Li Zanîngeha Bilgiyê roja sêyem: Gelek kes hatin desteserkirin
Çalakiya xwendekar û akademisyenên Zanîngeha Bilgiyê ya Stenbolê ya terknekirina Kampûsa Santral Stenbolê, di roja sêyem de berdewam dike.
Rektor Ege Yazgan ê ku nîvê şevê hat qada nobetê, diyar kir ku ji bo “mexdûriyet çênebe” xebat berdewam dikin û ragihand ku kampûs dê were girtin.
Zanîngeha Bilgiyê bi îmzeya Erdoğan hat girtin
Piştî daxuyaniya rektor, ji saetên sibehê pê ve derdora kampûsê hate dorpêçkirin.
#bilgiüniversitesi | Bilgi öğrencileri kapının önünden polis tarafından uzaklaştırıldı. Öğrenciler ve akademisyenler yol kenarında beklerken yoldan geçen sürücüler de korna çalarak destek veriyor. pic.twitter.com/GGiIjdJXpw
— bianet (@bianet_org) May 24, 2026
Daxuyaniyên xwendekaran ên li ser îşkenceyê
Tora hevgirtinê ya serbixwe ya xwendekarên zanîngehê ‘Hevgirtina Xwendekaran a Bilgiyê’ ragihand ku di dema midaxaleya polîsan a li derdora nîvroyê de, hinek xwendekar rûbirûyê îşkenceyê hatine û hatine desteserkirin.
Di vîdeoya ku ji aliyê tora hevgirtinê ve hat weşandin de xwendekarekê weha got: “Em girtin bin dorpêçê. Hevalên me bi porê wan girtin û kaş kirin, bi destên wan girtin û kaş kirin. Em hemû rastî îşkenceyê hatin. Em wekî 10 kes man. Em ê hevalên xwe yên hatine desteserkirin paşve bigirin, em dibistana xwe şûnve dixwazin.”
🔴 Bilgi Üniversitesi’nde üçüncü gün: Kampüs ablukasında gözaltılar
— bianet (@bianet_org) May 24, 2026
🗣️ “Arkadaşlarımızı saçlarından çektiler, kollarından çektiler. Hepimiz işkenceye uğradık. Geriye 10 kişi kadar kaldık. Gözaltına alınan arkadaşlarımızı geri alacağız, okulumuzu geri istiyoruz.”… pic.twitter.com/1mFUeTOhbB
Li gorî nûçeya ku di sendika.orgê de weşiyaye, xwendekaran xwest ku destûr bidin akademisyen, xebatkar û xwendekarên ku ji bo parastina zanîngehê û kedkarên zanîngehê hatine ba hev, da ku bikevin hundirê kampûsê.
Xwendekaran her weha daxwaz kir ku destûr bidin xurekên ku ji bo hevgirtinê hatine şandin bikevin hundir û dorpêça polîsan a li derdora kampûsê were rakirin.
Xwendekar, li ber Deriyê Dîrokî yê Zanîngeha Bilgiyê çalakiya xwe berdewam dikin. (TY/AY)