Malbata Şenyaşar: Em çi ji bo xwe bixwazin ji bo mirovahiyê jî dixwazin

Ji bo nûçeya tirkî bitikîne

Nobeta Edaletê ya Malbata Şenyaşarî li ber avahiya Edliyeya Rihayê, di roja xwe ya 646an de dewam dike.

Li navçeya Pirsûsê ya Rihayê, pasevan û xizmên parlamenterê Partiya Dad û Geşepêdanê (AKP) Îbharîm Halîl Yildizî di 14ê Hezîrana 2018ê de êrîşî malbata Şenyaşarî kiribûn. Di encamê de hevjîn û du kurên Emîne Şenyaşarî hatibûn kuştin.

Emîne Şenyaşar, ji ber nexweşiyên xwe îro tevlî nobetê nebûye. Kurê wê Ferît Şenyaşar jî li ber edliyeyê pankarta “Ji malbata Şenyaşar re edalet” vekiriye û çalakiya xwe ya nobetê domandiye.

Bixwîne-Emîne Şenyaşar û Ferît Şenyaşar hatine desteserkirin

Bixwîne-Emîne Şenyaşar hatiye desteserkirin

Bixwîne- Malbata Şenyaşar carekî din banga “bêdeng nemînin” kiriye

Bixwîne- Malbata Şenyaşar: Bila zilm bi dawî bibe 

Malbatê li ser hesaba xwe ya medyaya dîjîtal peyamek parve kiriye û gotiye: “646 roj in em li ber Edliyeya Rihayê têdikoşin. Em ji bo xwe ji bixwazin ji bo mirovahiyê jî dixwazin. Daxwaza me edalet e. Serdestên ku şûra Themisê (Xwedawenda edaletê) ji destê wê girtine, bi fermanên xwe arastekirina darazê didomînin.”

Çi bûbû?

Di 14ê Hezîrana 2018an de di dema xebatên hilbijartinê yê Îbrahîm Halîl Yildiz, parlamenterê Rihayê yê AKPê de êrişa çekdarî pêkhatibû.

Di encama êrişê de Mehmet Şah Yildiz, birayê Îbrahîm Halîl Yildiz, Haci Esvet Şenyaşar û kurên wî Adil û Celal Şenyaşar miribûn.

Fadil Şenyaşarê ku di pevçûnê de bavê wî û herdu birayên wî candabûn û bi xwe jî brîndar bibû, li Nexweşxaneya Lêkolînê û Perwerdeyê ya Gazî Yaşargîl a Amedê hatibû desteserkirin û piştre dadgehê biryara girtina wî dabû. (EMK/AY)