Hevşaredarên Bajarê Mezin ê Amedê mazbata wergirtin

Serra Bûcak û Dogan Hatûn ji sedî 64,09ê dengan bi dest xistin û bûn Hevşaredarên Bajarê Mezin yên Amedê. Bûcak û Hatûn îro mazbata wergirtin.

İnanç Yıldız

TRTürkçesini Oku

İnanç Yıldız

TRTürkçesini Oku

Hevşaredarên Bajarê Mezin ê Amedê yên Partiya Demokrasî û Wekheviyê ya Gelan(DEM Parti) Serra Bûcak û Dogan Hatûn û hevşaredarên navçeyan li Lijneya Hilbijartinê ya Amedê mazbata wergirtin.

Bûcak, Hatûn, Parlamenterên DEM Partiyê yên Amedê, rêveberên bajar yên DEM Partiyê, hevserokên şaredariyên navçeyan û Dayikên Aştiyê saet di 11.00 de hatin ber avahiya Edliyeya Amedê ku lijneya hilbijartinê ya navendê li wir e.

Piştî Hevşaredarên Bajarê Mezin Bûcak û Dogan, Hevşaredarên navçeyên navendî yê Rezanê Siraç Çelîk - Leyla Ayaz, Hevşaredarên Bajarê Nû Safiye Akdag- Mehmet Ergûn, Hevşaredarên Peyasê Bêrîvan Gulşen Sincar- Cengîz Dûndar û Hevşaredarên Navçeya Sûrê Fatma Gulan Onkol- Adnan Orhan mazbataya xwe wergirtin.

Bûcakê piştî mazbata wergirt daxuyaniyeke kurt da û got, “Bila keda tevahî gelê Amedê sax be. Bila 5 salên pêş me ji bo gelê Amedê pîroz be û bila bibe sedema karên herî baş.

Hevşaredaran piştî mazabata wergirtin li ber edliyeyê bi komî fotograf kişandin. Hevşaredar ji vir çûn Qada Dagkapiyê û dê bi gel re heta avahiya Şaredariya Bajarê Mezin bimeşin.

(İY/RT/AY)

Cihê Nûçeyê

Stenbol

mazbata

İnanç Yıldız

[email protected]

Hemû Nivîsên wî/wê

Li Polatliya Enqereyê ji dayik bû. Li Zanîngeha Entabê di beşa Biyolojiyê, li Zanîngeha Selçûkê di beşa Muhasebeyê û li Zanîngeha Anadoluyê di beşa Îşletmeyê...

Li Polatliya Enqereyê ji dayik bû. Li Zanîngeha Entabê di beşa Biyolojiyê, li Zanîngeha Selçûkê di beşa Muhasebeyê û li Zanîngeha Anadoluyê di beşa Îşletmeyê de lîsans qedand.

Li Televîzyona Hayatın Sesi da li Entabê wekî nûçegihan û kameraman xebitî. Li Rojnameya Evrenselê li Entab û Amedê wekî nûçegihan û edîtor kar kir. Ji Cotmeha 2022’an û vir ve wekî rojnamevanekî serbixwe xebatên xwe didomîne.

Nûçeyên wî li gelek saziyên medyayê yên herêmî, neteweyî û navneteweyî yên wekî Bianet, GazeteDuvar, TurkeyRecap, MunzurPress, 9.Köy û Yeşil Gazete hatin weşandin.

Ji sala 2022’an û vir ve li ser kanala xwe ya YouTube’ê Şoperêç û hesabên medyaya civakî naverokên bi Kurdî çêdike. Di van demên dawî de balê dikişîne ser tomarkirina çanda devkî ya Kurdî. Di çarçoveya van xebatan de kanala xwe ya YouTube’ê veguherand malperekê.
Hewesa wî ya ji bo wênekêşiyê, ku bandor li destpêkirina rojnamevaniya wî kir, didomîne. Xebatên wî bi giranî li ser mijarên jiyana civakê, jiyana xebatê, kolan û mirov, xweza û mirov disekinin. Wekî endamê rêveberiya Komeleya Hunera Wênekêşiyê ya Amedê (DÎFAK) beşdarî xebatên cihêreng ên wênekêşiyê dibe. Li ser qadên ku lê dixebitî, beşdarî gelek atolye û bernameyên perwerdehiyê bûye.

Di çarçoveya 38. Şahiya Çand û Werzîşên Navneteweyî ya Kemaliyeyê (Eğin) de, di Pêşbaziya Foto Safarî ya Sıtkı Fırat de xelata mansiyonê wergirt. Herwiha di Pêşbaziya Wênekêşiyê ya 2. ya bi mijara Lale Devrî ya li Dülüka Entabê de jî bi pileya mansiyonê hate xelatkirin.