Li gorî lêkolîna ku Komeleya Habîtatê kiriye, rêjeya kesên di sala 2017an de digotin “ez di jiyanê de bextewar im” ji sedî 71 bû lê di sala 2020an de ev rêje daketiye ji sedî 58an.

Dadgehekê ji bo Ayşe Gokkan, Berdevka Demkî ya TJAyê biryara girtinê derxistiye û polîsan ew desteser kiriye.

Belçîka wê melayê Mizgefta Kesk (Groen Moskee) yê bi ser Saziya Karûbarên Diyaneta Tirkiyeyê ve girêdayî ye û li dijî hevzayendiyê derdikeve, dersînor bike.

Arzû Çerkezoglû, Seroka Giştî a DÎSKê serdana CHPê kiriye û gotiye, “Kêmtirîn mehaneya sala nû weke 2 hezar û 825 lîre hatibû diyarkirin. Hîna di rojên destpêkê yên sala nû de bi awayekî ciddî zam çêbûne û kêmtirîn mehane dikare were guherandin. Mimkine ku bêyî qutkirina bacan, heta 750 lîreyî li kêmtirîn mehaneyê were zêdekirin.”

Parêzeran bi hinceta berpirsiyariya wan di Qetlîama Enqereyê ya 10ê Çiriya Pêşiyê de heye, giliyê karmendên dewletê kirine ku di sala 2015an de li Midûriyeta Emniyetê ya Dîlokê erkdar bûne.

Piştî ku kesekî milkê wê kiriye, Dêra Surp Torosî ya li Kutahyayê, rûxiyaye.

Gokhan Guneş di 20ê Kanûna Paşiyê de hatibû revandin. Guneş di saetên sibê de ku bi awayekî çavê wî girtî bûye hatiye berdan. Hatibû îddiakirin ku polîsan ew revandine.

Marija Pejcinovic Buric, Sekretera Giştî ya Konseya Ewropayê ji bo biryara DMMEyê ya derbarê Osman Kavalayî de gotiye, “Ev ne daxwazeke, hewcedariyeke hiqûqa bendîkar e.”

3em Daîreya Cezê ya Dadgeha Edliya Herêmî ya Stenbolê, biryara beraetê ya ku 30em Dadgeha Cezayê Giran a Stenbolê derbarê 9 kesan de dabû ku Osman Kavala jî di nav de bûye, betal kiriye.

PEyê di civîna xwe debiryar girtiye û bang li Tirkiyeyê kiriye ku bila li gorî biryara DMMEyê tevbigere û Demîrtaşî bê şert û merc û demildest azad bike.

Îzzet Tinmaz li Aksarayê, Kiymet Sariyildiz û Mûrat Ûçkaç li Aydinê, Afşîn Hatîpoglû û Orhan Ûgûrlûyî jî li Enqereyê rastî êrişê hatine.

Rakel Dînk di merasîma yadkirinê de axiviye û gotiye: “Ma gelo destpakî wiha dibe, rûmeta mirovan bi kîjan sabûnê tê paqijkirin, ma gelo kesên dewletê birêve dibin wê wiha biparêzin jiyana mirovan.”