Serokwezîr Yildirimî jî gotibû ku naveroka nameyê gelek zelal e, wan xemgîniyên xwe anîn ziman û amade ne ku tamînatê jî bidin. Lêbelê AAyê hêjî îdia dike ku di wê nameya ku Erdoganî ji Putîî re şandiye de bi ti awayî behsa lêborîn û tazmînatdayînê nîn e.

UNICEFê raporek belav kir, li gor raporê heta 2030ê, 167 milyon zarok dê di şertên xerab ên hejariyê de bijîn.

Francisê Papa, eşkere kir ku dêr nikare biryaran li ser cimaeta homoseksûelan bide, divê dêr lêborînê ji wan civatan bixwaze ku dêrê berê navên wan reş kirine.

Serokê Dîwana Konfederasyona Rûsyayê lêborînxwestina Erdoganî wek gaveka erênî nîşan da. Serokê Dîwana Têkiliyên Navneteweyî, Konstantin Kosaçevî diyar kir xwestina lêborînê ne bes e.

Yildirimê serokwezîr bersiva pirsên li ser hevpeymana digel Îsraîlê, lêborînxwestina ji Rûsyayê û têkiliyên digel Yekîtîya Ewropayê da.

Polêsan îro li Stenbol Gaziyê bi ser nûçegihana Kovara Yuruyuşê Ebru Yeşilirmak gule reşandin. Di encamê de Yeşilırmakê bi giranî birîndar bû û wê rakirin nexweşaxaneyê.

Berdevkê Kremlinê Dmitry Peskovî ragihand ku Erdogan ji bo xistina balafira Rûsyayê û kuştina pîlotê wê lêborîn ji Serokê Dewleta Rûsyayê Vladimir Putinî xwest.

Yildirimê serokwezîr got: ‘’ [Îsraîl] dê 20 milyon dolaran wek tazmînat bide [Tirkiyeyê], dê astenga li ser Filistînê dê rake TOKI dê li Gazzeyê avahiyan çêbike.’’

Serokwezîrê Îsraîlê Netenyahuyî got: ‘Wê bi peymana ku me danî re gaza xwezayî ya Îsraîlê bi ser Tirkiyeyê ve bighije Ewropayê.’

Di hilbijartina Îspanyayê de dengên herî zêde partiya Mariano Rajoyê serokwezîr stand. Partiya serokwezîrî ya bi navê Partiya Gelî nikare bi serê xwe hikumetê ava bike û dê bi partiyên dî re hikûmeta bi koalîsyonê pêk bîne.

Nobedarên Weşanê yên Ozgur Gundemê Nadire Mater, Yildirim Turker, Tugrul Eryilmaz, Faruk Balikçi û Veysi Altay ji bo îfadedayînê çûn Dadgeha Çaglayanê, lê dozgerî îfadeyên wan hilneda.

DBPyê duhî hevserokên şaredariyên DBPyî kom kirin. Di kombûnê de hat dîyarkirin ku hevserokê DBPyê Kamûran Yûksek û 21 hevserokên şaredariyan di girtîgehan de ne.

Îtiraza li dijî girtina Nobedarên Weşanê yên Ozgur Gundemê Erol Onderoglu, Şebnem Korur Fincanci û Ahmet Nesin hat redkirin.

Li Bedlîsê PKKyîyan bombeyeka destçêkirî li leşkeran teqand, leşkerek hat kuştin û du leşker birîndar bûn.

Hukimeta Kolombiyayê û FARCê ji bo pêkhatina agirbestê li hev kirin. Li gorî peymana hate danîn hêzên FARCê piştî danîna peymana aştiyê di nav 180 rojan de wê çekan berdin.

Rojnamegerên ji 18 welatan ji welatên xwe piştgiriya xwe ya ji bo rojnamegerên bûyîn berpirsên nobedar ên weşana Ozgûr Gûndemê nîşan dan.

Berdevkê Wezareta Karên Derve ya Amerîkayê John Kirby derbarê 3 kesên ku ji ber hevgiriya bi Ozgur Gundemê re hatine girtin de, axivî.

Di îdianameya ku derbarê rojnameger Hamza Aktanî de hatiye amadekirin de, tê îdiakirin ku li ser twitterê propagandaya rêxistinê kiriye. Aktan ji ber 16 twittan tê sûcdarkirin. Di 9 twittan de gelek xeletiyên gramerê hene û Aktanî jî got ku ew twittana ne yê wî ne.

Rojnamegeran ji bo berdana hersê rojnamegerên bi navê Erol Onderoglû, Şebnem Korur Fîdanci û Ahmet Nesîn çûn ber deriyê girtîgeha Metîsê.

Sergen Sucuyê ku redkarê wicdanî ye ji kurcikên xwe ameliyat bû. Dema saet 05:45an de hat ser hemdê xwe, polêsan ketin odeya wî û ji bo ku ew di nav 15 rojan de biçe leşkeriyê xwestin pê girte bidin îmzekirin. Sucuyî jî li ser wê girteyê nivîsand ku ew redkarê wicdanî ye.