Paramaz Mercan: Divê her kes li Dêrê jî xwedî derkeve

Paramaz Mercan 54 salî ye û eslê xwe ji ermenên Amedê yên taxa Xançepekê ye. Paramaz ji bianetê re hem qala kar û xebata xwe ya li Dêra Surp Giragosê kir hem jî bal kişand ser nêzikatiya kesên tên serdana Dêrê.

Wesîla Torî

Gelek caran rojên Şemî û Yekşemê ez jî wek gelek hevalên xwe yên li Amedê berê xwe didim Surê û bêhna dîroka qedîm li van kolanên Amedê dikşînim ser kezebê. Bi taybetî dawiya hefteyê mirov derziyê biavêje ji qerebalixê nakeve erdê.

Dawiya vê hefteyê jî bi heman awayî bû. Ez û hevalên xwe me berê xwe dan aliyê Minareya Çarlingî û di wir de xwe berda ber Dêra Surp Giragosê. Çend caran din jî dema em ji bo hin çalakî û hwd çûyî çavê min bi heman kesî ketibû û kurmanciya wî ya zelal di qoqilîka gohê min de mabû. Belê ez behsa yek bi xebatkarê li Dêrê Paramaz Mercan dikim.

Paramaz Mercan 54 salî ye û eslê xwe ji ermenên Amedê yên taxa Xançepekê ye. Paramaz ji me re hem qala kar û xebata xwe ya li Dêra Surp Giragosê kir hem jî bal kişand ser nêzikatiya kesên tên ziyareta Dêrê.