Li Meram, navçeya Konyayê malbata Dedeogûllari ku Kurdin pêştir jî gelek caran bûye hedefa êrişên nijadperest. Ji wê malbatê 7 kes li mala xwe de hatine qetilkirin. Êrişkarên bi çek agir berdaye malê û revîne.

Li Marmarîsê avahiya HDPê tevî ku li qadê polîsên wezîfedar hebûne, carekî din rastî êrişê hatiye. Polîsan êrişkar desteser kiriye.

Parlamenter û rayedarên HDP û DBPyê li navçeya Qelqeliyê 33 qurbaniyên Geliyê Sefoyê bibîr anîne.

Ekvadorê mafê welatîbûnê ku dabû Jûlîan Assange, damezrînerê WîkîLeaksê betal kiriye. Jûlîan Assange li Îngilistanê di gîrtîgehê de ye. Parêzerê Assange gotiye em ê îtirazî biryara dadgehê bikin.

Tanjû Ozcan, Şaredarê Bolûyê diyar kiribû ku bihayê fatûreyên avê û bacên zibilî yên kesên biyanî wê 10 qat zêde bibe. Ji ber van gotinan derbarê Tanjû Ozcan, Şaredarê Bolûyê de bi tohmeta ku “bi awayekî xirap wezifeya xwe bikaranîye” û “nefret û cûdakarî kiriye” lêpirsîn hatiye destpêkirin.

Li Xakurkê di encama şer û pevçûnê de du leşker mirine. Leşkerekî jî birîndar bûye.

Baroya Amedê giliyê rojnameya Yenî Şafakê kiriye. Rojnameya Yenî Şafakê 15 baroyên ku li dijî êrişên nijadperest daxuyaniya hevpar dabûn, kiribû hedef.

Dadgeha Destûra Bingehîn ji bûyere kesê ku xwe li girtîgehê kuştiye piştî 6 salan biryara xwe aşkere kiriye û xwestiye lêpirsîna bûyerê were kirin. Wê 105 hezar lîre weke tezmînat bidin malbata xwekuştiyî.

Wezareta Berevaniya Netewî aşkere kiriye ku li nava sînorê Herêma Kurdistanê, li Xakurkê leşkerek miriye.

Omer Fethî Gurer, Parlamenterê CHPyê yê Nîgdeyê aşkere kiriye ku di şeş mehên sala 2021an de hezar û 155 karker mirine. Gurerî gotiye ku ji sedî 34ê karkeran ji ber Covid-19ê mirine.

40 kesên ku li Merama Konyayê êrişî malbateke Kurd kiribûn piştî îfadeyên wan yên li emnîyetê birine edlîye yê.

Platforma Zimanê Kurdî daxuyaniyekî nivîskî weşandiye û êrişên nijadperest yên li bajarên Tirkiyeyê li dijî Kurdan pêk hatine şermezar kiriye. Polatformê destnîşan kiriye ku divê Kurd li dijî van êrişên nijadperest û ne mirovane xwedî li hev derkevin.

15 baroyan êrişên nijadperest yên li demên dawî de li dijî Kurdan pêktên, şermezar kirine. Baroyan xwestiye ku divê derbarê êrişan de lêpirsînekî bibandor were kirin.

Li navçeya Meramê ya Konyayê, komeke ku ji 60 kesî pêk hat êrişî malbeteke ji Amedê kiriye û kesekî bi navê Hakîm Dal kuştiye.

Di 6em salvegera Qetlîama Pirsûsê de li gelek deverên cida ên Tirkiyeyê 33 qurbanî hatine bibîranîn. Polîsan li Stenbol, Enqere û Îzmîrê midaxele kiriye û gelek kes desteser kirine.

Ji bo 33 kesên di Qetlîama Pirsûsê de can dane, li Navenda Çandê ya Amarayê bernameya bîranînê pêk hatiye. Her weha li Stenbol, Amed, Edene û li Şirnexê jî bernameyên bîranînê li dar ketine.

Nor Zartonkê / Նոր Զարթօնք gotiye ku “Her çi dibe bila bibe, ti biryar wê Sevag Balikçiyî bi şûn de neyne. Em ê kujerî, kesên xwestin bûyerê veşêrin ji bîr nekin, efê nekin.”

Dadgeha Îdarî ya Herêmî ya Stenbolê daxwaz kiriye ku lêpirsînname ji bo 5 polîsan amade bikin.

Komeke nîjadperestan li bajarokê Sultandağı Dereçineyê yê Afyonê êrîşî karkerên demsalî yên kurd kirine. Di dema êrîşê de 2 jê jin 7 kes birîndar bûne.

Hatîce Baykaraya ku polîsan bi ser mala wê de girtibû, gotiye, “Heta lêgerîna polîsan a nav malê bi dawî bû wan berê çekê dan serê min û bi qûndaxa çekan li pişta min dan.”