Kazim Bayraktar, parêzerê Alp Altinorsî gotiye, “Di navbera qetla Denîz Poyrazê û MHPê de têkilî heye. Di navbera wan de ji têkiliyek wêdetir tiştek heye. Bahçelî got, ‘ têkiliyê Denîz Poyrazê bi rêxistinên îlegal re heye’. Têkiliya Devlet Bahçelî bi kuştina Poyrazê re heye.”

Apro D. yê ku çend roj berê tevlî du kesên din hatibû desteserkirin, hatiye girtin. Apro D. beriya niha jî piştî îfade dabû emniyetê, serbest bûbû.

Polîsan ketina Parka Maçkayê qedexe kiriye. Li çenteyên kesên ku dixwazin bikevin nava parkê digerin, nehiştine alên keskesor û LGBTI+yan bibin nava parkê.

Beyza Ustun, aktîvîsta ekolojiyê, akademisyen û siyasetmedar gotiye, “Denîz ne tenê hevrêya me ya ku ji bo piştgiriyê bide keda dayika xwe hatibû wê derê, Denîz em in. Ji ber ku ked û siyaseta jinan bi me re mezin kir, ez wê bi rêzdarî bibîrtînim."

Dadgeha Destûrî îdianameya ku ji bo girtina HDPê hatibû amadekirin bi yekdengî qebûl kiriye. Serdozgeriya Komarî ya Dadgeha Destûrî bi daxwaza girtina HDPyê, ev îdianameya ji nû ve amade kiribû.

Rojhat Dîlsîz, Serokê Baroya Şirnexê gotiye ku di lêpirsîna derbarê windabûna Hurmuz Dîrîlî de heta niha ti pêşketin çênebûbû lê îro biryara desteserkiran 3 kesan dane.

Fîgen Yuksekdagê di danişîna doza Kobaniyê de gotiye, “Ev dozekî provokasyonê ye. Berpirsyar Soylû, Serokomar Erdogan û MHP ye. Avahiyên partiya me bişewitînin jî, lînç jî bikin, wê rastî derkeve holê.”

Onûr Gencer duh di îfadeya xwe ya li emniyete de gotibû, “Heke hin kesên din li wir bana, min ê gule bera wan jî bida.”

Onur Gencer, kesê bi çekê êrîşî ser avahiya HDPyê ya Îzmîrê kiriye û Denîz Poyraz kuştiye di îfadeya xwe de wiha gotiye: “Armanca min ew bû ku ez çend kesan li wir bibînim. Heke hin kesên din li wir bana min ê gule bera wan jî bida.”

Rapora lêkolînê ya cihê bûyerê ya têkildarî êrişa li dijî avahiya Îzmîrê ya HDPê hatiye nivîsandin. Li gorî raporê Denîz Poyrazê bi şeş guleyan hatiye kuştin û di nava avahiyê de fotografên li dîwara jî di nav de gelek cihên ku gule reşandine hatiye tespîtkirin.

Ji bersûcan Gunay Kubîlay destnîşan kiriye ku divê Serokwezîr Ahmet Davûtoglû û Wezîrê Navxweyî Efkan Ala ku wê demê li ser navê hikûmetê berpirsê siyasî bûn, ji aliyê dadgehê ve bên guhdarkirin.

Serpil Kemalbay û Meral Daniş Beştaş, Parlamenterên HDPyê bertek nîşanî êrîşa li ser avahiay partiya xwe ya li Îzmîrê û kuştina Deniz Poyraz, xebatkara partiya xwe dan. HDPyê piştî êrîşê “maseya krîzê” ava kiriye.