Endam û rêveberên HDPya Stenbolê bi tevlêbûna Parlamenter Sezai Temelliyî, xwestine li Kadikoyê ji bo balê bikişînin li ser greva birçîbûnê ya girtîgehan. Lê polîsan midaxele li wan kirine û hin çalakvan desteser kirine.

Nils Muižnieks, Dîrektorê Ofîsa Ewropayê ya Rêxistina Efûyê ya Navnetewî gotiye: “Tekane biryara baş ew e ku wê îro li danişînê bê dayîn, divê dadgeh vê bêdadiyê ji holê rake û ya rast bike û Osman Kavalayî azad bike.”

Hakan Bakircioglû, parêzerê malbata Dinkî got, du rojên ku dadgehê ji bo amadekirina parastinê diyar kiriye, têrê nake û ew ê parastinê neke. Piştî parastina bersûcan heyeta dadgehê biryar daye ku dadgehkirin di 22yê Kanûna Pêşiyê de dewam bike.

Emîne Şenyaşar û kurê wê Ferît Şenyaşara ku li ber avahiya AKPyâ Rihayê çalakiya rûniştinê li dar xistibûn, hatibûn desteserikrin. Emîne û Ferît Şenyaşar bi şertê kontrola edlî serbest bûne.

Walîtiya Colemêrgê biryar daye û aşkere kiriye ku heta 15 rojan hemû çalakiyên weke xwenîşandan, mitîng, civînên li cihên vekirî û yên weke wan hatine qedexekirin.

Li gorî rapora Komîteya Parastinê ya Rojnamegeran(CPJ) li tevahîya cîhanê herî kêm 274 rojnameger ji ber çalakiyên xwe yên pîşeyî di girtîgehan de ne.

TTByê destnîşan kiriye û gotiye, “Dr. Şeyhmûs Gokalp, endamê Lijneya Rûmetê ya Bilind ya me bêsûce, em li gel têkoşîna wî ya mafdar in. Girtina Gokalpî bêhiqûqiye, divê demildest bê berdan û weke negirtî bê dadgehkirin.”

HDPyê têkildarî 5emîn salvegera operasyon û qedexeya derketina derve ya li Cizîrê daxuyanî daye û bal kişandiye ser polîtîkayên bêcezatiyê yên wê demê.

Walîtiya Dêrsimê li ser malpera xwe ya fermî aşkere kiriye ku ji ber şewba Kovid-19ê wan ji bo 15 rojan çalakî û xwepêşandan qedexe kirine.

Li Serêkaniya Rojavayê bi wesayîta bombekirî êriş pêk hatiye û di encamê de 2 leşker mirine, 6 leşker jî birîndar bûne.

Buroya Hiqûqê ya Gelî diyar kiriye ku parêzer Aytaç Unsal bêyî bibin edliyeyê, girtine. Unsal li Edirneyê hatibû desteserkirin.

Rêxistina Rojnamegerên Sînornenas(RSF) derbarê kuştina Maîwandê de daxwaza vekirina lêpirsînekî bi lez kiriye.

805 hemwelatiyan ji bo 10ê Kanûna Pêşiyê Roja Mafên Mirovan daxuyaniyeke hevbeş weşandine: “Em jiyaneke birûmet, aram û biewle daxwaz dikin.”

Duh bi şev hêzên asayîşê bi ser navenda Televziyona NRTyê ya li bajarê Silêmaniyê de girtine. Metro Centerê girtina weşana NRTyê şermezar kiriye.

Walîtiya Bedlîsê ji ber sedema ku wê operasyona leşkerî destpê bike, li 46 gundên Bedlîsê derketina derve qedexe kiriye.

Danişîna doza nivîskar Gulgeş Deryaspiyê hatiye lidarxistin. Dadgeha Bedlîsê bi îdiaya “endamtiya rêxistinê” 6 sal û 3 meh cezayê girtîgehê li Deryaspîyê birîye.

Polîsan 9 jinên trans yên ku li Kolana Bayram a Stenbolê dijîn di mehekê de du car desteser kirine. Polîsan çûn û hatina kolanê girtiye û gotiye wê malên we were mohr kirin. 9 jin di nava pandemiyê de bê mal hatine hîştin.

Ferhat Çelîk, Gerînendeyê Giştî yê Rojnameya Yenî Yaşamê di 26emîn salvegera bombekirina Rojnameya Ozgur Ulkeyê de axivîye û gotiye: “Em li vê derê ne. Li ku derê rastî bê veşartin em li wê derêne. Karê me ewe ku em wê rastiyê derbixin holê.”

Dîcle Muftuoglû, Hevseroka DFGê û edîtora Ajansa Mezopotamyayê ji ber ku wêneyek di hesabê xwe yê medya civakî de belav kiriye bi îdiaya “propaganda rêxistinê kiriye” salek û 3 meh cezayê hepsê lê hatiye birîn.

Walîtiya Colemêrgê biryar daye û aşkere kiriye ku heta 15 rojan hemû çalakiyên weke xwenîşandan, mitîng, civînên li cihên vekirî û yên weke wan hatine qedexekirin.