Di çarçoveya lêpirsîna ku Serdozgeriya Komarî ya Sêrtê dabû destpêkirin de, di 19ê Çiriya Pêşiyê de polîs û leşkeran li navenda Hezexa Şirnexê û gundê Delavaqesrê bi ser gelek malan girtibûn. 5 kesên hatibûn desteserkirin dadgehê biryara girtina wan da.
Li gorî nûçeya Ajansa Mezopotamyayê Endamê Meclisa Giştî ya Bajêr ya HDPê Adnan Bel û Hekîm Kaş, Ahmet Boya, Emîn Soyal û Yasîn Acar piştî îfadeya li Midûriyeta Polîsan a Sêrtê sewqî Edliyeya Sêrtê hatin kirin.
Piştî îfadeya li edlîyeyê dozgeriyê bi îdiaya ku “alîkarî dane rêxistinê” û “endamên rêxistinê ne” xwest her pênc kes were girtin û şand Dadgeriya Cezê û Aştiyê. Dadgeriyê biryara girtina wan da.
(NT/AY)
