“Çîrokbêj” li ser dikê “Şexê Sen’aniyan” a Feqîyê Teyranî dibêje

Di çarçoveya festîvalê de promiyera lîstika şanoyê ya Şaneşîn Performance ya bi navê “Şexê Sen'aniyan” pêk hat. Şano ji ber pirtûka helbestvanê navdar Feqiyê Teyranî ve hatiye girtin.

İnanç Yıldız

Bernameyên “Solo Fest4”ê yên ku Mordem Sanat li Amedê li dar dixin, berdewam dikin. Di çarçoveya festîvalê de promiyera lîstika şanoyê ya Şaneşîn Performance ya bi navê “Şexê Senaniyan” pêk hat. Şano ji ber pirtûka helbestvanê navdar Feqiyê Teyranî ve hatiye girtin.

Di lîstikê de M. Xelat Ertoşî wek çîrokbêj derdikeve li ser dikê. Derhênerê lîstikê Recep Îçen e, şêwirmend jî Şêrko Janzêm e. Erdal Açıl bi karûbarên teknîkî re mijûl e.

Ekîb dixwaze vê berhema klasîk a wêjeya kurdî, bi rengekî cuda û bi çîrokbêjiyê pêşkêşî temaşevanan bike. (İY/FD)

Cihê Nûçeyê

Amed

İnanç Yıldız

[email protected]

Hemû Nivîsên wî/wê

Li Polatliya Enqereyê ji dayik bû. Li Zanîngeha Entabê di beşa Biyolojiyê, li Zanîngeha Selçûkê di beşa Muhasebeyê û li Zanîngeha Anadoluyê di beşa Îşletmeyê...

Li Polatliya Enqereyê ji dayik bû. Li Zanîngeha Entabê di beşa Biyolojiyê, li Zanîngeha Selçûkê di beşa Muhasebeyê û li Zanîngeha Anadoluyê di beşa Îşletmeyê de lîsans qedand.

Li Televîzyona Hayatın Sesi da li Entabê wekî nûçegihan û kameraman xebitî. Li Rojnameya Evrenselê li Entab û Amedê wekî nûçegihan û edîtor kar kir. Ji Cotmeha 2022’an û vir ve wekî rojnamevanekî serbixwe xebatên xwe didomîne.

Nûçeyên wî li gelek saziyên medyayê yên herêmî, neteweyî û navneteweyî yên wekî Bianet, GazeteDuvar, TurkeyRecap, MunzurPress, 9.Köy û Yeşil Gazete hatin weşandin.

Ji sala 2022’an û vir ve li ser kanala xwe ya YouTube’ê Şoperêç û hesabên medyaya civakî naverokên bi Kurdî çêdike. Di van demên dawî de balê dikişîne ser tomarkirina çanda devkî ya Kurdî. Di çarçoveya van xebatan de kanala xwe ya YouTube’ê veguherand malperekê.
Hewesa wî ya ji bo wênekêşiyê, ku bandor li destpêkirina rojnamevaniya wî kir, didomîne. Xebatên wî bi giranî li ser mijarên jiyana civakê, jiyana xebatê, kolan û mirov, xweza û mirov disekinin. Wekî endamê rêveberiya Komeleya Hunera Wênekêşiyê ya Amedê (DÎFAK) beşdarî xebatên cihêreng ên wênekêşiyê dibe. Li ser qadên ku lê dixebitî, beşdarî gelek atolye û bernameyên perwerdehiyê bûye.

Di çarçoveya 38. Şahiya Çand û Werzîşên Navneteweyî ya Kemaliyeyê (Eğin) de, di Pêşbaziya Foto Safarî ya Sıtkı Fırat de xelata mansiyonê wergirt. Herwiha di Pêşbaziya Wênekêşiyê ya 2. ya bi mijara Lale Devrî ya li Dülüka Entabê de jî bi pileya mansiyonê hate xelatkirin.