Li Veznecîlera Stenbolê êrîşeka bi bombeyan hat kirin. Waliyê Stenbolê dîyar kir êrîş bi wesayita bombekirî hatiye kirin, 11 kes mirine 7 ji wan polîs in, 36 kes jî birîndar in. Jiyana sê birîndaran di xetera mirinê de ye.

Bloka Aştiyê bangî serekaniya tirk û hemû rayedaran kirin ku derbarê aqûbeta Hûrşît Kulterê ku 11 roj in jê agahî nayê girtin de daxuyanî were dayîn.

Cenazeyê Rozerîn Çukurê ku di 8ê Çileyê de li Sûrê hatibû kuştin, piştî testa DNAyê hat tespîtkirin.

Li gor Hewildana Aştiya Demildest a Ji bo Zarokan, ji 16ê Kanûna Pêşiyê ya 2015ê, heta 1ê Hezîrana 2016ê, bi çekan, bi neçûna arîkariyên ji bo saxlemiyê an jî bi jibermayîyên şerî, ya kêm 80 zarok hatine kuştin.

Serokomar Erdogan derbarê pêşnûmeya Komkujiya Ermenan ku li meclisa Almanyayê hat qebûlkirin de got: ‘Devlewçeyekî derketiye li wir tiştek amade kiriye û pêşkêşî Parlamentoya Almanyayê kiriye. Ji wî kesê re dibêjin tirk... Tirka çi lo... Divê xwîna wan ji testa laboratuwarê derbas bibe.’

zete.com hefteya borî ji ber sebebên maddî hatibû girtin. Şirketa Lift Content Factory weşana Zeteyê da dest pê kirin.

Erdoganî li civîna KADEMê gotiye: ‘’Jina ku ji ber karkirinê xwe ji dayikbûnê vede(bi dûr bixe) jinbûna xwe înkar dike.’’

Di nav 3 salên borî de li dijî sivîlan 10 êrişên bi bombeyan pêk hatin û di encamê de 275 kes hatin kuştin. 223 ji wan kesan di nav salekê de hatin kuştin. Bes derbarê êrişekê de doz hate vekirin. Derbarê hemû lêpirsînan de biryara veşartinê hate dayîn.

Talîbanê li Efxanîstanê êrîş biriye ser karwanê leşkerî. Bi êrîşê David Gilkeyê Amerîkayî û rojnamegerê serbixwe yê Efxanistanî, Zabiullah Tamana mirine.

Doza Nîhat Kazanhanê 12 salî ku li Cizîrê ji hêla hêzên dewletê ve hatibû kuştin de daxwaza serbestberdana polêsê girtî hat redkirin û doz taloqî 12ê Tebaxê hat kirin.

Rêxistina Bexişînê ya Navneteweyî, raporeka bi navê ‘’ Sitargeha ne ewle: Penaberên li Tirkiyeyê baş nayên parastin’’ belav kir û ji YEyê(Yekîtîya Ewropayê) xwest ew plana xwe ya ji bo şandina penaberan betal bike.

Dadgeha Makeqanûnê îtiraza parlementerên HDP û CHPê ya ji bo betalkirina biryara parêzbendiyan red kir.

Di meha Gulanê de ya kêm 119 karker mirine, 6 ji karkerên mirîn jin bûn, 113 mêr bûn, 3 zarok bûn û 42 ji wan pîr bûn.

Alk. Doç. Dr. Esra Mungan, Doç. Dr. Kivanç Ersoy, Alk. Doç. Dr. MerAL Camci û Alk. Doç. Dr. Muzaffer Kaya bangî parlementerên CHPê kirin ku li dijî rakirina parêzbendiyan bila îmze bidin.

Mêran di meha Gulanê de, destdirêjî li 25 keçan kirine. Hin kesên destdirêjî kirîn dersdêr, midûrên dibistanan, şofêrên serwîsan û dikandarên, dikanên li rexa dibistanan in.

Şêwirmenda Projeyê ya bianetê Nadire Mater tevli kampanyaya Ozgur Gundemê bû û îro ji bo weşana sibê li avahiya rojnameyê xebitî.

Ji bo bidestxistina xeta Manbic-Mareyê ku korîdora navbera DAIŞê û sînorê Tirkiyeyê ye, operasyona li ser Manbicê gelek girîng e. Lêbelê li ser vê operasyonê navbera YPG, Amerîka û Tirkiyeyê de kêşe pêk tê.

Piştî Parlemana Almanyayê, ‘’Qirkirina Ermenîyan’’ qebûl kir Serokwezîr û Serokkomarê Tirkiyeyê li ser têkiliyên Almanya û Tirkiyeyê axivîn.

Piştî ku Parlemana Almanyayê ‘’Qirkirina Ermenîyan’’ qebûl kir Tirkiyeyê xwest balyozê Tirkiyeyê yê li Berlînê, Huseyîn Avnî Karslioglû vegere.

Parlemana Almanyayê reşbeleka bi navê ‘’ bîranîna Qirkirina Ermenî û Kêmneteweyên Fileh’’ qebûl kir.