Zarokistan li benda zarokan e

Krêş û Mala Nihêrtinê ya Zarokistana Perperîk û Xalxalok û Odeyên Lîstikê yên Zarokistanan ku ji aliyê Şaredariya Peyasa Amedê ve tên birêvebirin, ji bo sala nû ya xwendinê ya 2026-2027an deriyên xwe ji zarokan re vedikin.

Serlêdanan duh (4ê Tebaxê) dest pê kirin û dê di 11ê Tebaxê de bi dawî bibin. Pêvajoya tomarkirinê ku ji bo zarokên 3-6 salî hatiye veqetandin, dê heta 11ê Tebaxê berdewam bike.

Li navendên ku perwerdehiya pêşdibistanê ji bo zarokên 3-6 salî tên dayîn, ji bo pêşketina takekesî ya zarokan gelek derfet tên pêşkêşkirin.

Zarok dê beşdarî atolyeyên şano, muzîk, hunerê û gelek şaxên din bibin da ku pêşketina wan a civakî û çandî zêdetir bibe. Her wiha zarok dê li van navendên lênihêrîna rojane di bin çavdêriya perwerdekarên pispor de bin.

Her weha navendên Zarokistanan dê her roj ji saet 08:00ê heta 17:00ê vekirî bin.

Hûrgiliyên serlêdanê

Serlêdan li ser  malpera fermî ya Şaredariyê bi awayekî online tên kirin. Hûrgiliyên kotayê ji bo Krêş û Mala Nihêrtinê ya Zarokistana Perperike û Xalxalokê 50 kesên esasî û 50 kes jî yedek in. Ji bo Odeyên Lîstikê yên Zarokistanan jî 100 kesên esasî û 100 kes jî yedek in.

11ê Tebaxê roja dawîn e!

Serlêdan duh (4ê Tebaxê) dest pê kirin û dê di 11ê Tebaxê de bi dawî bibin. Dê û bavê zarokan dikarin  bi rêya lînkên li jêr serlêdanên zarokên xwe bikin:

Lînka tomarkirinê ya krêş û mala nihêrtinê ya zarokistana Perperike û Xalxalokê

Lînka tomarkirinê ya odeyên lîstikê yên zarokistanan

(AY)