Li Stenbolê dema çar parêzer û 5 xwendekarên dadnasiyê li kolanekê dimeşiyan polîsan ew desteserkirine û bi zorê Sirûda Mehterê(Sirûda Împeretoriya Osmanîyan) li wan da guhdarkirin.

Wezîra Polîtîkayên Civakî û Malbatî bersiv da pirsnameya Parlementerê CHPê Tanrikulu û got ku li Tirkiyeyê 137 stargehên jinan hene û li 49 bajaran jî ŞONIMan faliyetan pêk tînin.

Heyeta CHPê bi Demirtaş û Turk re hevdîtin pêk anîn. Demirtaş got: “Min dizanibû ku ez ê werim girtin, lê ez dîsa jî neçûm derveyê welêt.” Ahmet Turk jî di wê hevdîtinê de got: “Bila aştî were avakirin, ez raziyê her tiştê me.”

Serokkomarê Recep Tayyîp Erdogan dîyar kiribû ku êrîşa di 24ê Çiriya Pêşiyê de, li Sûriyeyê li leşkerên Tirkiyeyê hatibû kirin, hêzên rejîmê kirine. Wezîrê Karên derrve yên Rûsyayê Lavrovî eşkere kir ku “ne hêzên rejîmê ne jî hêzên Rûsyayê êrîş nekirine.”

Serokê AKPê Yildirim û Serokê MHPê Bahçeli li Qesra Çankayayê derbarê makeqanûna nû de civiyan. Piştî hevdîtinê Yıldirim got: “Em ê heftaya bê pêşniyaza xwe ya ji bo guherandina makeqanûnê pêşkêşî meclisê bikin.”

Serokê Baroya Amedê Ahmet Ozmen derbarê qedexeya li Sûrê ku bûye sedema hilweşandina aborî, dîrokî û çandî bandoreke mezin de, bandora li esnaf û gel kiriye de axivî.

UNICEFê hişyarîyek belav kir. Li gor wê di sala 2015ê de 250 hezar kes ketine nexweşiya AIDSê û heke pêşî lê neyê girtin heta 2030ê hejmara kesên di salekê de dikevin nexweşiya AIDSê dê bibe 400 hezar.

Parlementera HDPê Filiz Kerestecioglu derbarê şewate li Edeneyê ku 11 zarok canê xwe ji dest dabûn de axivî û got: “Bi ti kes nebê je ‘eger îxmalên kî hebe...’. Tenê îxmalên îktîdarê hene. Sedema mirina wan zarokan polîtîkayên hukimetê ne.”

Li gor reşbeleka yekem rapora pisporan, deriyê jêderketina dema hewarê yê warê xwendekaran girtî bûye, ji bo vekirinê destikê wê ne pê ve bûye û ti kesan nekarine bi wan deriyan re xwe xelas bikin.

Lijneyê li ser Rojavayê, Sûriyeyê û Mûsilê biryar dan.

Bi serîlêdana parlamenterê CHPyê, Bariş Yarkadaşî qedexeya çêkirina nûçeyên li ser şewata warê xwendekaran rabû.

Êrişa bombeyî ku di 24ê Mijdarê de li otoparka ber Walîtiya Edenê de pêk hatibû, TAKê girt ser xwe.

Êrişa bombeyî ku di 24ê Mijdarê de li otoparka ber Walîtiya Edenê de pêk hatibû, TAKê girt ser xwe.

Ji 11ê Îlonê vir ve li 35 şaredariyên DBPê qayhûm hat tayînkirin. Heta niha 45 hevşaredarên DBPê jî hatine girtine û gelekên wan jî piştî binçavkirin û girtinê serbest hatine berdan. Vaye lîsteya şaredariyên lê qayûm hatine tayîn kirin û hevşaredarên girtî.

Li navçeya Qilabanê ya Şirnexê, PKKyîyan teqemeniyeka bi destî hatî çêkirin li leşkeran teqandiye û leşkerek kuştiye.

Polîsan ji ber şewata warê xwendekaran 14 kes desteser kirine, yek ji desteserkiriyan midûrê warê xwendekaran, C.G. ye.

Ji bo Serokwekîlê Koma HDPê û Parlamenterê Amedê Îdris Baluken di çarçoveya lêpirsîna ji aliyê Serdozgeriya Çewlikê ve hat vekirin de cezaya muebet a girankirî û heya 15 salan cezaya girtîgehê hat xwestin.

DAIŞê ragihand ku wê li bajarê el Babê yê Sûriyeyê du leşker revandine. TSKyê da zanîn ku du leşker winda ne.

Walîtîya Wanê heta serê sala 2017ê hemî çalakî û xwenîşandanên li bajarî bêne kirin, qedexe kir.

Îdianameya derbarê Hevşaredara Bajarê Mezin a Amedê Gutan Kişanak de hat qebûlkirin û di doza hat vekirin de bo wê 230 sal ceza tê xwestin.