Komeleya HÊVÎ LGBTİ+ ferhenga têgehên kurdî weşand

Komeleya HÊVÎ LGBTİ+, ferhengeke ku ji têgehên bingehîn ên di qada LGBTİ+yan de tên bikaranîn, pêktê weşand.

Ferheng, peyv û wateyên wan yên bi kurdî yên ku di qadên zayenda civakî, meyla zayendî, nasnameya zayendî û mafên mirovan de tên bikaranîn li xwe digire.

Di xebatê de li gel têgehên wekî zayenda civakî, nasnameya zayendî, derbirîna zayendî, heteronormatîvîte, non-binary, genderqueer, înterseks, lezbiyen, gey, panseksuel û queer; gelek sernavên derbarê homofobî, HIVfobî, sûcê nefretê û cudakariyê de jî cih digirin.

Armanc ew e ku bibe çavkanî

Di ferhengê de têgehên weke tundkariya dîjîtal, psîkolojîk, aborî û tundkariya flortê û patriyarka û rolên zayenda civakî jî tên pênasekirin.

Tê armanc kirin ku ev xebat di serî de ji bo LGBTİ+yên ku zimanê wan ê zikmakî kurdî ye û her weha ji bo aktîvîst, rojnamevan, lêkolîner û mafparêzan bibe çavkaniyek e.

Armanca Komeleyê bi vê xebatê ewe ku, terminolojiya di qada mafên LGBTİ+yan de tê bikaranîn di nav kurdî de berbelav bibe û ji bo xurtkirina zimanê mafparêziyê tevkariyê bike.

Ji bo bidestxistina ferhengê bitikîne.

(TY/AY)