Parlamenterê HDPyê, Mahmût Togrûlî ji Mehmet Nûrî Ersoy, Wezîrê Çand û Tûrîzmê pirsiye ku bê ka bi çi sedemê navê “Mizgefta Kurdan” guhertine û kirine “Mizgefta Tirkan”.

Walîtiya Wanê biryar daye ku ji 17ê Tebaxê pê de ji bo 15 rojan, hemû çalakî bên qedexekirin.

Wezareta Berevaniyê ya Netewî aşkere kiriye ku di operasyona “Pençik-Brûsk” de leşkerekî wan miriye û yek jî brîndar bûye.

Piştî ku Talîbanê Kabûl, paytexta Afganistanê bidest xistiye, Konseya Ewlekariyê ya Neteweyên Yekgirtî wê îro bicive. Talîbanê aşkere kiriye ku ew ê "Îmareta Îslamê" ragihînin.

Rêvebiriya Emniyeta Enqereyê, têkildarî êrişên li Altindagê yên li dijî Sûriyeyiyan aşkere kiriye ku derbarê 29 kesan de kirariyên îdarî hatiye pêkanîn, derbarê 43 kesan de lêpirsîn hatiye destpêkirin û 72 kesên din hatine desteserkirin.

SUDEF: “Kuştina Gevriye Sariyî tevlî revandina Şimûnî û Hûrmuz Dîrîlî li Bêşebabê û kuştina Yûsûf Kûrtê li Çiyayê Îzloyê hatiye qetilkirin, êrîşên birêkûpêk û plankirî yên di salên 90î de li dijî suryaniyan dihatin kirin, bibîr dixe.”

Li gorî rapora ku Weqfa Îsmaîl Beşîkçîyî amade kiriye, li Tirkiyeyê nêrinên ku kurdî hê weke pirsgirêkek ewlekariyê dibînin û bi qedexeyên kêfî asteng dike, rê li ber encamên weke derde debarê, otosansur û cûdakariyê vedike û îcrakirina hunera bi Kurdî zihmettir dikin.

Wezareta Berevaniyê ya Netewî aşkere kiriye ku bi topa hawanê êrîşî leşkeran hatiye kirin û di encamê de leşkerê bi navê Hakan Balî miriye.

Rêvebiriya Emniyeta Enqereyê diyar kiriye û gotiye, “76 kesên ku welatiyên me provake kirine, li ser medya civakî parvekirinên nerast kirine û di bûyerên herêmê de cîh girtine, hatine zeftkirin.

Li bajarê Mihabadê, îro danê sibê kesên nasnameyên wan nediyarin agir bi peykerê Hejar Mukiryanî, rewşenbîr û helbestvanê navdarê netewî yê Kurd xistine û zirar gihaştiye beşek ji peykerê wî.

Li Altindagê, navçeya Enqereyê piştî ku di navbera du koman de pevçûn derket û kesek mir, komên nîjadperestan êrîşî malên sûriyeyiyan kiribû. Duh bi şev careke din êrîş birine ser mal û dikanên sûriyeyiyan û wesayitên wan.

Ferît Şenyaşar diyar kiriye ku pirsgirêkên tenduristiyê yên dayîka wî her diçe zêdetir dibe û ew bi fikar in.

Li Altindagê, navçeya Enqereyê piştî ku hatiye gotin, penaberên sûriyeyî du kes kêr kirine, niştecihên taxê, êrîşî mal, dikan û wesayitên penaberan kiriye.

6 welatên Yekîtiya Ewropayê ji Komîsyona Ewropayê re nameyek nivîsandiye û gotine, ew dixwazin penaberên Afganistanî yên doza penaxwaziya wan qebûl nebûye, bi şûn de bişînin.

Li gorî rapora ISIGê di heft mehên destpêkê yên salê de herî kêm 1301 karker mirine. Di nav kesên ku mirine de zarok û penaber jî hene.

Komîsyona Rewşa Awarte ji bo Engîn Karataş, dersdarê îxrackirî gotibû ku “têkiliya wî bi rêxistinê re heye.” Lê Wezareta Perwerdeya Netewî di bersiva xwe de diyar kiriye ku derbarê vê de delîl, rapor, zabitname yan jî dokuman nînin.

Abdûrrahman Karabûlût, parêzerê malbata Dedeoglûyî gotiye, Serpîl Dedeoglûyê pêş ku were qetilkirin bi Suleyman Soylû, Wezîrê Navxweyî re têkilî daniye.

Mehmet Altûnê ku ji malbata Dedeogûllari 7 kes qetil kir, li dozgeriyê di gotiye, “Ez poşman im.” Altûnî gule bera serê 6 kesan û bera stûyê Yaşar Dedeogûllariyî daye.

Abdûrrahman Karabûlût, Parêzerê malbata Dedeogûllariyê ku li Konyayê hatin qetilkirin wiha got: “Kujer kar nake lê çekê dikire, erebeyê kirê dike. Hevjîna wî gotiye pereyan jî tîne malê, xuya ye hinek wî xwedî dikin. Em ji serî de dibêjin, birêxistinkirî ye û hin kes li pişt wê ne.”

Serdozgeriya Komarî ya Erzînganê cenazeyê Mahsûn Arslanê PKKyî bi rêya kargoyê ji Midûriyeta Polîsan a Erxeniyê re şandiye.