Ji ber ku ji Bahçelî, Serokê MHPyê re gotiye “xurifî” 5 hezar û 300 lîre cezayê pereyan li bikarhênerekî medyaya civakî birîne. Dadgehê biryar aşkere nekiriye û taloq kiriye.

Gora Tahîr, Elçî, Serokê Baroya Amedê yê berê hatiye rûxandin.

Dadgeha Karûbarên Rêveberiyê wê di çend mehên pêşiya me de ji bo qedexeya lîstiya Bêrûyê biryara xwe aşkere bike.

Hunermend Yilmaz Çelîkî bi tohmeta ku “endamê rêxistinê ye” dihate dadgehkirin. Çelîk îro di encama dadgehkirinê de beraet kiriye.

Festîvala Ciwanan a LGBTI+yan a 5an bi rêya Zoomê pêk tê. Komeleya LGBTI+yên Ciwan festîvalê li dar dixe.

Walîtiya Wanê li nava bajêr heta 15 rojan hemû çalakî û bername qedexe kirine.

Gulustan Kiliç-Koçyiğit, Parlamentera HDPyê pêşniyaznameyek pêşkêşî Meclîsê kiriye û xwestiye ku lêkolîna Qetlîama Wartinîsê bike.

Li Gundê Şêxana Navçeya Payizava ya Wanê ji ber ku gundî Kana Mermerê naxwazin, leşker zorê li wan dike da ku gund vala bikin. Duh leşker û cerdevanan li ser gundiyan gule reşandine û desteserkirine. Gundiyan gotine: “Di bin çavdêriya leşker û cerdevanan de gom û tewleyên me hat rûxandin. Kêsên ku li dijî vê derketin gule li wan reşandin.”

Li gorî rapora Weqfa Mafên Mirovan a Tirkiyeyê, di navbera salên 2015-2019an de 4 hezar û 771 caran maf/azadiya xwepêşandan û civînan hatiye binpêkirin. 3 hezar û 102 xwendekarî dema mafên xwe yên azadiya xweîfadekirinê, birêxistinbûnê, xwepêşandan û civînê bikaranîne, mafên wan hatine binpêkirin.

Dayik/Mirovên Şemiyê 26 sa in li xizmên xwe digerin. Dayik/Mirovê Şemiyê ji bo 26 saliya çalakiyên xwe qurnefîl dane Qada Galatasarayê û gotiye “Me soz daye kesûkarên me yên windakirî. Heta yê dawî were dîtin, em dest jê bernadin.”

Danişîna 4an a kuştina Alî el Hemdaniyê suriyeyî li Dadgeha Cezayê Giran a 9an a Edeneyê dewam kiriye. Dadgehkirin wê 9ê Îlonê dewam bike.

Di qonaxa 27em de bi tenê hejmara fezlekeyên derbarê parlamenterên HDPê de ji hezarî derbas bûne.