Dengbêj Kurdê: Li Silopyayê dengbêjî xilas bû

Kurdê destnîşan kir ku dengbêjên jin, rastî gelek pirsgirêkên mezin tên: "Astengiya li pêşberî dengbêjên jin an bavê wan e, yan dayika wan, an jî birayê wan e. Li pêşberî min û Henîfa jî kesên ku bibin asteng hebûn. Lê me guh neda kesî û zincîrên xwe qetan in."

İnanç Yıldız

Dengbêj Kurdê çend roj berê ji bo beşdarî Solo Fest4ê bibe ji Silopyayê, navçeya Şirnexê hatibû Amedê. Dengbêj Kurdê di bernameyê de derket ser dikê û stranên xwe yên dengbêjiyê stran.

Ew demeke dirêj e ku bi dengbêj Henîfayê re tevli bernameyan dibe lê vê carê bi tena serê xwe bû. Dengbêj Henîfa ji ber nexweş bû nehatibû bernameyê, lê dengbêj Kurdê weke ku Henîfa li ba wê bû stranên xwe stran.

Çarenûsa Henîfa û Kurdê dişibe hevdu. Kurdêya niha 57 ye bavê wê, keçekê direvîne û tîne ser dêya wê. Bavê Kurdê di 10 saliya xwe de wê dike berdêla xwe. Dengbêj Henîfa jî mîna Kurdê di 10 saliya xwe de hatiye zewicandin.

Ew di malên xwe de bi kevneşopiya dengbêjiyê mezin bûne. Paşê jî çarenûsa wan, wan digihîne hev û bi hev re stranan distirên. Li Silopiyê ku Navenda Çand û Hûnerê ya Laleşê tê vekirin, herdû li wir êdî dibin dostên qedîm û ji hevdu venaqetin.

Piştî bernameya li Amedê Dengbêj Kurdê hest û ramanên xwe ji bianetê re vegotin. Kurdê destnîşan kir ku dengbêjên jin, rastî gelek pirsgirêkên mezin tên: "Astengiya li pêşberî dengbêjên jin an bavê wan e, yan dayika wan, an jî birayê wan e. Li pêşberî min û Henîfa jî kesên ku bibin asteng hebûn. Lê me guh neda kesî û zincîrên xwe qetan in."

Dengbêj Kurdê diyar kir ku li herêma Silopyayê bi tenê kurikek maye dengbêjiyê dike û dengbêjî xilas bûye. (İY/FD)

Cihê Nûçeyê

Amed

Dengbêjên jin Dengbêj Kurdê

İnanç Yıldız

[email protected]

Hemû Nivîsên wî/wê

Li Polatliya Enqereyê ji dayik bû. Li Zanîngeha Entabê di beşa Biyolojiyê, li Zanîngeha Selçûkê di beşa Muhasebeyê û li Zanîngeha Anadoluyê di beşa Îşletmeyê...

Li Polatliya Enqereyê ji dayik bû. Li Zanîngeha Entabê di beşa Biyolojiyê, li Zanîngeha Selçûkê di beşa Muhasebeyê û li Zanîngeha Anadoluyê di beşa Îşletmeyê de lîsans qedand.

Li Televîzyona Hayatın Sesi da li Entabê wekî nûçegihan û kameraman xebitî. Li Rojnameya Evrenselê li Entab û Amedê wekî nûçegihan û edîtor kar kir. Ji Cotmeha 2022’an û vir ve wekî rojnamevanekî serbixwe xebatên xwe didomîne.

Nûçeyên wî li gelek saziyên medyayê yên herêmî, neteweyî û navneteweyî yên wekî Bianet, GazeteDuvar, TurkeyRecap, MunzurPress, 9.Köy û Yeşil Gazete hatin weşandin.

Ji sala 2022’an û vir ve li ser kanala xwe ya YouTube’ê Şoperêç û hesabên medyaya civakî naverokên bi Kurdî çêdike. Di van demên dawî de balê dikişîne ser tomarkirina çanda devkî ya Kurdî. Di çarçoveya van xebatan de kanala xwe ya YouTube’ê veguherand malperekê.
Hewesa wî ya ji bo wênekêşiyê, ku bandor li destpêkirina rojnamevaniya wî kir, didomîne. Xebatên wî bi giranî li ser mijarên jiyana civakê, jiyana xebatê, kolan û mirov, xweza û mirov disekinin. Wekî endamê rêveberiya Komeleya Hunera Wênekêşiyê ya Amedê (DÎFAK) beşdarî xebatên cihêreng ên wênekêşiyê dibe. Li ser qadên ku lê dixebitî, beşdarî gelek atolye û bernameyên perwerdehiyê bûye.

Di çarçoveya 38. Şahiya Çand û Werzîşên Navneteweyî ya Kemaliyeyê (Eğin) de, di Pêşbaziya Foto Safarî ya Sıtkı Fırat de xelata mansiyonê wergirt. Herwiha di Pêşbaziya Wênekêşiyê ya 2. ya bi mijara Lale Devrî ya li Dülüka Entabê de jî bi pileya mansiyonê hate xelatkirin.