"Arşîva Dêrsimê" dê li Berlînê vebibe
Navenda Çand û Dîroka Dêrsimê (DKG) e.V., derbarê bernameya vekirina "Arşîva Dêrsimê" ya ku dê di 21-22ê Gulanê de li Berlînê were lidarxistin de daxuyaniyeke çapemeniyê weşand.
Arşîva ku di çarçoveya xebata hevpar a Zanîngeha Ruhrê ya Bochumê (RUB), Zanîngeha Azad a Berlînê û DKGyê de hatiye çêkirin, ji materyalên berfireh ên dîroka devkî yên derbarê Qetlîama Dêrsimê ya 1937-38an de pêk tê.
QETLÎAMA DÊRSIMÊ
DAM: Bi biryara Lijneya Wezîran qirkirin pêk hat
Şahidî, çîrokên sirgûnê û bîra civakî
Di arşîvê de derbirînên şahidan, çîrokên sirgûniyê, pratîkên baweriyê, vegotinên têkildarî zarokên keç ên winda, şahidiyên operasyonên leşkerî û tomarên li ser bîra civakî cih digirin.
Kulliyata dîroka devkî ya ku nêzîkî ji 9 hezar xulekan pêk tê; bi zimanên kurdî, tirkî û almanî hat amadekirin. Arşîv dê li ser tora "Oral History Digital" ji bo lêkolîner û raya giştî were vekirin.
Nexşeya gorên komî yên Qetlîama Dêrsimê amade dibe
Li Berlînê sempozyûm û merasîma vekirinê
Li gorî daxuyaniya DKGyê, di çarçoveya bernameya Berlînê de; sempozyûmeke akademîk a navneteweyî, merasîma vekirina fermî ya arşîvê, beşdariya nûnerên Wezareta Federal a Çandê ya Almanyayê û pêşkêşiyên akademîsyenên navneteweyî û yên Zanîngeha Ruhrê ya Bochumê cih digirin.
Ji bo beşdarbûna çalakiyê hûn dikarin li vê derê formê bi dest bixin.
80EMÎN SALVEGERA DARVEKIRINA SEYID RIZAYÎ
Baroya Dêrsimê ji bo Qetlîama Dêrsimê daxwaza lêborînê kir
(NÖ/AY)