Endama Lijneya Şêwirmendiya Weşanê ya Ozgur Gundemê, fîlolog û nivîskar Necmiye Alpay bi hinceta “endama rêxistina çekdarî ye” û “xerakirina yekîtiya dewletê” hat girtin.

Duhî hin rêxistinên sîyasî yên kurdan li DTKyê ragihandibûn ku ew ê dest bi greva birçîbûnê bikin û heta digel rêberê PKKyê hevdîtin neyên kirin ew ê grevê bidomînin, piştî daxuyaniyê polîsan bi ser DTKyê de girtine .

Serokwezîrîyê li şûna Alayî wezîrê Wezareta Xebat û Ewlehiya Civakî erkdar kiriye.

HDP, HDK, DBP, KCD û KJA bi daxuyaniyeke hevpar diyar kirin ku eger ku di çarçoveya hiqûqê de bi Ocalan re hevdîtin pêk neyê wê di 5ê Îlonê de ji hêla 50 kesên dilxwaz ve gireva birçîbûnê bidin destpêkirin.

24 belavkarên Azadiya Welat ku di encama serdegirtina li ser avahiya navenda rojnameyê hatibûn binçavkirin, hê jî binçavkirî ne. Polêsan avêtin ser malên kesên binçavkirî jî. Parêzerê rojnameyê got ku wan derbarê binçavkirinan de ti muxatap nedîtine.

Li ser îdiaya ku Tirkiye û AAS di operasyona Cerablûsê de bi YPG û MLC re li hev kirine, berdevkê serokkomariyê û serokwezîrî gotin ‘’ti behsa hevpeymanekê nîne.’’

Walîtîya Dêrsimê ji 1ê Îlonê heta 15ê îlonê 31 cihên Dêrsimê wek ‘’Herêmên Ewlehiya Taybet’’ îlan kir.

13 gundên girêdayê navçeyên Lice û Hênê ya Amedê derketina derve hat qedexekirin.

Li gor rapora Komeleya Mafên Mirovan(IHD) di sala paşiyê de li herêmên derketina derve lê hatine qedexekirin, 320 kes hatine kuştin ku 75 ji wan zarok in.

Serokomar Erdogan ji ber pirsgirêkên siyaseta li hemberê YE, Îraq û Sûriyê jî Fetullah Gulen sûcdar kir.

Operasyona TSKê ku li Cerablusê daye destpêkirin di roja 7an de didome. OSO bi piştevaniya TSKê ber bi başûrê Minbicê ve pêş de diçe. Li gorî nûçeya Wall Street Journalê eger ber bi Al Babê li dijî çeperên DAIŞê operasyon neyê kirin, wê Amerîka piştevaniya xwe ya hewayî qut bike.

Serokomarê Fransayê Hollande li Sûriyê êriş û mudaxelekirina Tirkiyeyê ya li dijî hêzên kurd rexne kir.

Ji aliyê herêma DAIŞ serdest a Sûriyeyê ve rokêtek hat berdan, 5 zarokên emrê wan di navbera 5-11ê de birîndar bûn. Rewşa zarokekê/î xerab e.

Piştî hewldana derbeya 15ê Tîrmehê di çarçoveya lêpirsîna derbarê cemaeta Fetullah Gulen de Mudirê Emniyeta Stenbolê yê berê Huseyîn Çapkin hat binçavkirin.

Jiyan Ozturk mamoste ye û nexweşa epilepsiyê ye û bi wî halê xwe yê nexweş 5 meh in girtî ye. Parêzer Turgut ragihand ku Jiyan Ozturk têra xwe nake û ji ber vê yekê nikare bi tena serê xwe di girtîgehê de bimîne û wan daxwaz kiriye ku ew were tehlîyekirin.

TSKyê bi daxuyaniyekê dîyar kir ku wê digel AASyê li Cerablûsê li 21 cihan daye, hêzên hevpeymanê jî li DAIŞê daye.

Serdozgeriya Stenbolê di çarçoveya lêpirsîna cemaetê ku piştî hewldana derbeya 15ê Tîrmehê destpê kiribû de, derbarê 35 kesan de biryara binçavkirinê da. Di nav wan 35 kesan de gelek rojnameger jî hene.

Li Dîlokê êrîşek li ser dawetê hatibû kirin, yek ji birîndaran jî zarokek 6 salî bû, îro bi mirina wî hejmara miriyan bû.

Cenazeyê Vedat Tûrkalîyî dê di 1ê Îlonê de ji Mizyefta Teşvîkîyeyê bê rakirin.

Mitîgên Aştiyê ya 1ê Îlonê ku Hêzên Ked û Deokrasiyê dixwestin lidar bixin, li Êlih û Antalyayê hatin qedexekirin.