Hevserokê Giştî yê DBPê Kamûran Yuksek bi hinceta ‘endamê rêxistinê ye’ hat girtin.

Li navçeya Sancaktepe ya Stenbolê dema servîsa leşkeran derbas dibû wesayîteke bombebarkirî teqiya û di encamê 3 jê sivîl herî kêm 8 kes bîndar bûn.

Îro rojnameger û nivîskarên Rojnameya Atilimê li Dadgeha 13ê ya Cezayên Giran ji ber 53 nûçeyên xwe yên li Tîrmeh û Tebaxa 2015ê têne dadkirin.

HDPê ji bo 300 hezar xwendekarên ku ji ber qedexeya derketina devre mafên wan ê perwerdehiyê hatiye astengkirin û dê bikevin ezmûnên TEOG, YGS û LYSê, teklîfa kir qanûn were çêkirin. Di bingeha ferqmeyiliya erênî de, di wê teklîfêde ji bo xwendekaran hat xwestin ku mafê derbasbûna bêezmûn û bûrs were dayîn.

Dihat xwestin ku ji bo Hevserokê Giştî yê DBPê Kamuran Yuksek li ber Dadgeha Amedê çalakî were lidarxistin, lê ji ber ku qaymeqamtiyê derbarê çalakiyê de biryara qedexeyê da wê çalakî li ber avahiya şaredariyê were lidarxistin.

Senatoya Brezîlyayê biryar da Seroka Dewletê, Rousseffê ji karê wê bi dûr bixe û lêkolînekê li ser wê bide dest pê kirin.

Parlementerê CHPê Sezgîn Tanrikulu di pêşnûmeya ku îro da meclisê de diyar kir ku Şaredariya Kilisê ‘zikirmatîk’ li gel belav kirin. Tanrikulu di pêşnûmeyê de wiha pirsî: ‘Tedbîra ku ji bo gel tê pêşniyarkirin, gelo ev e?’

Greenpeaceyê kampanyayeka bi navê ‘’em naxapin’’ daye dest pê kirin û dîyar kiriye, endûstrîya mirîşkan bûye meydaneka ezîyeta li heywanan. Greenpeace dixwaze endûstrîya mirîşkan heta sala 2020ê bê guhertin.

Piştî ku Komîserê Bilind a Mafê Mirovan ya NYê al-Huseîn daxwaz kiribû ku îxlalên mafê yên li Cizîrê pêk hatine werin lêkolînkirin, HDPê jî bi daxuyaniyek ragihand ku divê destûr bo NYê bê dayîn.

Hevserokê HDPyê Selahattin Demirtaşî xwest hevserokê DBPyê demildest bê serbest berdan. Demîrtaşî got: ‘’ An hûn ê dest ji sekinandina mejiyê xwe berdin û em ê bi hev re rûnin bi demokrasiyê siberojekê çêbikin. An jî hûn ê bixeniqin û biçin. ‘’

Serokê Parlementoya Ewropayê (PE) Martin Schulz ragihand ku heta şertên diyarkirî pêk neyê, serbestiya vîzeyan nakeve rojeva parlementoyê.

Pênc kesên ku li operasyona li dijî DAIŞê hatibûn girtin û bi tometa qaçaxçîtîya çekan hatibûn mehkûmkirin ji girtîgehê reviyane.

Hevserokê Giştî yê Partiya Herêmên Demokratîk (DBP) Kamuran Yuksek ku binçavkirî ye, dema binçavkirina wî rojek hat dirêjkirin.

Weşana derbarê êrişa li dijî servîsa polêsan ji hêla Dadgeha Sulh Cezayê ya 2yem a Amedê ve hat qedexekirin.

Kesên bo weşana Kurdî ked dane, derbarê vê pêgava bianetê de nirxandinên xwe anîn ziman: Kordînatorê Projeyê Evren Gonul, Nivîskar Şêxmûs Diken, Edîtorên BIA Kurdiyê Murat Bayram û Yusuf Onal.

Li gorî nûçeyên ku di medyayê de cih girt, di meha Nîsanê de herî kêm 131 xwendekarên keç rastî destdirêjiyê hatin. Di nav kesên ku destdirêjiyê kirine de mamoste, mudir, alîkarê mudir, xwediyê firoşgehê dibistanan, ajokarên servîsan jî hene.

Pirtûkxaneya Tevna Ragihandina Serbixwe (BIA) ji bo ‘’ Destpêka Rojnamegerîyê, Nûçegihaniya Jinparêz, Rojnamegeriya Aştîxwaz, Nûçegihaniya Zarok Parêz’’ û pîvanên rojnamegeriyê gelek berhemên giranbiha bi zimanên Ingilîzi û Tirkî amade kirine û ew ê bi zimanê kurdî jî amade bike.

Di meha Nîsanê de 28 rojnameger hatin hepskirin. Li dijî 15 rojnameger û 2 saziyên medyayê êriş hatin kirin; 49 nûçegîhan hatin binçavkirin. Bi hinceta li serokomar heqaret kirine, derbarê 86 kesan de lêpirsîn hat vekirin û 53 kesê ji wan rojnameger in.

Li gor agahiyên ji 29 bajaran hatîn, li 51 bûyeran ya kêm, destdirêjî li 155 jin û keçan hatiye kirin.