Li navçeyên Mîksê rêya 1, li Ebexê 3, li Şaxê 20, li Artemêtanê 4, li Westanê 40, li Rêya Armûşê 21, li Bêgiriyê 7 û li Seravê jî 1 gundan bi giştî rêyên 97 gund û mezrayan hatine girtin. Li bajarê Wanê , ji ber berf û qeşayê perwerde ji bo rojekê hat rawestandin.

Konferansa Aliyan a 31emîn a Peymana Çarçoveyê ya Guherîna Avhewayê ya Neteweyên Yekbûyî (COP31), îro li Antalyayê dest pê dike. Konferans dê heta 20ê Mijdarê bidome û di roja destpêkê a konferansê de dê mijarên weke ewlehiya xurakê, çandinî, berhemdariya avê û bandorên guherîna avhewayê yên li ser tenduristiyê bên gotûbêjkirin. Li ser navê bianetê Ozgur Gurbuz û Cansu Acar COP31ê dişopînin.

Parêzerê malbata Rojin Kabaişê, Abdurrahman Karabulut da xuyakirin ku apê Rojîn Kabaişê, Ahmet Kabaiş li Stenbolê rastî êrişa 4 kesên bi rûpoş hatiye.

Plana Enerjiya Neteweyî ya 2040î ji bo Tirkiyeyê di warê enerjiyê de xweser bike hatibû amadekirin. Plana navborî ji aliyê Tora Avhewayê ve ku ji 17 rêxistinên civaka sivîl pêk tê, hat rexnekirin. Torê diyar kir ku: “Di planê de ji bo derketina ji sotemeniyên fosîlê tu nexşerê nîn e.”

Bafil Talebanî: “Îro rêveberiya YNKê desthilat da min û em radigihînin ku em îtiraf bi vê civînê nakin. Ev hikûmet têk çûye. Lewma biryara me ew e ku em ji vê hikûmetê vekişin. Em ji her qurbaniyê re amade ne. Em bi çareserkirina pirsgirêka Rojava û pêvajoya aştiyê û birayên xwe yên li Rojhilat ve mijûlin.

Rêxistina Mafên Mirovan a Hengawê aşkere kir ku Îranê di Cotmehê de herî kêm 5 girtiyên Kurd bi darve kirin, 64 Kurd desteser kirin û cezayê bidarvekirin ango girtîgehê li 23 kesan birîn.

Peymana Hevbeş a Parastinê a Mekkê ya ku di navbera Tirkiye, Pakistan û Siûdiyê de hatibû îmzekirin di Lijneya Giştî ya Parlamentoyê de bi 277 dengên erê li hemberî 118 dengên na hat pejirandin. Li gorî vê peymanê, êrişeke çekdarî ya derve ya li ser aliyekî wekî ku li dijî hemû aliyan hatiye kirin tê hesibandin.

Wezîra berê ya Malbat û Polîtîkayên Civakî Fatma Betul Sayan Kaya ku di çarçoveya "lêpirsîna fonê" de bi daxwaza girtinê sewqî dadgehê hatibû kirin. Dadgehê biryara girtina Kayayê da.

Rêvebirê Karên Nivîsan ê Berpirsiyar ê bianetê Vecih Cuzdan, di lêpirsîna ku li ser giliyê Parlementera AKPê ya Aydinê Seda Saribaşê hatibû destpêkirin de îfade da. Cuzdan bi wê yekê hat sûcdarkirin ku “bi zanayî agahiyên xapînok di nav gel de belav kiriye” û “aramî kesan têk daye”.

Di peyama agahdarkirinê ya ji bo astengkirina hesab de weha hatiye gotin, “Hesabê we di encama daxwazeke qanûnî de li TRyê hat astengkirin."

MKG û DFG di çarçoveya Projeya Şopandina Mafan, Belgekirin û Piştgiriyê de, dê binpêkirinên li dijî rojnamegerên jin ên Kurd bikin rapor û ji bo vê toreke piştgiriyê ava bikin.

Nûçegihana bianetê Evrim Kepenek çû Dêrsimê û îdiayên taciz, gef û şantajê yên ku xwendekarên jin behs kiribûn, kiribû nûçe. Dadgeha Cezê û Aştiyê ya Erzîncanê piştî 5 mehan nûçe sansûr kir û sedema biryarê jî ranegihand.