Nunez berpirsiyariya kêmasiyên di amadekariyên ewlehiyê de girt ser milê xwe û îstifaya xwe pêşkêş kir; Serokkomar Emmanuel Macron îstifaya wî nepejirand û xwest ku pirsgirêkên di plansaziya polîsan û xebatên îstîxbaratê de bên lêkolînkirin.

Fransa: Xwendekaran 13ê Cotmehê weke roja grev û çalakiyên nû ragihand

9 Cotmeh 2026

Macron ji bûyerên tundkariyê komên “çepgirên tundrew” û talanker weke berpirsiyar nîşan da. CGTyê jî anî ziman ku xwenîşanderên aştiyane jî di midaxeleya polîsan de birîndar bûne û rexne li “stratejiya kaosê ya hikûmetê” girt.

Serokê Şaredariya Parîsê Emmanuel Grégoire diyar kir ku sazkirina ewlehiyê erka dewletê ye û rêveberiya navendî ji bûyerên dawiya hefteyê berpirsiyar girt.

Çalakiyên nû: 24ê Cotmehê û 5ê Mijdarê

Rêxistinên xwendakaran ji bo Şemiya 24ê Cotmehê ji nû ve bang kirin ku dakevin kolanan. Yekîtiya Xwendakaran (L'Union étudiante) ragihand ku Macron di axavtina xwe de behsa mijara burs, stargeh, xwarin û gihîştina xwendakaran a ji bo xizmetên tenduristiyê nekiriye.

Rêxistinên xwendakarên lîseyê jî ji bo 22 û 24ê Cotmehê û 3 û 5ê Mijdarê li ser çalakiyên nû diaxivin.

CGTyê jî 5 Mijdarê wekî roja grev û xwenîşandanê ya li seranserê welêt ragihand. Serokwezîr Lecornu bang li sendîkayan kir û xwest ku di 21ê Cotmehê roja Çarşemê de berî nîvroyê bi wan re bicive.

(AEK/AY)

Sakiyê têkildarî serdana xwe li ser hesabê xwe yê medyaya civakî daxuyanî daye. Sakiyê diyar kir ku girtiyan ji xizm û heskiriyên xwe re slav şandin.

Li Stenbolê di operasyonên li dijî LGBTÎ+yan de 20 kes hatin girtin

17 Îlon 2026

Sakiyê da zanîn ku mehek li ser girtîbûna wan re derbas bûye û bertek nîşanî ne berdana wan da.

“Tevî ku tu sedemeke tune ye da ku rojekê tenê jî girtî bimînin, di yekem nirxandina girtîbûnê de jî nehatin berdan.”

“Piştgiriya li derve hêzê dide wan”

Sakiyê ragihand ku mercên girtîgehê li gorî rojên destpêkê baş bûne û anî ziman ku ew bi rêvebirê girtîgehê re jî civiyaye û hin daxwazên girtiyan gihandine rêveberiyê.

Sakiyê diyar kir ku LGBTÎ+yên ku wê dîtiye, bi taybetî bal kişandine ser girîngiya piştgiriya li derve:

“Her yek ji wan bi cihêyî anî ziman ku piştgiriya li derve hêzê dide wan.”

Sakiyê destnîşan kir ku divê girtî di demek nêz de serbest bên berdan û daxuyaniya xwe bi banga piştgiriyê bi dawî anî:

“Lêbelê tişta herî girîng ew e ku em ji bo ku ew di zûtirîn demê de azadiya xwe bi dest bixin, têkoşîn û piştgiriyê kêm nekin.”

Polîsan bi ser Kaos GLyê de girt: Polîs ketin komeleyê, rêveber hatin desteserkirin

14 Îlon 2026

(NÖ/AY)

Li gorî biryarên di konferansê de hatine dayin, armanc ew bû ku di nava şaredariyên mezin de Serokatiya Daîreya Jiyîn û Pêşxistina Zimanan, li şaredariyên din jî Mudiriyeta Jiyîn û Pêşxistina Zimanan bên damezirandin. 

Dê serî li wezaretê bidin

Di çarçoveya rêbazên alternatîf ên hatine pêşxistin de, armanc ew e ku navên yekîneyên ku di cetvelên kadroyên norm ên heyî yên şaredariyan de hatine diyarkirin bên nûkirin.

Di giştînameya hatiye weşandin de, bi armanca dayîna derfetê ku li şaredariyên mezin serokatiya daîreyê, li şaredariyên bajar, navçe û bajarokann jî mudiriyet bên damezirandin, hate xwestin ku daxwaznameyên fermî ji Wezareta Hawirdor, Bajarvanî û Guherîna Avhewayê re bên şandin.

"Xebatên zimanê dayîkê dê bidomin"

Di giştînameyê de hate destnîşankirin ku di demeke ku pêvajoyên qanûnî yên derbarê guhertina rêziknameya daxwazkirî de berdewam dikin de, pêwîst e şaredarî bê navber xizmet û çalakiyên xwe yên pratîkî yên di warê zimanê dayikê de bidomînin û ev yek xwedî girîngiyeke jiyanî ye.

Herwiha hate diyarkirin ku pêşxistin, xurtkirina sazûmanî û belavkirina xebatên zimanê dayikê di nava rêveberiyên xwecîhî de pêdiviyeke bingehîn û berpirsiyariyeke jêneveger e.

(AY)

Di encamnameya Konferansa Jineolojiyê ya Ewropayê de jinan ji bo berfirehkirina karên Jineolojiyê li qadên xwecihî, xurtkirina pêşengiya jinên ciwan û zêdekirina ezmûnên jiyana komînal bang kirin.

Jinan destnîşan kir ku ew Jineolojiyê wek zanist û rêya azadbûnê dibînin ku jinê ji rewşa heyî ya tiştekî bêîrade derdixe û wê dike aktora dîrok û jiyana xwe.

Her weha jinan da zanîn ku têkiliya Jineolojiyê ya bi jiyanê re di lêgerîna wan ya avakirina civaka komînal de xwe diyar dike.

Di konferansê de jinan diyar kirine ku armanca wan ew e ku xebatên Jineolojiyê kûrtir bikin, fêrbûna kolektîf bihêztir bikin, piştgirî û hevgirtinê di navbera nifşan û têkoşînên cuda yên jinan de mezintir bikin û ezmûnên jiyana komînal belav bikin. 

Tevahiya encamnameya konferansê wiha ye:

“Em ji erdnîgariyên zimanan û bîranînên jinan ên cuda hatin cem hev. Me ji bo bîranîna çîrokên xwe yên ku hatin jibîrkirin, ji bo avakirina pireyan di navbera jiyanên me yên ji hev qutkirî de û ji bo ku em rêya azadiyê bi hev re bînin, li hev civiyan. Em di ronahiya Jineolojiyê de, îradeya xwe ya ji nû ve pênasekirina hebûna jinê bi rastiya wê ya dîrokî û civakî û mezin kirina zanîna jiyana azad dubare dikin.

Krîza ku em tê re derbas dibin, di heman demê de krîza qutkirina mirov ji rastiya xwe û ji têkiliyên xwe yên civakî ye. Dema bîranîna jinê tê jêbirin, bîranîna dîrokê kêm dibe; dema keda wê nayê dîtin, avakirina jiyanê di tariyê de dimîne; dema dengê wê tê bêdengkirin, civak ji rastiya xwe dûr dikeve. Jineolojî dixwaze vê qutbûnê bi ronîkirina dîrok, zanîn û hebûna civakî ya jinan derbas bike. Ji ber ku bê çareserkirina koletiya jinê, ku şaneya bingehîn a pirsgirêkên civakî pêk tîne û bê veguherandina têkiliyên ku vê koletiyê çêdikin, azadiya civakî nikare temam bibe.

Ji ber vê yekê, em Jineolojiyê wek zanist û rêya azadbûnê dibînin ku jinê ji rewşa heyî ya tiştekî bêîrade derdixe û wê dike kirdeya dîrok û jiyana xwe. Em li ser şehrezayiya xwedawendan û tecrûbeyên jiyanê yên jin-navend ên ku şaristaniya mêr-serdest wan nixumandiye, lêkolîn dikin; bîranîna rabirdûyê bi lêgerîna azadiyê ya îroyîn re tînin cem hev. Armanca me vekirina rêya jiyaneke azad e ku tê de jin dikarin deng, raman û zanîna xwe biafirînin û bi derbasbûna ji qalibên zayendperest, pîvanên xwe yên azadiyê pêş bixin.

Lêkolîn, perwerde, kamp, weşan û xebatên kolektîf ên ku em zêdetirî deh salan e li Ewropayê dimeşînin, sermayeya hevpar a vê lêgerînê pêk tînin. Niha em bi berpirsiyariya kûrtirkirina vê sermayeyê, anîna tecrûbeyên cuda yên jinan cem hev û veguherandina zanîna Jineolojiyê ji bo hêza ji nû ve avakirina civakê re rû bi rû ne. Em girîng dibînin ku zanîn ji qalibên kolonyalîst û mêr-serdest bê paqijkirin û zanîna jinên ciwan, koçber û jinên ku bi zimanên cuda diaxivin, ramanên me yên hevpar dewlemend bike. Em dizanin ku rastî di sînorên tu erdnîgarî an tu tecrûbeyê de nagire û cudahiyên xwe wek çavkaniya hilberîna zanîna hevpar dibînin.

Têkiliya Jineolojiyê ya bi jiyanê re di lêgerîna me ya avakirina civaka komînal de xwe diyar dike. Kom qadeke jiyanê ye ku tê de ked, zanîn û berpirsiyarî tên parvekirin, biryar bi hev re tên girtin û her jin bi îradeya xwe beşdarî jiyana hevpar dibe. Azadî di nav têkiliyên me de şîn dibe; wekhevî bi parvekirina ked û berpirsiyariyan rehên xwe xurt dike; demokrasî jî dema dengê her kesî di avakirina jiyanê de bersivê dibîne, bi pêş dikeve. Ji ber vê yekê, em koman ne tenê wek awayên rêxistinbûnê, lê wek qadên ku zanîna azadiyê ya Jineolojiyê vediguherin jiyanê dibînin. Em zêdekirina pratîkên komînal ên ku keda jinan xuya dikin, îradeya wan xurt dikin û têkiliyên mêr-serdest diguherînin, wek berpirsiyariyeke hevpar a xwe qebûl dikin.

Em girîng dibînin ku perspektîfa Jineolojiyê, ku ji bîranîna dîrokî, sermayeyê ramanî û têkoşîna azadiyê ya jinan tê hêrandin, rêberiya avakirina civaka demokratîk bike; û pêşengiya jinan û îradeya wan bibin hêza avaker a jiyana civakî. Em bawer dikin ku aştiyeke ku bi azadiya jinan kûr dibe, wê di jiyana civakî de reh bigire û demokrasiyeke ku bi îradeya jinan tê hûnandin, wê rê li ber paşerojeke azad û komînal veke. Em di avakirina vê paşerojê de, anîna tecrûbeya dîrokî, zanîn û lêgerîna azadiyê ya jinan ji bo navenda ji nû ve avakirina civakê, wek berpirsiyariyeke bingehîn dibînin.

Bi vê konferansê re, em xwe bi van armancan ve girê didin: kûrtirkirina xebatên Jineolojiyê, xurtkirina fêrbûna kolektîf, mezinkirina piştgirî û hevgirtinê di navbera nifşan û têkoşînên cuda yên jinan de û belavkirina tecrûbeyên jiyana komînal. Em biryardar in ku em di rêyekê de bimeşin ku zanîn ji jiyanê, raman ji kedê û azadî ji berpirsiyariya hevpar qut nebe. Em ê bêyî ku tecrûbeyên xwe ji hev re bigirin, bi rûbirûbûna bi kêmasiyên xwe û bi kirina dengê her herêmê parçeyek ji hilberîna hevpar, pêş ve biçin. Em ê ji bo pêşxistina xebatên ku zanîn û tecrûbeyên jinan tînin cem hev, hilberîna hevpar domdar dikin û têkoşîna azadiyê di jiyana rojane de xurt dikin, bixebitin.

Ji ber ku rastî jiyana ku bi hev re tê derxistin e. Azadî ne sozdayîneke ku ji bo paşerojê tê paşxistin e, lê hêviya ku em di têkiliyên ku îro ava dikin de mezin dikin e. Em bi Jineolojiyê zanîna xwe azad dikin, bi koman têkiliyên xwe yên civakî ji nû ve dihûnin û îradeya jinan dikin hêza avaker a jiyana demokratîk.

Em rêya ku ji bîranînê ber bi paşerojê, ji gotinê ber bi jiyanê ve dirêj dibe, bi hev re dihûnin. Em bi perspektîfa Jineolojiyê civakbûnê dihûnin, azadiya jinan dikin koka civaka demokratîk û bi koman civakeke demokratîk û komînal ava dikin.”

*Çavkanî: JinNews, Ajansa Welat

(AY)

Xwîdana ku bi ser bedenê ketî, şaneyên hiş jî dinermijîne. Ji şaneyên nermijî xunavînên rojên borî di ser min de dibarin; carna bi bişirîn, carna jî bi qirçînên ku dişibin qirş û qalên di bin lingên min de diqirçin.

Bi lîska sihora sorbelek ya di nav guliyên darê de ji wê atmosfera xeniqoq difilitim. Reqsa sihorê û deng û rengê xwezayê dil li min dikin asîmanek sayî. Qederek di bin wî ezmanê sayî de vedigevizim. Kufîn û xişînên ku mîna ji têla kemana canê wê diêşe diçîzire, mûyên canê min cît dikin. Bi diqet li derûdora xwe mêze dikim; dîtina dibînim çar marên birqoq li dor dara ku sihor li ser dilîze, viz dibin. Ewil di cihê xwe de ditevizim, dû re mîna dû û dûxana ku ji ser kelaxê welatê min bilind dibe, bi lez û bez ji wir dûr dikevim.

Gava ku ez rastî du xweşkokên ku bi dev û lêvên hevdu ketine têm, şîda hulkutîna ji wê tirsê za bû ditemire. Li dû girnijîneke tehl ez xwe bi xwe dibêjim:

"Dinyaya ku ez lê bûme, dinyaya ku ez lê dijîm û dinyaya ku ez xeyal dikim çiqas ji hev dûr û berzeqî hev in."

​Dimeşim. Kenê ku ji guhoka di guhê min de diçinge, bêhna min sivik dike. Li dû wê hesta sivik em dîsa dibin wek mişk û pisik; bi tîqînên ji dil û xiştên derewîn, xiştan xiştî hev dikin. Li dû sohbeteke dû dirêj, weke gelek caran mîna du vampîrên ku ji rêtina xwîna hevûdu têr nebûyî, bi qîl û pencokan hevûdu di nav xwînê de dihêlin...

Bi wê keribîn û kerixîna ku di hişê min de xwe dikilên, pişta xwe didim koka darçînarekî li ser devê golê cî li xwe xweş kiriye. Ji çenteyê li kêleka xwe termos, qehwe û qedexa reng şerabî dertînim. Ji ava di termosê de qehweyek tal çêdikim. Qehwe û cixare pitepitên di nav hişê min de haş dikin. Bi wê haşkirinê re xilmaş dikevim.

​Li dû qerepera ku dibêje:

"Wer dixuyê xewna li dû bûm wê zîl nede. Ne golgeniya dil zelal dibe, ne jî nêta periya xewnê heye bi per û baskên xwe re leqê bi keviyên golê bixe da ku ji şêlûya genî zelalî hilbiçe," ji şûna xwe hildipekim. Bi şaşwazî li der û dora xwe mêze dikim; ji bilî min û tava ku dike di nav golê de bixeniqe, tu kes tune.

(DB/AY)

Di çarçoveya operasyonê de derbarê gelek kesan de biryara desteserkirinê hat dayîn.

Li dijî Şaredariya Bajarê Mezin a Edeneyê operasyon pêk hat

18 Kanûn 2023

Hê nayê zanîn operasyon di çarçoveya kîjan lêpirsînê de çêbûye û derbarê kê de biryara desteserkirinê hatiye dayîn. Her weha heta niha daxuyaniyeke fermî nehatiye dayîn.

Ji CHP’yê îstifa kiribû

Serokê Şaredariya Çukurovayê Emrah Kozay berê ragihandibû ku wî ji CHPyê îstifa kiriye. Kozay dabû zanîn ku ew ê jiyana xwe ya siyasî di bin sîwana Partiya Nû de berdewam bike.

Şaredariya Yuregîrê bi biryara dadgehê derbasî AKPê bû

4 Îlon 2026

(FY/AY)

Di 17ê Cotmehê de li seranserê welêt 110 xwepêşandan hatin kirin. Li gorî sendîkayan hejmara kesên tevlî van xwepêşandanan bûne gihiştiye 800 hezarî û her weha li gorî Wezareta Karên Navxweyî jî gihiştiye 550 hezarî. Her weha beşek mezin a meşan bi awayekî aştiyane derbas bû, lêbelê li gelek bajaran û bi taybetî li Parîs, Marsilya, Lyon, Toulouse û Limogesê bûyerên pevçûn, talankirin û şewitandinê çêbûn.

Li gorî daxuyaniya Wezîrê Karên Navxweyî Laurent Nuñez, hejmara kesên hatine desteserkirin ji 2 hezarî û hejmara personelên polîs, cenderme û agirkujiyê yên ku birîndar bûne jî ji 600î derbas bûn.

Bîlançoya desteserkirinê mezin dibe

Hejmara kesên hatine desteserkirin êvara 17ê Cotmehê weke nêzîkî 400î hatibû aşkerekirin. Lêbelê piştî operasyonên polîsan ên ku seranserê şevê dewamkirin ev hejmar bilez zêde bûn.

Li gorî Rêveberiya Emniyetê ya Parîsê tenê li paytextê 855 kes hatin desteserkirin. Rayedaran diyar kir ku ev hejmar tenê ji bo rojeka xwenîşandanan gelekî bilind e.

Nuñez, ji êrişên li hemberî avahiyên dewletê û talankirina dikanan komên ku weke “çepgirên tundrew” bi nav kirin, berpirsiyar girtin.

Hikumet dizwaze cezayan giran bike

Serokwezîr Sébastien Lecornu, di daxuyaniyên ku piştî xwepêşandanan dan de diyar kir ku ew kesên ku tevlî bûyerên tundkariyê bûne dê bi cezakirinên giran re rûbirû bimînin.

Hikumet, danûstandinên li ser pêşniyara qanûnê ya ku wekî “kesê ku zirarê bide dê berdêla wê zerarê jî bide” (casseurs-payeurs) tê zanîn bilêz dike. Armanc jî ew e ku zirara maddî ya ku di dema xwepêşandanan de derketiye holê ji berpirsiyarên wê bê stendin.

Li gorî salnameya fermî ya Senatoyê, pêşniyara qanûnê dê di 27 û 28ê Cotmehê de bibe rojeva Civata Giştî. 

Lecornu ragihand ku Wezîrê Dadê Didier Migaud dê îro (19ê Cotmehê) bi serdozgeran re bicive û polîtîkayên edlî yên ku dê di çarçoveya girtin û lêpirsînan de bên sepandin binirxîne.

CGT: “Divê hikûmet bersivê bide daxwazên civakî”

Li hemberî daxuyaniyên hikûmetê yên ku bala xwe didin ser ewlehî û cezakirinê, Konfederasyona Kedê ya Giştî (CGT), beşdariya berfireh a xwenîşandanên 17ê Cotmehê bi bîr xist û xwest ku daxwazên civakî bibin rojev.

CGTyê diyar kir ku di çalakiyên ku nêzîkî 800 hezar kesî tevlî bûne de, ji bilî mercên perwerdeyê yên xwendakaran, bihabûn, meaşên teqawidan û kêmbûna çavkaniyên ku ji bo xizmetên giştî hatine veqetandin jî hatine protestokirin.

“Hikûmet bi israr guhê xwe ji daxwazên ku gel bi awayekî girseyî û aştiyane tîne ziman re digire. Ev hukimet îro ji zêdebûna tundkariyê bi awayekî siyasî berpirsiyar e.”

— CGT, 17 Cotmeha 2026an

CGTyê bang li hikûmetê kir ku bi sendîkayên xwendakar û karkeran re li ser maseya muzakereyan rûne û di heman demê de li hemberî midaxeleyên polîsan ên ku rê li ber beşdariya xwenîşandanan digirin jî derket.

Çavkanî: AFP, Associated Press, CGT, Le Monde, Reuters

(VC/AY)

Li gorî nûçeya TV100ê, Lijneyê ceza li Serokê Berê ê Bajarê Bedlîsê Metin Guzelkaya û Endamê Berê ê Meclîsa Partiyê (PM) Ozan Varal ne birî.

Di Tebaxê de ji bo dîsîplînê hatibûn şandin

Bi biryara tedbîrê ya ku Dadgeha Edliyeyê ya Herêma Enqereyê di 21ê Gulanê de dabû, Kemal Kiliçdaroglu erka Serokatiya Giştî ya CHPyê girtibû ser milê xwe. Ozgur Ozel û 91 parlementerên ligel wî de di 24ê Tîrmehê de ji CHPyê veqetiyabûn û Partiya Nû ava kiribûn. Hin rêveberên berê yên partiyê ku nêzî Ozel bûn jî endametiya xwe ya CHPê domandibûn.

Meclîsa Partiyê ya CHPê, di civîna xwe ya 26ê Tebaxê de bi daxwaza derxistina teqez û bi tedbîr 49 kes sewqî YDKyê kiribûn.

Di nav kesên ku hatibûn sewqkirin de Sekretera Giştî ya Berê Selin Sayek Boke, Cîgira Serokê Giştî ya Berê Gul Çiftci, Seroka Giştî ya Berê ya Baskê Jinan Aylin Nazliaka, endamên berê yên Lijneya Rêveberiya Navendî (MYK) Yalçin Karatepe, Zeliha Aksaz Şahbaz û Yankı Bagcioglu jî hebûn.

Berdevkê CHPê Muslim Sari piştî biryarê daxuyaniyek dabû û diyar kiribû ku wan derbarê kesên ku endametiya wan a partiyê berdewam dike lê ji bo partiyên din ên siyasî dixebitin de pêvajoya dîsîplînê daye dest pê kirin.

Sari anî ziman ku ew xebatên endamên CHPyê yên ji bo partiyên din ne exlakî dibînin û van çalakiyan di çarçoveya bendên dîsîplînê yên partiyê de dinirxînin.

Kesên ku ji bo dîsîplînê hatine şandin

Navên wan 49 kesên ku di 26ê Tebaxê de ji bo YDKê hatibûn kirin ev in:

Ali Abbas Ertürk, Asiye Ergül, Aylin Nazlıaka, Bahattin Bahadır Erdem, Barış Övgün, Bedirhan Berk Doğru, Berk Kılıç, Burcu Mazıcıoğlu, Canan Taşer, Cansel Çiftçi, Ecevit Keleş, Elif Leyla Gümüş, Emine Uçak Erdoğan, Güldem Atabay, Hikmet Erbilgin, İlhan Cihaner, Kerim Rota, Kübra Gökdemir, Mahir Yüksel, Melisa Uğraş, Meryem Gül Çiftci Binici, Nazan Güneysu, Ozan Işık, Önder Kurnaz, Polat Şaroğlu, Selin Sayek Böke, Sercan Çığgın, Serkan Özcan, Sevgi Kılıç, Sinem Kırçiçek, Tolga Sağ, Turgay Özcan, Uğurcan İrak, Uygar Parçal, Yalçın Karatepe, Zeliha Aksaz Şahbaz, Tuğçe Hilal Özkan, Yankı Bağcıoğlu, Baran Seyhan, Emre Kartaloğlu, Ozan Varal, Emre Yılmaz, Pınar Uzun Okakın, Oya Ünlü Kızıl, Deniz Çakır, Remzi Kazmaz, Oğuzhan Cenan, Aysemin Gülmez ve Mesut Kırşanlı.

(VC/AY)

PFDKê di mijarên, ji ber dirûşmên “kirêt û nexweş” ên alîgirên Gençlerbîrlîgiyê yên di maça Gençlerbîrlîgî-Amedsporê ya ku li Enqereyê hat lîstin de, kartên alîgirên ên li pişta qaleya bakûr, trîbuna rojava û vîpê biryara xwe da. PFDKê xwest hem ev kes werin astengkirin û ketina wan a maçên din bê qedexekirin.

Li gorî nûçeya Ajansa Welat PFDKê 280 hezar lîre cezayê pere li Amedsporê birî. Lijneyê ev ceza wekî “bûyerên li qadê” bi nav kir û cih neda bê ka ev bûyer çi ne. Lijneyê ji ber bûyerên di gelek maçên dawiya hefteyê de qewimîn, cezayên cûda dan tîman.

Maça Mardînspor û Bursasporê

Di Lîga 1emîn a Trendyolê de, di maça ku Bursasporê di 11ê Cotmehê de li qada xwe li dijî Mardîn 1969 Sporê lîst û 2-1 winda kir.

Alîgirên Bursasporê hema hema di seranserê maçê de dirûşmên nexweş berz kirin. Dîmenên van dirûşmên nexweş li ser platformên medyaya dîjîtal bi hezaran caran hatin parvekirin. Bi taybetî dirûşmên nexweş ên li dijî golparêzê Mardînsporê Erce Kardeşler bûn rojev.

Lê belê, PFDKê ji ber bûyerên qadê li gorî xalên 52/2 û 46/1 ên FDTyê (cezarkirina tîmê ya ji ber bûyerên qadê yên ku ji aliyê temaşevan, endamên klûbê an jî futbolvanan ve hatine kirin; avêtina madeyên biyanî bo nav qadê, ketina temaşevanan bo nav qadê, vêxistina meşaleyan hwd. vedihewîne) 140 hezar TL cezayê pereyan da.

Tevî ku dirûşmên kirêt û nexweş ên alîgirên Bursasporê yên di seranserê maçê de ji aliyê her kesê ku maç ji TVyê temaşe dikir ve hat bihîstin jî, nedana cezayekî bi vî rengî careke din nîşan da ku PFDK biryarên çiqas alîgir digire.

(AY)

Rêvebera Weşanê ya Giştî ya halktv.com.tryê Bengu Şap Babaekerê agahiya desteserkirinê li ser hesabê xwe yê Xê bi gotinên “Bahadir Ozgur tê desteserkirin” ragihand.

Ozgur îdîaya ku “nihêniya lêpirsîna fonê binpê kiriye” hat desteserkirin. Lêpirsîn ji aliyê Serdozgeriya Komarî ya Stenbolê ve tê birêvebirin.

Ozgur piştî karûbarên li Emniyetê îro ji bo Edliyeyê hat şandin. Dozgeriyê bi daxwaza şertê kontrola edlî û qedexeya derketina derve Ozgur sewqî dadgehê kir.

Dadgehê jî xwest ku Ozgur heftê de 2 caran li emniyetê îmzeyê bide û derketina derveyî welat lê qedexe kir û serbest berda.

Rojnameya Evrenselê nivîsî ku polîsan Ozgur birine Emniyeta Vatanê. Rojnameger Hakki Ozdal jî gotiye ku îfadeya Bahadir Ozgur a li emniyetê bi dawî bûye û dê di saetên sibehê de bibin adliyeyê.

Her weha hesabê Xê ê Bahadir Ozgur ku 163 hezar şopînerên wê hene (@bahadir_ozgr) hat astengkirin. Ev hesab hîn ji aliyê platforma Xê ve ji bo bikarhênerên li Tirkiyeyê nehatiye reş kirin.

(VC/AY)

Dengdana nihênî çar tûr dom kir. Namzeta Partiya Nû û Şaredara Bajarê Mezin a Eskişehirê Ayşe Unluceyê, 48 deng ji namzetê Hevpeymaniya Cumhur, Şaredarê Bajarê Mezin ê Kocaeliyle yê AKPyî Tahir Buyukakin zêdetir girt.

Li gorî encamên nefermî ku saet di 20.55an de hatin aşkerekirin, Unluce 417 deng û Buyukakin jî 369 deng stendin.

Unluce piştî hat hilbijartin li ser kursî axivî û ev tişt gotin: 

“Ez ji bo cîgiriya Serokê me ê TBByê Vahap Seçer hatim hilbijartin. Heta ku ew bi lez azadiya xwe bi dest bixe û vegere ser erka xwe, ez soz didim ku ez ê vê erka xwe ji bo we bi awayekî wekhev û adil pêk bînim.”

CHPyê namzet nîşan neda, piştgirî da Unluceyê

Beriya hilbijartinê di navbera CHP, Partiya Nû û DEM Partiyê de li ser namzetê hevpar hevdîtin hatin kirin.Partiya Nû, Şaredara Bajarê Mezin a Eskişehirê Ayşe Unluce wekî namzeta xwe nîşan da.

Berdevkê CHPyê Muslim Sari di 14ê Cotmehê de daxuyaniyek da û diyar kir ku hewldanên partiya wan ên ji bo diyarikirina namzetê hevpar bêencam man. Tevî vê yekê, ji bo ku rêveberiya TBByê nekeve destê Hevpeymaniya Cumhur, ew ê piştgiriyê bidin Unluceyê.

Hefsengiyên siyasî yên di Meclîsê de

Beriya hilbijartina ku bi dengdana veşartî hat kirin, li gorî belavbûna partiyan a ku hatibû aşkerekirin, di Meclîsa TBByê de 304 endamên AKPê, 261 endamên CHPê, 131 endamên Partiya Nû, 57 endamên MHPê, 56 endamên DEM Partiyê, 9 endamên Yeniden Refah Partiyê û 3 endamên İYİ Partiyê hebûn.

Di vê dabeşkirinê de hiimara endamên CHP û Partiya Nû bi giştî 392 û yên AKP û MHPyê jî bi giştî 361 bûn.

417 dengên ku Unluceyê di tûra çarem de stendin, ji hijmara giştî ya kursiyên CHP û Partiya Nû 25 deng zêdetir bûn. Buyukakin jî ji jimara giştî ya AKP û MHPyê 8 deng zêdetir wergirtin.

(AEK/AY)

Rojnameger İsmail Saymaz li ser hesabê xwe yê medyaya civakî daxuyaniyek parve kiriye û gotiye ku siyasetmedar Aylin Kotil û kurê wê Omer Sarigull jî hatine desteserkirin.

Saymaz ragihand ku derbarê Emir Sarigul de jî biryara desteserkirinê heye. Mustafa Sarıgulê ji Partiya Nûyê jî diyar kir ku kurê wî dê xwe radestî emniyetê bike.

Rojnameger Murat Agirel hat desteserkirin

16 Cotmeh 2026

Mustafa Sarigul destnîşan kir ku lêpirsîn ji bo mijareke bazarganiyê ye ku pewendiya wê Almanyayê re heye. Her weha Sarigul diyar kir ku rojnameger Murat Agirel jî ji ber ku ev mijar kiriye nûçe navê wî derbas dibe. 

Agirel di saetên sibehê de hatibû desteserkirin.

(EMK/AY)

Derbarê sedema desteserkirina Agirel de hîn daxuyaniyeke berfireh nehatiye dayîn.

Rojnameger Bahadir Ozgur jî piştî tayînkirina qeyûm a ji bo Halk TVyê, duh di çarçoveya lêpirsîna fonê ya ku ji aliyê Serdozgeriya Komarê ya Stenbolê ve tê meşandin de bi tohmeta ku “nihêniya lêpirsînê binpê kiriye” hatibû desteserkirin.

(EMK/AY)

Dezgehên Sûriyeyê derbarê wê yekê de hûrgilî parve nekirin ku operasyon li ser kîjan xeta sînorî hat encamdan.

SANAyê destnîşan kir ku Mihraç Ural ji aliyê Servîsa Sîxuriyê ya Giştî ya Sûriyeyê ve hat zeftkirin ku ev jî “bi operasyoneke taybet ku di nav koordînasyona MİTê de hat encamdan”. Her weha fotografê Ural jî hate parve kirin.

المجرم علي كيالي، المعروف بـ"معراج أورال"، في قبضة جهاز الاستخبارات العامة، وذلك في عملية نوعية نُفذت بالتنسيق مع جهاز الاستخبارات التركي. #سانا https://t.co/DvgQn5ojMu

— الوكالة العربية السورية للأنباء - سانا (@Sana__gov) October 15, 2026

Hat îdiakirin li nêzî Beyrûtê revandine

Di çapemeniya Libnanê de jî derbarê cihê ku Ural lê hatiye zeftkirin û awayê encamdana operasyona hatiye kirin de agahiyên cuda cih girtin.

Televizyona MTVyê ya ku navenda wê li Libnanê ye îdia kir ku Ural ji mala xwe ya li Mansuriyeyê ku li bakurê rojhilatê Beyrûtê girêdayî herêma Metnê ye, ji aliyê kesên nasnameya wan nediyar ve hatiye revandin û paşê ew birine Sûriyeyê.

MTVyê ragihand ku di dema serdegirtinê de hevjîn û kurê Ural hatine girêdan û Şaxa Îstixbaratê ya serbi Hêzên Ewlehiya Navxweyî ya Libnanê derbarê bûyerê de lêpirsîn daye destpêkirin.

Malbenda Çavdêriyê ya Mafên Mirovan a Sûriyeyê (SOHR) ku navenda wê li Londonê ye jî, li ser bingeha agahiyên ku ji çavkaniyên xwe wergirtine ragihand ku Ural piştî ku ji Nexweşxaneya Resulu’l-Azam a li Beyrûtê vegeriyaye, bi ser mala wî ya li Mansuriyeyê girtine û ew zeft kirine.

Malbendê ragihand ku kesên ku operasyon pêkanîne bi devoka Libnanê bi erebî axivîne, lê belê nasnameya wan hîn nehatiye diyarkirin.

Parvekirinên Balyozê Şamê Nuh Yilmazî

Balyozê Tirkiyeyê ê Şamê Nuh Yilmaz jî piştî nûçeyên girtina Ural, parvekirina xwe ya 4ê Cotmehê ji nû ve parve kir û nivîsî: “Elhamdulillah! Qehr û xezeba me li dijmin bibe malwêranî! eûzubillâh, eûzubillâh. xudâ ya şukr-i bihad!”

Yilmaz di 4ê Cotmehê de di parvekirina xwe de ragihandibû alîkarê Ural ê ku wekî Cemal Trablusi tê zanîn ji aliyê hêzên ewlehiyê yên Sûriyeyê ve hat zeftkirin û weha gotibû, “Gav bi Gav!!”.

Elhamdülillah! Kahrımız, gazabımız düşmana ziyân! eûzubillâh, eûzubillâh. hüdâ'ya şükr-i bihad!

— Nuh Yılmaz (@nuhyilmaz) October 15, 2026

(VC/AY)

Di “Karneya Beyana Tevkariya Neteweyî ya Tendurist” (The Healthy NDC Scorecard) de karneya tenduristî û hewaya paqij a beyanên tevkariya neteweyî di heşt kategoriyan de hat nirxandin. Di analîzê de bandorên li ser tenduristiyê, qirêjiya hewayê, çalakiyên di sektora tenduristiyê de, fêdeyên din ên di qada tenduristiyê de, veguhestinên edîl, birêvebirina entegreyê, aborî û fînans, şopandin û pêkanîn hatin lêkolînkirin.

Tirkiye di rêza 47em de ye

Encam bi wê yekê re hatin berhevkirin ku bê ka armancên avhewayê heta çi astê bi îdia ne û li wî welatî rêjeya mirinên ji ber qirêjiya hewayê çiqas e. Di encama analîzê de Tirkiye bi 14 pûanan di nav 132 welatan de di rêza 47em de cih girt:

Li Tirkiyeyê rêjeya mirinên ji ber qirêjiya hewayê di her sed hezar kesî de weke 83,6 hat tomarkirin. Armanca giştî ya avhewayê ya wî welatî ji bo senaryoyeke ku di bin 4°C’yî de ye wekî gelekî kêm hat nirxandin.

Di raporê de ev xal derketin pêş:

Bandorên krîza avhewayê yên li ser tenduristiyê

Bandorên krîza avhewayê yên li ser tenduristiyê gav bi gav diyar dibin. Îsal tenê li Nepalê ji ber hilweşîna berfa qeşagirtî zêdetirî hezar û 400 kes mirin û zêdetirî 6 hezar û 600 kes hîn jî winda ne.

Ji ber bûyerên ku peywendiya wan bi guherîna avhewayê re hene li Afrîkaya Rojhilat û Başûr heşt mîlyon zarok bi xetereya birçîbûnê re rûbirû ne.

Her wiha tê zanîn ku li Ewropayê pêlên germê yên di havînê de bûn sedema mirina zêdetirî 35 hezar kesan.

Li gorî Rêxistina Tenduristiyê ya Cîhanê (DSO), krîza avhewayê dikare di nava salên 2030-2050an de her sal bibe sedema zêdeyî 250 hezar mirinên din.

HEYAMA KU ÎKLÎM Û DINYA DIGUHERE... - 4

Bandora krîza îklîmê û sotemenîyên fosîlî li ser tendûristîya zarokan

10 Hezîran 2021

Ji sedî 92ê Tirkiyeyê hewaya qirêj dikişînin sîngê xwe

Li gorî Rapora Reş 2025an a Platforma Mafê Hewaya Paqij, ji sedî 92yê serjimêriya Tirkiyeyê li gorî pîvanên Rêxistina Tenduristiyê ya Cîhanê (DSO) hewaya qirêj dikişînin sîngê xwe.

Ew bajarê ku qirêjiya hewayê û rêjeya mirina ji ber qirêjiyê lê herî bilind e jî Colemêrg e.

Di raporê de tê diyar kirin ku heke qirêjiya hewayê dakeve asta ku DSO pêşniyar dike, li Tirkiyeyê di salê de dikare jiyana herî kêm 60 hezar kesî bifilite.

(CA/AY)

Stenbol di bin lehiyan de ma: 1.277 cih di bin avê de man, kesek mir û 15 hezaz pêk hatin

15 Cotmeh 2026

Aslan di axavtina xwe de wiha got:

“Stenbola me bi yek ji baranên herî dijwar ên salên dawî re rûbirû ma. Li gorî daneyên me yên AKOMê li hin herêmên me ji bo her metreçargoşeyî di navbera 130 û 273,1 kîlogramî de baran barî. Li Beykozê ji bo metreçargoşeyekî 273,1; li Sarıyerê 208,1; li Eyupsultanê jî 202,8 kîlogram baran bariye. Di navçeyên me yên din de rêjeya baranê di navbera 35 û 120 kîlogramî de pêk hat. Di dirêjahiya şevê de li hin derdorên aliyê Anadoluyê nêzî 45 kîlogram baran ji bo her metreçargoşeyî barî.”

“Em bi 8 hezar û 392 hevalên xwe yên karî, bi 2 hezar û 246 wesayît û makîneyên xwe yên kar re tevahiya şevê xebitîn. Vê sibehê jî em xebatên xwe bê navber didomînin. Yekîneyên me yên Agirkujî, ÎSKİ, Lênihêrîna Rêyan, İSTAÇ, Yekîneyên Zabitayan; Park û Baxçe, İETT, Metro û hemû yekîneyên Stenbolê di nava koordînasyonê de xebatên xwe dikin. Em bi Walitiya xwe ya Stenbolê û hemû saziyên dewletê re di nava têkiliyan de ne. Di xebatên valakirina avê de me bi sedan motopomp û pompeyên bin avê bi kar anîn. Tîmên me ji bo mudaxaleyê li îxbarên hatine kirin di dirêjahiya şevê de li qadê karê xwe dikirin.”

Wesayîtên cemaweriyê dê 24 saetan bixebite

“Di pêvajoya ji dema destpêkirina baranê ve heta vê sibehê de, me heta niha 8 hezar û 515 îxbar wergirtin. Pêşîniya me bê guman her dem jiyana mirovan bû. Tîmên me li seranserê Stenbolê 595 welatiyên me yên ku asê mabûn, rizgar kirin. Bi taybetî li herêmên Gokturk, Kemerburgaz û Ayazagayê ji ber bilindbûna asta çeman me xwe gîhand welatiyên xwe yên ku di cihên kar, dibistan, xaniyan û tesîsên cuda de asê mabûn. Me ew welatiyên xwe yên ku ji herêmên xeternak derxistin, li tesîsên xwe kirin mêvan.

Ji bo ku wesayîtên cemaweriyê bê pirsgirêk kar bikin me tedbîrên pêwîst girtin. Pirsgirêkên di seferên İETTyê de hatin çareserkirin. Pirsgirêkên di xetên metroyê de hatin çareserkirin û niha xetên metroyê bê pirsgirêk kar dikin. Tenê xetên me yên teleferîkê niha ji ber şert û mercên hewayê girtî tên ragirtin. Dîsa ji bo hêsankirina çûnûhatina welatiyên xwe me seferên xwe yên metroyê heta saet 02.00ê şevê domandin. Seferên me yên metrobûsê jî heta sibehê 24 saetan bê navber dewam dikin.”

(FY/AY)

Li gorî nûçeya Ajansa Welat Ofîsa Ragihandinê ya Bafil Talabanî têkildarî hevdîtina Bakirhan û Talebanî ya îro li Debaşan a Silêmaniyê pêk hat de, daxuyaniyek weşand.

Tuncer Bakirhan û Nêçîrvan Barzanî civiyan

13 Cotmeh 2026

Di daxuyaniyê de hate gotin ku Serokê YNKaê Bafil Talebanî li Debaşan pêşwazî li Hevserokê Giştî yê DEM Partiyê Tûncer Bakirhan kir û di hevdîtinê de li ser bihêzkirina têkiliyên dualî û pêvajoya “Aştî û Civaka Demokratîk” ku li Bakurê Kurdistan û Tirkiyeyê birêve diçe, hat nîqaşkirin.

Hate ragihandin ku di hevdîtinê de ji bo aramiya herêmê tekezî li ser berdewamiya hemahengî û hevkariya hevpar û xurtkirina têkiliyên di navbera herdu aliyan de di çarçoveya parastina berjewendiyên netewî de hat kirin.

"Di şer de, ji bilî wêrankirinê tiştek nayê bidestxistin"

Her weha derbarê pêvajoya “Aştî û Civaka Demokratîk” ku li Tirkiyeyê birêve diçe, Serokê YNKê Bafil Talebanî piştgiriya xwe ya ji bo vê gava dîrokî dubare kiriye û gotiye:

“Em ê li ser heman siyaseta Serok Mam Celal berdewam bikin heta ku ev mijara girîng û biryardar bi ser bikeve. Em bawer dikin ku em dikarin bi jiyana hevbeş û aştiyê xizmeta gelê xwe bikin. Ji ber ku di şer û parçebûnê de, ji bilî wêrankirinê tiştek nayê bidestxistin. Ji ber vê yekê ez hêvî dikim ku her kes dê rûpelek nû ber bi aştiyeke mayînde veke.”

Her wisa li gor daxuyaniyê, Hevserokê Giştî yê DEM Partiyê Tuncer Bakirhan, ji bo hewldanên wan yên ji bo serkeftina pêvajoya aştiyê spasiya Bafil Talebanî û Yekîtiya Niştimaniya Kurdistanê (YNK) kir û got:

“Em rêzê li rola we digirin û gavên we yên ku xizmeta aramî û jiyana aştiyane li herêmê dikin, teqdîr dikin.”

Foruma MERIyê ya 2026an: Tuncer Bakirhan û Mazlûm Ebdî li Hewlêrê ne

12 Cotmeh 2026

EngelliWebê agahiya vê yekê ragihand. EngelliWeb di bin banê Komeleya Azadiya Derbirînê (İFOD) de sansûra înternetê dişopîne.

Polîsan bi ser Halk TVyê de girtin: Qeyûm hat tayînkirin û weşan hat rawestandin

14 Cotmeh 2026

Li gorî vê yekê, hesabên Halk TVyê yên li ser şeş platformên cuda, di çarçoveya xala 8/A ya Qanûna Înternetê ya hejmar 5651an de ji gihîştinê re hatin astengkirin.

Xala qanûnê a navborî di biryarên sansûrê yên bi hinceta parastina ewlehiya neteweyî û nizamê giştî de tê bikaranîn.

Ji bo Halk TVyê qeyûm hat tayînkirin | Rêxistinên çapemeniyê bertek nîşan dan: “Em vê zordariyê qebûl nakin”

14 Cotmeh 2026

Hesabên ku biryara astengkirina wan hatiye dayîn wiha ne:

• YouTube: (@Halktvkanali) 2,59 mîlyon aboneyên wê hene

• X: (@halktvcomtr) 3 mîlyon şopînerên wê hene

• Facebook: (halktvcomtr) 1,5 mîlyon şopînerên wê hene

• Instagram: (@halktvcomtr) 1,2 mîlyon şopînerên wê hene

• TikTok: (@halktv) 256 hezar şopînerên wê hene

• Telegram: (@halktvcomtr) 5 hezar û 247 aboneyên wê hene

Di sibeha 14ê Cotmehê de polîsan bi ser avahiya navendî ya Halk TVyê ya li Stenbolê de girtibû, qeyûm ji bo kanalê hatibû tayînkirin û weşanên zindî yên kanalê hatibûn rawestandin.

(HA/AY)

Walîtiyê di daxuyaniya xwe de cih da van agahiyan: 

“Tevahiya saziyan, bi taybetî AFAD, ÎBB û Şaredariyên Navçeyan, bi 8 hezar personelî, 2 hezar wesayît û makîneyên kar li qadê ne û midaxele dikin”

Hat ragihandin ku li tevahiya bajêr 2 hezar û 518 îxbar hatine stendin û ji tîmên mudaxaleyê yên pêwendîdar re hatine veguhestin.

Li Beykozê ji bo her metreçargoşeyê 194 kîlogram baran bariye

Rêjeya baranê li gorî navçeyên Stenbolê cihêrengî nîşan da. 

Li gorî daneyên Walîtiyê; li Beykoz-Omerliyê ji bo metreçargoşeyê 193,84 kîlogram, li Arnavutkoyê 125,9, li îstasyona Sariyer-İTU Maslakê 124,72 û li Çatalcayê 75,2 kîlogram baran bariye. 

Her weha li Kartalê 14,3 û li Bakırkoyê tenê 6,8 kîlogram baran hat pîvan. Baran bi taybetî li hin navçeyên bakur û rojavayê Stenbolê zêde barî.

Rê û dirb di bin avê de man

Barana zêde bi taybetî li Esenyurt, Başakşehir, Sultangazi û Bayrampaşayê bû sedema rabûna avê ya zêde. 

Li Herêma Sanayiyê ya Haramidere ya Esenyurtê cihên kar di bin avê de man. Li İkitelliya Başakşehirê wesayît di rêyên bin avê de mane asê man. 

Li Fatihê zarokê 14 salî li ber elektrîkê ket

Agahiya yekem a mirinê ya karesata lehiyê di saetên êvarê de hat. Li Parka Çukurbostanê ya li Taxa Balata Fatihê, M.I. ê 14 salî dema ku pê li ava avê dike, li ber elektrîkê dikeve. Zarok bi awayê ku li ser hişê xwe nebûye birin nexweşxaneyê û tevlî hemû mudaxaleyan ji mirinê nefilitî. Walîtiya Stenbolê ragihand ku di derbarê bûyerê de lêpirsîn hatiye destpêkirin.

Jina ku li ber lehiyê ket, hat rizgarkirin

Li Taxa Hurriyetê ya Dereyoluya Esenyurtê, jina ku li ber lehiyê ket, bi alîkariya welatiyan hat rizgarkirin. 

Li Ayazağaya Sariyerê jî derdora saet 19.00an otobuseke ÎETTyê jî li ber lehiyê ket. Rêwiyên ku asê man, derketin ser otobusê û li bendê alîkariyê man.

Roja Pênşemê dibistanan navber dan perwerdeyê

Walîtiya Stenbolê ragihand ku di 15ê Cotmehê Roja Pênşemê de hemû saziyên perwerdeyê yên fermî û taybet ên li tevahiya bajêr ji perwerdeya rûbirû re rojek girtiye. 

Walîtiyê her wiha aşkera kir ku personelên ducanî û astengdar ên li saziyên dewletê dixebitin, gazî û jinên ku zarokên wan ên ji heşt salî piçûktir hene bi destûr in. 

Derketina motosîklet û wesayîtên du-tekerî ji bo trafîkê ji 14ê Cotmehê saet 21.00an pê ve heta fermaneke din hat qedexekirin. 

Di dîroka lehiyê ya Stenbolê de karesateke nû

14ê Cotmehê de li Beykoz-Omerliyê ji bo her  metreçargoşeyê 193,84 kîlogram baran barî. Navînîya meha Cotmehê ya Stenbolê 66,3 kîlogram e. Barana 14ê Cotmehê nêzî sê qatê vê ye. Ev rekora herî bilind a bajar e.

Stenbol berê jî rûbirûyê karesatên bi vî rengî bûbû. Di lehiya meha Îlona 2009an de li Çemê Ayamamayê û derdora wê 31 kesî jiyana xwe ji dest dabû. 

Di Tîrmeha 2017an de li Silivriyê di nava 2 saetan de 118 kîlogram baran hatibû pîvan. Di Îlona 2023an de li Arnavutkoy û Başakşehirê di barana ku gihiştibû 125 kîlogramî de 2 kesî jiyana xwe ji dest dabû. 

(AEK/AY)

Platforma medyaya civakî ya Xê e-postayeke şandiye û diyar kiriye ku hesabê ajansê li ser giliyê “Serokatiya Ewlekariyê ya Sîber” ku serbi Serokkomariyê ye hatiye astengkirin. 

Malpera MAyê cara 44emîn hat astengkirin

6 Cotmeh 2026

Her weha biryar li gorî Xala 8/A ya Qanûna Înternetê ya bi hejmar 5651an hatiye dayîn.

Platforma Xê ji bo astengkirina hesabê @mezopotamyatrk3 maîlek şandiye û weha gotiye:

“Em vê e-postayê ji bo wê yekê dişînin ku ji ber biryareke ku li gorî xala 8/A ya Qanûna hejmar 5651an hatiye dayîn û ji aliyê Serokatiya Ewlekariyê ya Sîber ve ji Xê re hatiye ragihandin, derbarê hesabê we ê Xê ê bi navê @mezopotamyatrk3 de agahdariyek gihîştiye me. Hesabê ku hatiye îxbarkirin: @mezopotamyatrk3. Ji bo ku em berpirsiyariyên xwe yên ku ji qanûnên herêmî yên Tirkiyeyê çêdibin cîbicî bikin, hesabê we li Tirkiyeyê hat astengkirin. Lebelê li welatên din asteng nebûye.”

Ajansa Mezopotamyayê (MA), piştî astengkirina hesabê xwe yê berê, yê nû ê Xê ragihand. Ajans dê nûçe û naverokên xwe êdî li ser navnîşana @mezopotamyatrk4 ê parve bike.

(HA/AY)

Komeleya Azadiya Derbirînê (İFOD) agahiya biryara sansûrê ragihand. Platforma Xê heta niha biryar cîbicî nekiriye û hesab li Tirkiyeyê hîn aktîf e. 

Her weha hê nayê zanîn bê ka biryar ji aliyê kîjan dadgehê ango meqamî ve hatiye dayîn.

Xala 8/A ya Qanûna Înternetê ya bi hejmar 5651an, rê dide ku naverokên înternetê bên rakirin ango astengkirin; ev yek jî bi sedema parastina mafê jiyanê, ewlehiya can û malê welatiyan, ewlehiya neteweyî, nizamê giştî, tenduristiya giştî ango ji bo pêşîgirtina li ber sûcan tê kirin.

582 hezar şopînerên TÎPê li ser Xê hene.

(HA/AY)

Bernamegerê Halk TVyê Deniz Bayramoğlu di saet 05.15an de li ser hesabê xwe yê medyaya civakî daxuyaniyek da û got: “Ji bo Halk TVyê qeyûm hat tayînkirin. Tîmên Şubeya Darayî, KOM û TEMê li kanalê lêgerînê dikin.” 

Polîsan bi ser Halk TVyê de girtin: Qeyûm hat tayînkirin û weşan hat rawestandin

14 Cotmeh 2026

Li ser hesabê medyaya civakî ê Halk TVyê  jî hatibû ragihandin ku qeyûm ji bo kanalê hatî tayînkirin û weşan hatine rawestandin.

Rêxistinên pîşeyî yên çapemeniyê bertek nîşanî tayînkirina qeyûm a ji bo kanalê dan.

“Çapemenî azad e, nayê sansûrkirin”

Sendikaya Rojnamegerên Tirkiyeyê (TGS) li hesabê xwe yê Xê daxuyanî da û weha got: 

“Ji bo Halk TVyê qeyûm hat tayînkirin! Desthilatdariya siyasî di salên dawî de ji bo derbasbûna her pirsgirêkê vê bêhiqûqiyê bi kar tîne û îro careke din ev bêhiqûqî li dijî azadiya çapemeniyê bikaranî. Bi biryareke kêfî serê sibehê ji aliyê polîsan ve bi ser Halk TVyê de hat girtin, mudaxele li weşanê hat kirin. Em vê zordariyê qebûl nakin! Çapemenî azad e, nayê sansûrkirin!”

“Ewlehiya hiqûqî ya medyayê nemaye”

DISK Basin-İşê jî bertek nîşanî tayînkirina qeyûm da. Daxuyaniya wan weha ye: 

“Tayînkirina qeyûm a ji bo Halk TVyê û rawestandina weşanê nayê qebûlkirin ku rasterast azadiya çapemeniyê û mafê agahîgirtina gel hedef digire. Sala borî li hemberî TELE1ê ev yek pêkanîn û îro li Halk TVyê tê dubarekirin. Ev yek nîşan dide ku li Tirkiyeyê ti ewlehiya hiqûqî ya medyayê nemaye. Ev biryar tenê bi rawestandina weşanê re sînordar nemaye; ji metbexê heta ber ekranê xuhdan, kar û paşeroja bi sedan kedkarên çapemeniyê jî rasterast hedef girtiye. Em li cem bi sedan hevalên xwe yên pîşeyî û kedkarên Halk TVyê ne. Em hemû raya giştî vedixwînin ku xwedî li azadiya çapemeniyê, mafê agahîgirtina gel û keda hevalên me yên pîşeyî derkevin.”

“Darbeyeke giran e li dijî azadiya derbirînê”

Komeleya Rojnamegerên Hevdem (ÇGD) di daxuyaniya xwe de wiha got: 

“Tayînkirina qeyûm a ji bo Halk TVyê û rawestandina weşana wê, mudaxeleyeke giran e li dijî azadiya çapemeniyê û derbirînê. Ev biryar nayê qebûlkirin ku mafên destûrî û azadiya agahîgirtina gel dike armanc. Tam salek berê qeyûm ji bo TELE1ê hatibû tayînkirin û wekî lekeyeke reş ketibû dîroka çapemeniya me. Îro jî ev biryar li hemberî Halk TVyê hat pêkanîn. Careke din diyar bû ku li Tirkiyeyê ewlehiya weşanê ya ti saziyeke çapemeniyê nîne. Em li cem xebatkarên Halk TVyê û hevalên xwe yên pîşeyî ne. Em ê ji bo demokrasiyê, çapemeniya azad û mafê agahîstandina gel têkoşîna xwe berdewam bikin. Em hemû raya giştî vedixwînin ku xwedî li demokrasiyê, çapemeniya azad û mafê agahîstandina gel derkevin!”

“Mafê agahîgirtina gel nayê astengkirin”

Komeleya Rojnamegeran a Dîcle Fıratê (DFG) jî daxuyaniyeke nivîskî weşand. Daxuyaniya DFGyê wiha ye:

 “Qeyûm derbe ye li dijî azadiya çapemeniyê. Tayînkirina qeyûm a ji bo Halk TVyê, rawestandina weşanên kanalê û ketina tîmên polîsan a avahiya li Stenbolê, ji aliyê azadiya çapemeniyê û mafê agahîgirtina gel ve metirsiyeke cidî çêdike. Piştî zextên li ser rojnamegeriyê, astengiyên gihîştinê, desteserkirin û girtinan niha jî mudaxelekirina li ser rêveberiya kanala televizyonê û rawestandina weşanên wê, tê wateya ku kontrola li ser çapemeniyê hîn girantir bibe. Pêkanînên qeyûm û biryarên rawestandina weşanê yên li hemberî saziyên medyayê, tenê rojnamegeran hedef nagirin, di heman demê de mafê agahîgirtina civakê jî hedef digirin. Em wekî DFG diyar dikin ku em bi xebatkarên Halk TVyê û hemû rojnamegerên ku azadiya çapemeniyê diparêzin re di nava hevgirtinê de ne. Em ê li hemberî mudaxeleyên li dijî azadiya çapemeniyê û mafê agahîgirtina gel têkoşîna xwe berdewam bikin.”

(FY/AY)

Anîmasyon dê her hefte bi beşeka nû were pêşberî bîneran. Rêzefîlm ji bo zarokan hatiye amadekirin û lehengê bimeraq Azad, bi saya pirsên ku ji jiyana rojane, ji civaknasiyê heta stêrnasiyê, ji felsefeyê heta fîzîkê deriyên qad û dîsîplînên cuda vedike.

Di vê rêwîtîyê da ku ji kolanên kevir yên Mêrdînê heta Pira Malabadê, ji Baxçeyên Hewselê heta kûrahîyên fezayê dirêj dibe. Rêzefîlm li şûna bersivên amade, temaşevanan vedixwîne ku ew pirsan û lêkolînê bikin û li bersivên xwe bigerin.

"Rojhilat û Rojava bi hev ra diaxive"

Di rêwîtîya Azad da el-Bîrûnî û Lévi-Strauss, Îbn Xeldûn û Durkheim, Îbn Heysem û Newton li kêleka hev dipeyivin. Rêzefîlm dîroka zanistê bi awayekî yek-navend û yek-deng rave nake. Ew, nîşanî temaşevanên ciwan dide ku erdnîgarîya wan jî tevkarîya zanistê kirîye.

"Çîrok bi hişê çêkirî hatîye xêzkirin"

Dîmenên projeyê bi amûrên hişê çêkirî hatine çêkirin. Senaryo, montaj, dûblaj, muzîk û mîksaj jî bi temamî bi keda mirovan hatîye amadekirin. Ekîba projeyê, hişê çêkirî wekî amûrekê dibîne ku astengîya li pêşîya çêkirina anîmasyoneka bikalîte ya bi zimanekî bidezawantaj ji navê hiltîne .
‘Meraqa bi zimanê dayikê’

Rêzefîlm ji cihekî hêsan dide rê, berhemên ku zarokên Kurdîaxiv bikarin bi zimanê xwe zanistê keşf bikin, pir kêm in. “Pirsên Azad” armanc dike ku bi Zarok TVya ku bi salan e bi zimanê zarokên Kurd weşanê dike, vê valahîyê hinekî dagire. Derhêner Ceren Asik Demîr di derheqê rêzefîlmê de wiha dibêje: “Her zarok bi pirsan mezin dibe; me jî xwest ku zarok bi zimanê xwe yê dayikê li bersivên van pirsan bigerin. Hêvî dikim ku meraqa Azad bibe meraqa her zarokê li ber ekranê.”

Her wiha qonaxa sêwirana dîtbarî û anîmasyonê ji alîyê derhêner Ceren Asik Demîr û Erdal Tîmûr ve hatîye birêvebirin. Senaryoya wê M. Dara nivîsîye. Kawa Cengîz Yildiz dengê xwe daye karakterê Azad, derhênerîya dublajê jî Cebar Alp kirîye. Kendal Adiguzel, Eylul Nazlier û Sîmyager jî muzîka anîmasyonê amade û îcra kirine.

(AY)

Li gorî nûçeya Alican Uludag ku li DW Tirkî weşiya ye, Serdozgeriya Komarê ya Stenbolê di nêrîna ku li ser daxwaza dadgehê şandî de diyar kir ku Dadgeha Destûra Bingehîn (AYM) hîn biryara xwe ya li ser Kavala nedaye û rêyên hiqûqa navxweyî bi dawî nebûne; ji ber vê yekê daxwaz kir ku serlêdan bê redkirin.

Dadgehê jî daxwazên parêzerên Kavala yên wekî rawestandina înfazê, tehliyeya miwekîlê wan û pêkanîna darizandina ji nû ve red kir. Ligel vê yekê, biryar da ku înfaza biryara di 25ê Nîsana 2022an de hatiye dayîn berdewam bike.

Dadgeh Stenbolê: DMME ne dadgeheke temyîzê ye

Dadgehê di biryara xwe de îda kir ku berî serlêdana li DMMEyê divê rêyên hiqûqa navxweyî bên pêkanîn. Li gorî prensîbên giştî yên di hiqûqa navneteweyî de hatine qebûlkirin diyar kir ku divê serlêder pêşî serî li meqamên darazê yên neteweyî bidin û rêyên hiqûqî yên heyî bi kar bînin.

Dadgehê di biryarê de diyar kir ku ji bo serlêdana DMMEyê divê mercê serlêdana hiqûqa navxweyî li ber meqamê erkedar û rayedar bê kirin û wiha got: “Di biryara ku bûye mijara dosyaya Dadgeha me de tê dîtin ku berî pêkanîna mercê qedandina rêyên hiqûqa navxweyî biryar hatiye dayîn.”

Li dijî biryarê, piştî teblîxkirina biryara bi hincet di nav du hefteyan de îtiraz dikare li 14emîn Dadgeha Cezayê Giran a Stenbolê were kirin.

(HA/AY)

Bernamegerê Halk TVyê Deniz Bayramoğlu di saet 05.15an de li ser hesabê xwe yê medyaya civakî daxuyaniyek da û got: “Ji bo Halk TVyê qeyûm hat tayînkirin. Tîmên Şubeya Darayî, KOM û TEMê li kanalê lêgerînê dikin. Heyeta qeyûm dest danîn ser rêveberiyê.”

Dema tîmên polîsan di avahiyê de lêgerîn dikirin, rêya ku kanal lê ye ji trafîkê re hat girtin. Destûr nehat dayîn ku xebatkar bikevin avahiyê.

Li ser hesabê medyaya civakî ê Halk TVyê  jî hat ragihandin ku qeyûm ji bo kanalê hatî tayînkirin û weşan hatine rawestandin.

Daxwaza weşanê ya Suat Toktaş hat redkirin

Heyeta qeyûm a ku ji bo Halk TVyê hatiye tayînkirin, li gel tîmên polîsan ket avahiyê.

Rêveberê Weşanê ê Giştî ê Halk TVyê Suat Toktaş bi serokê heyeta qeyûm re civiya û ji bo mafê agahîstendina gel daxwaz kir ku weşanên zindî berdewam bikin. Lê belê ji hevdîtinê encam nehat girtin.

Deniz Bayramoglu piştî hevdîtinê daxuyaniyek da û got: “Hevdîtina Berpirsê Weşana Giştî ê Halk TVyê Suat Toktaş a bi serokê heyeta qeyûm re ya li ser berdewamiya weşanê bêencam ma. Weşana Halk TVyê hat rawestandin.”

Toktaş pêşniyara heyeta qeyûm a “bihevre xebitînê” jî red kir û weha got: “Têkiliyên me yên kesane tiştekî din in, lê belê niha li vir tiştekî neheq û bêhiqûqî çêdibe. Ji ber vê yekê jî tiştekî me yê weke ‘em ê bi hev re kar bikin’ nabe. Pêwendiya vê bi şexsê we re nîne.”

Mahiroglu: Polîs li Halk TVyê ne

Serokê Desteya Rêveberiyê ê Halk TV’yê Cafer Mahiroglu jî serdegirtina polîsan li hesabê xwe yê medyaya civakî ragihand.

Mahiroglu di parvekirina xwe de got: “Lîderê butlanê Kemal Kiliçdaroglu û ekîba wî dikarin kêfxweş bibin. Polîs li Halk TVyê ne.”

Hat îdda kirin ku operasyon bi lêpirsîneke ku li Îzmîrê tê meşandin re têkildar e, ji bo Mahiroglu biryara desteserkirinê hatiye dayîn û yek ji rêveberên îdarî yên kanalê Harika Akkaya li malê hatiye desteserkirin.

Navên 11 kesên hatine desteserkirin diyar bûn

Di çarçoveya lêpirsîna ji bo Halk TVyê de, navên 17 kesên ku biryara desteserkirinê ji bo wan hatiye derxistin diyar bûn. Di nav kesên hatine desteserkirin de yek ji rêveberên îdarî yên Halk TVyê Harika Akkaya jî heye.

Li gorî lîsteya ku hatî parvekirin, navên din ên kesên hatine desteserkirin ev in: Hasan Ozdemir, İbrahim Ozdemir, Armagan Kuçuk, Mustafa Ozdemir, Halit Akın, Ali Turan, Mediha Burumoglu, Murat Koçak, Erkan Yagci û Suleyman Ozen.

Hat diyar kirin ku di lîsteyê de xizmên Cafer Mahiroglu jî hene.

Mahiroglu jî di nav de çar kes li derveyî welat in

Di çarçoveya lêpirsînê de Cafer Mahiroglu, Hakan Arican, Mehmet Necati Yagci û Sevim Kul ên ku biryara desteserkirinê ji bo wan heye, li dervayî welat in.

Kese bi navê Fatih Yadoglu hîn nehatiye zeftkirin. Navekî din ê di lîsteyê de jî Serokê Navçeya Silivriyê ê CHPyê Doruk Bulut e ku di girtîgehê de ye.

Serdozgerî: Ji bo 17 kesan biryara desteserkirinê hate dayîn

Serdozgeriya Komarê ya Stenbolê ragihand ku derbarê Serokê Desteya Rêveberiyê ê Halk TVyê Cafer Mahiroglu de bi tohmetên ku “bertîl stendiye û daye” û “gendeltî kiriye” lêpirsîn tê meşandin.

Serdozgeriyê aşkere kir ku di çarçoveya lêpirsînê de ji bo 17 kesan biryara desteserkirinê hatiye dayîn û di operasyonên hemwext ên serê sibehê yên 14ê Cotmehê de 11 kes hatine desteserkirin.

Li gorî daxuyaniyê, ji gumanbaran çar kes li dervayî welat in û kesek jî di girtîgehê de ye. Xebatên ji bo girtina kesekî jî berdewam dikin.

Di rapora MASAKê de qebareya karkirina şîrketan 30,3 mîlyar TL ye

Di daxuyaniya serdozgeriyê de hat diyar kirin ku li gorî lêkolînên MASAKê, qebareya karkirina giştî a şîrketên ku Mahiroglu şirîk ango rêveberê wan in  30 mîlyar û 352 mîlyon TL ye.

Her weha di çarçoveya lêpirsîneke cuda ya li hemberî Şaredariya Bajarê Mezin a Stenbolê de jî bi sûcdariya “gendeltî di îhaleyan de kiriye” ji bo Mahiroglu qeyda lêgerînê heye.

Dest danîn ser şîrketan, TMSFê weke qeyûm tayîn kir

Serdozgeriyê aşkere kir ku di çarçoveya lêpirsînê de bi biryara Dadweriya Cezê û Aştiyê dest danîne ser şîrketên ku Mahiroglu şirîk û rêveber wan in û biryar hatiye dayîn ku Fona Sîgortaya Bîmeya Teserûfê (TMSF) wekî qeyûm bê tayînkirin. Hat ragihandin ku lêpirsîn berdewam dike.

Di daxuyaniyê de ji bo rawestandina weşana Halk TVyê hinceteke cuda nehat diyar kirin.

Ozgur Ozel: Em li gel azadiya çapemeniyê û kedkarên Halk TVyê ne

Serokê Giştî ê Partiya NÛyê Ozgur Ozel bertek nîşanî tayînkirina qeyûm a ji bo Halk TVyê da û di daxuyaniya xwe ya di hesabê medyaya civakî de operasyon wekî mudaxeleya li hemberî azadiya çapemeniyê bi nav kir.

Ozel got: “Di berbanga sibehê de serdegirtina kanala televizyonê û tayînkirina qeyûm tenê tiştek e ku diktator dikarin bikin.”

Ozel diyar kir ku di serdemek ku qeyrana aborî, pirsgirêka debarê û neheqî berdewam dikin de mudaxele li Halk TVyê hat kirin.

Ozel pratîkên qeyûm ên li hemberî şaredariyan bibîr anî û got ku niha jî mudaxele li rêveberiya kanala televizyonê ku bi mîlyonan kes lê temaşe dikin tê kirin.

Ozel destnîşan kir ku ew piştevanê xebatkarên Halk TVyê ne û wiha berdewam kir:

“Em li cem Halk TVyê, azadiya çapemeniyê, bi sedan kedkarên ku li wir dixebitin û malbatên wan in. 

“Tirkiye dê vê xerabiyê têk bibe. Em gelê xwe vedixwînin ku heta dawiyê xwedî li vê têkoşînê derkeve. Gel dê qezenc bike, derbekar û wesayetparêz dê têk biçin.”

(HA/AY)

Foruma MERIyê ya 2026an: Tuncer Bakirhan û Mazlûm Ebdî li Hewlêrê ne

12 Cotmeh 2026

Serokatiya Herêma Kurdistanê li ser naveroka hevdîtinê daxuyaniyek belav kir.

Di daxuyaniyê de hate diyarkirin ku her du aliyan bal kişandiye ser girîngiya sûdwergirtina ji vê derfeta dîrokî ya ji bo pêkanîna aştiyê û Bakirhan û Barzanî gotine nabe ku ev derfet ji dest here. Di daxuyaniyê de hate gotin ku pêwîstiya piştgiriya hemû aliyan a ji bo pêvajoyê jî hatiye axaftin.

Di daxuyaniyê de hat destnîşan kirin ku Serokê Herêma Kurdistanê piştgiriya xwe ya ji bo pêvajoya aştiyê aniye ziman û amadekariya xwe ji bo her alîkariya pêwîst a ji bo serxistina pêvajoyê nîşan daye.

Nêçîrvan Barzanî her wiha bal kişandiye ser girîngiya aştiyê ya ji bo ewlehî û aramiya Bakurê Kurdistanê û Tirkiyeyê û tevahiya herêmê.

Tuncer Bakirhan jî spasiya xwe û partiya xwe ya ji bo helwest û hewlên berdewam ên Serokê Herêma Kurdistanê aniye zimên ku piştgiriyê dide pêvajoyê.

Hewler'de düzenlenen MERI Forumu'nun ilk gününe katıldık. Forumda bölgenin geleceğine dair çok verimli tartışmalar yürütüldü. Forum vesilesiyle Kürdistan Bölgesi Başkanı Sayın Neçîrvan Barzanî, KYB Genel Başkanı Sayın Bafil Talabanî, Sayın Îlham Ahmed, Sayın Qubad Talabanî ve Sayın Mazlum Abdi ile bir araya geldik. Ev sahipliği için MERI'ye ve Kürdistan Bölgesi yönetimine teşekkür ederiz.

— Tuncer BAKIRHAN (@tuncerbakirhan) October 12, 2026

(AY)

Rapirsiya "Ajandaya Siyasî ya Tirkiyeyê ya Cotmeha 2026an" di navbera 4-10ê Cotmeha 2026an de hatiye kirin.

Lêkolîna ku li 28 bajaran bi 2 hezar 20 kesan re hatiye kirin. Li gorî lêkolînê CHP bi rêjeya ji sedî 5,1ê daketiye rêza şeşemîn.

Di rapirsiyê de rêjeya kesên bêbiryar û yên ku dibêjin "ez deng nadim" pir bilind e ku ji ber vê yekê nexşeya siyasî hîn zelal nebûye.

Berî belavkirina dengên bêbiryaran, ji sedî 18,8ê beşdaran gotiye ku ew bêbiryar in, ji sedî 15,4 jî gotiye ku ew dê deng nedin û ji sedî 3,6 jî diyar kiriye ku ew ti ramana wan tune an jî naxwazin bersivê bidin.

AK Partî, Partiya NÛ û DEM Partî li pêş in

Piştî belavkirina rêjeyên dengên bêbiryaran, ango yên ku gotiye ew dê deng nedin û yên ku bersiv nedaye, AKP bi rêjeya ji sedî 31,6 di rêza yekem de û Partiya NÛyê bi rêjeya ji sedî 25,2 di rêza duyem de cih girt.

DEM Partiyê bi rêjeya ji sedî 8,8 di rêza sêyem de, MHPyê bi rêjeya ji sedî 8,0 di rêza çarem de û ÎYÎ Partiyê bi rêjeya ji sedî 7,1ê di rêza pêncem de cih girt.

CHP bi rêjeya ji sedî 5,1ê ya dengan di rêza şeşem de ye.

Berî belavkirina dengên bêbiryar

Berî belavkirina dengan, AK Partî ji sedî 19,6, Partiya NÛ ji sedî 15,7 û DEM Partî ji sedî 5,5 piştgiriyê digirin.

MHP ji sedî 5,0, ÎYÎ Partî ji sedî 4,4, CHP ji sedî 3,2, Partiya Zaferê jî ji sedî 2,1 hatine pîvandin.

(AY)

Di operasyona ku saetên sibehê de hat encamdan de, Cîgirên Serokê Şaredariyê Fikret Gozuoglu û Gultekin Bayindir jî di nav de, ji bo 25 kesan biryara desteserkirinê hat dayîn.

Li dijî Şaredariya Etimesgutê operasyon: Beşikçioglu jî di nav de 52 kes hatin desteserkirin

30 Tîrmeh 2026

Serokê Şaredariyê di Tebaxê de hatibû girtin

Di çarçoveya lêpirsîna ku berê li hemberî Şaredariya Etimesgutê hatibû destpêkirin de Serokê Şaredariyê Erdal Beşikçioglu jî hatibû girtin.

Lêpirsîna bi sûcdariyên “gendeltî”, “bertîl” û “avakirina rêxistinê bi armanca pêkanîna sûc” tê birêvebirin. Beşikçioglu jî di nav de 40 kes di 3ê Tebaxê de hatibûn girtin.

Wezareta Karên Navxweyî roja ku Beşikçioglu hatibû girtin ji wezîfeyê dûr xistibû.

Di meha Adarê de jî operasyon hatibû kirin

Şaredariya Etimesgutê di meha Adarê de jî bibû mijara lêpirsînekê.

Di çarçoveya lêpirsînê de çar kes hatibûn desteserkirin.

Serokê Şaredariyê ê wê demê Erdal Beşikçioglu, piştî operasyonê di daxuyaniya xwe de diyar kiribû ku gilîkerê ku bûye sedema lêpirsînê bi xwe şaredarî ye.

(NÖ/AY)