Walîtiya Amedê daxuyand ku li 39 gundan derketina derve hatiye qedexe kirin, 21 herêm weke herêma ewlehiyê hatiye îlankirin û wan bi hezaran leşkeran ve operasyoneke mezin daye destpêkirin.

Parêzbendiya parlamenteran hat rakirin, HDPyê ji bo parlamenterên xwe yên bên dadkiririn parastnameyeka hevpar belav kir. Parlamenterên ku dê bêne dadkirin dê bi tenê vê nivîsê bixwînin û bersiva ti pirsên dî nedin.

Sekreterê Giştî yê NYê Ban Ki-moon bi RSFê re hevdîtin pêk anî û daxwaz kir ku Nûnerê RSFê yê Tirkiyeyê Erol Onderoglu demildest serbest were berdan.

Li herêma gundê Gunyuzuya girêdayê navçeya Bêşebabê ya Şirnexê ji saet 03:00an şûn de derketina derve hat qedexekirin.

Piştî rakirina parêzbendiyan her du parlementerên Mûşê yên HDPê Burcu Çelik Ozcan û Ahmet Yildirim ji bo îfadedayînê gazî dozgeriyê hatin kirin.

Vîderoyên derbarê wekheviya zayenda civakî ku ji hêla jinên li Tarlabaşiyê hatiye kişandin wê li Navenda Civakê ya Tarlabaşiyê were nîşandan. Wê jinên ku filman çêkirine jî beşdarê wê şanîdanê bibin.

Parêzera Şemnem Korur Fîncanci, dîyar kir şertên jiyana li odeya Girtîgeha Bakirkoyê ku Fîdanci lê dimîne gelek xerab in.

Fabio Ghelliyî di bernameyeka agehdarkirina li ser nûçeyên di heqê penaberan de dîyar kir ku li ser penaberan gelek nûçe têne nivîsîn lê belê gelek kêm nûçe cih didin dengê penaberan.

Serokomar Erdogan got: ‘Eger yên li dijî DAIŞê ne rêxistina teror ne, hûn çima ji El Nusrayê re dibêjin rêxistina teror? El Nusra jî li dijî DAIŞê berxwedaneke mezin dide.’

Di roja 50. roja kampanyaya nobedariya weşanê ku Ozgur Gundemê dabû destpêkirin de Can Dundar nobet girt.

Rêxistinên medyakaran, rêxistinên mafparêz û gelek rojnamevan ji bo hevgiriya Ji bo Ozgûr Gûndemê gihan hev.

Bi dehan rojnameger îro li Ozgur Gundemê hatin cem hev û gotin: ‘Em ancax bi hevgirtinê dikarin li xwe, li karê xwe û li siberoja xwe xwedî derkevin.’

Erol Onderoglû, Şebnem Korur Fîdanci û Ahmet Nesîn duhî bi hêceta wan propagandaya rêxistina terorî kirine hatin girtin, îro ji bo wan li Galatasarayê, li siet 19:30ê daxuyaniyek dê bê xwendin.

Girtina Odneroglu, Fincanci û Nesin ji 22 rojnameyan tenê di menşatên 4 heban de cih girtin. Ji bilî medyaya nêzî hukimetê Sozcu, Aydinlik, Milliyet û Vatanê jî di manşetên xwe de cih nedan wan kesên ku ji ber rojnamegeriyê hatine girtin.

DYAyê da zanîn ku Hêzên Sûriyeya Demokratîk ber bi navenda Minbîcê ve bi pêş dikevin.

Çîlem dogan duhî êvarî ji girtîgehê derket û got: ‘Da ku Mûjankên me nekevin erdê em ê têkoşîna xwe bidomînin.’’*

Li 25 gundên girêdayê navçeyên Amedê derketina derve hat qedexekirin. Walîtiyê daxuyand ku wê operasyon were lidarxistin.

Erol Onderoglu, Şebnem Korur Fincanci û Ahmet Nesinê ku bi nobedariyê ji bo rojnameya Ozgûr Gûndemê bûbûn berpirsên weşanê, bi hêceta ‘’propagandakirina rêxistina terorî’’ hatin girtin.

Serdozgerîya Stenbolê daxwaz kir ku seroka TIHVyê bê girtin, TIHVyê xwest ev biryar demildest bê betalkirin.

Zanîngeha Bîlgîyê, dersdêra zanîngehê, Prof. Dr. Zeynep Sayin Blikçioglû ji karê wê yê li zanîngehê derêxist, Prof. Dr. Christoph K. Neumann ji bo nîşandana nerazîbûna ji vê yekê dest ji karê xwe berda.