Serokomar Erdogan û Serokê dewleta Rûsyayê Pûtîn, piştî 9 mehan wê îro hevdîtinê pêk bînin.

Numan Kurtulmuş piştî civîna Lijneya Wezîran daxuyand ku qedexeya îzinhildanên salane ya karmendan hat rakirin.

Walîtiyê daxuyand ku li 13 gundên girêdayê 4 navçeyên Amedê bi hinceta dê operasyon were lidarxistin, derketina derve hat qedexekirin.

Meclisa Leşkerî ya Minbicê ku girêdayê Hêzên Sûriya Demokratîk e, daxuyand ku %90 yê navenda bajarê Minbicê ji destê DAIŞê hat rizgarkirin.

Di çarçoveya lêpirsîna kuştina Hrant Dink de Ergun Yilmaz ku wê demê li Mudiriyeta Îstixbarata Leşkerî yê Şaxa Trabzonê de dixebitî, hat girtin.

144 rewşenbîran bi danezanek diyarkirin ku yên li meclis, serokomarî û qadan li hemberî HDPê tên kirin ferqmeyilî ye bangî hemû siyasetmedaran kirin ku li hemû rengên welatê xwe xwedî derkevin.

Sputnikê ragihand ku qedexeya ragihandina ser wan hatiye rakirin û got: ‘Çawa ku dema li hemberî ragihandina me bêyî ti agahî û sedem biryara qedexeyê hatibû dayîn, bi heman awayî qedexe hat rakirin.’

Mamosteyê bi navê Gokan Açikkolu ku dema binçavkirî bû û piştî 13 rojan canê xwe ji dest da, ji ber ku li Stenbolê ji bilî ‘Goristana Xayînan’ cih nehat dayîn, malbata wî jî bi îmkanên xwe cenaze birin Konyayê û bêyî mela û merasîmê cenazeyê defin kirin.

Li Êlihê li dijî derbekirinê ji hêla HDP, DBP, KCD û KJAyê ve mitînga demokrasiyê hat lidarxistin. Di mitîngê de Hatîp Dicle, Îdrîs Baluken û Sebahat Tuncer axaftinan kirin.

Kampanyaya "Nobeta Gerînendeya Giştî" ya ji bo piştevaniya rojnameya Ozgur Gundemê bi dawî bû. Edîtorê Rojnameya Ozgur Gundemê Zana Kaya peywîra berpirsê weşana giştî girt ser xwe û ragihand ku gefên li ser çapemeniyê hêj berdewam dikin û ji ber vê yekê dê kampanyayê bi piştevaniyek hîn xurttir bi rêbaz û şemalên din berdewam bikin.

Mitînga Yenikapiyê di pêşengiya serokomariyê de ji hela Şaredariya Stenbolê û Walîtiya Stenbolê tê tê lidarxistin.

Li Rîoya paytextê Brezîlyayê dê îşev 02:00(TSI) dest pê bike.

Li navçeya Şemzînanê yê Colemêrgê ji hêla hêzên PKKê ve êriş hat kirin û di encamê de 2 leşker canê xwe ji dest dan 6 leşker jî birîndar bûn.

Parlementerê HDPê Alî Atalan nasnameya xwe ya meclisê ku li ser beşa dînê de ‘Îslam’ hatibû nivîsandin guherand û kir Êzidî. Atalan daxwaz kir ku li ser hemû nasnameyên Êzidiyan ku beşa dînê hêjî weke ‘Îslam’ hatiye nîşandan, were guhertin û dewsa wî de ‘Êzidî’ were nivîsandin.

Serokê Zanîngeha Colemêrgê, Prof. Dr. Ebubekir Ceylanê ku polîsan ew desteser kiribû bi biryara dadgehê hat girtin.

Wezareta Perwerdeya Neteweyî, da zanîn ku 15 hezar desdêr dê bêne wezîfedarkirin.

Ji hêla serokomariyê ve ‘Mitînga Demokrasî û Şehîdan’ tê lidarxistin. Kiliçdaroglu ku beriya niha gotibû wê tenê heyeteke CHPê beşdarê mitîngê bibe, biryareke nû da ku ew ê jî bi xwe jî biçe mitîngê.

Akademîsyen Doç. Candan Badem ku hatibû binçavkirin, piştî serbest hat berdan di twîtterê de got: ‘Ez keseke sosyalîst, marksîst û ateîst im. Hûn çawa dikarin navê min bi FETO re bi kar bînin. Armanca wan kesên ku navê min bi FETO re tînin ziman dibe ku bixwazin lêpirsînan vala derxînin.’

Mumtazer Turkone jî di nav de 12 rojnamegerên ku piştî hewldana derbeya 15ê Tîrmehê di çarçoveya lêpirsîna li dijî cemaeta Fetullah Gulenî hatibûn binçavkirin, îro hatin girtin.

Walîyê berê yê Stenbolê Hûseyîn Avnî Mûtlû jî tê de 12 kesên walî, cihgirên waliyan û qeymiqam bi tewana ‘’endambûna rêxistina terorî’’ hatin girtin.