Serokê Giştî yê HDPyê Selahattîn Demîrtaşî bangî hemî partiyên di parlemanê de kir ku ew kom bibin û ji bo sekinandina pevçûnan hevdîtinan bidin dest pê kirin.

Ji bo rojnameger Hayrî Tunç bi hinceta ‘bi parvekirinên medyaya civakî de û bi wêneyên nûçeyan propagandaya rêxistinê kiriye’ ji hêla 13. Dadgeha Cezayê Giran ya Stenbolê ve 2 sal cezayê girtinê hat dayîn.

Dadgeha Stenbolê ya Cezayên Sûlhê ya 10. weşanên medyayî yên li ser lêpirsîna êrîşa bi bombeyan qedexe kir.

7. Hefteya Rûmeta Transan di 13ê Hezîranê de bi dirûşma ‘Bexwedan û Aştî’ wê dest pê bike û 19ê Hezîranê de bi meşeke girseyî bi dawî bibe.

Claudia Rothê Erdogan bi wê yekê tometbar kir ku ew dixwaze bi milyonan Tirkiyeyîyên li Almanyayê bêhizûr bike.

Berdevkê hukimetê û Alîkarê Serokwezirî Numan Kurtulmuş got: ‘Derbarê mijarên teknîkî de peywendiyên me didomin. Hin hevdîtinên ku berdewamiya civînên li Brukselê ne jî, dê pêk were.’

Li Veznecîlera Stenbolê êrîşeka bi bombeyan hat kirin. Waliyê Stenbolê dîyar kir êrîş bi wesayita bombekirî hatiye kirin, 11 kes mirine 7 ji wan polîs in, 36 kes jî birîndar in. Jiyana sê birîndaran di xetera mirinê de ye.

Bloka Aştiyê bangî serekaniya tirk û hemû rayedaran kirin ku derbarê aqûbeta Hûrşît Kulterê ku 11 roj in jê agahî nayê girtin de daxuyanî were dayîn.

Cenazeyê Rozerîn Çukurê ku di 8ê Çileyê de li Sûrê hatibû kuştin, piştî testa DNAyê hat tespîtkirin.

Li gor Hewildana Aştiya Demildest a Ji bo Zarokan, ji 16ê Kanûna Pêşiyê ya 2015ê, heta 1ê Hezîrana 2016ê, bi çekan, bi neçûna arîkariyên ji bo saxlemiyê an jî bi jibermayîyên şerî, ya kêm 80 zarok hatine kuştin.

Serokomar Erdogan derbarê pêşnûmeya Komkujiya Ermenan ku li meclisa Almanyayê hat qebûlkirin de got: ‘Devlewçeyekî derketiye li wir tiştek amade kiriye û pêşkêşî Parlamentoya Almanyayê kiriye. Ji wî kesê re dibêjin tirk... Tirka çi lo... Divê xwîna wan ji testa laboratuwarê derbas bibe.’

zete.com hefteya borî ji ber sebebên maddî hatibû girtin. Şirketa Lift Content Factory weşana Zeteyê da dest pê kirin.