Serokwezîr Yildirim got: ‘Me destpêkirina hewldanê piştî 15 deqeyan ji parazvanên derdorên me û ji heval û hogirên xwe bihîst.’

HDPê wê sibê li Stenbol Sultangaziyê bi durişma ‘Ji derbeyê re na, demildest demokrasî’ çalakî li dar bixe.

Edîtora JINHAyê Zehra Dogan digel Mazlum Kavakê şêvirmendê Alî Atalanê parlamenterê HDPyê hatiye desteserkirin.

Piştî hewldana derbekirinê li 23 zanîngehan 583 jê xebatkarên akademiyê bi temamî 773 kes ji kar hatin dûrxistin. YOKê jî 4 rektoran ji ji kar dûrxistin.

Îro Rojên Sînemaya Havînê ya Şaredariya Kadikoyê pêk tîne dê dest pê bike.

Wezîrê Dadê Bekir Bozdag piştî hewldana derbekirinê derbarê dema binçavdemayînê, dadkirin û radestîkirina Gulen de axivî û pirsan bersivandin.

Li Amedê endamên PKKyê û polîs pev çûne, 3 polîs mirine 2 polîs jî birindar bûne. Li gor DHAyê 2 PKKyî û li gor AAyê PKKyîyek miriye.

Biryara ku ji hêla Lijneya Wezîran hatibû girtin û li gorî wê yekê heta 3 mehan li her derê welêt rewşa awarte (OHAL) dê were îlankirin, piştî dengdayîna li meclisê hat qebûlkirin.

Akademisyen, nivîskar û siyasetmedar jî di nav de 70 kesên dildar danezana “Derbe hat rawestandin niha dema aştiyê ye" weşand û aştî xwestin.

Alîkarê Serokwezîr Numan Kurtulmuş eşkere kir ku di dema OHALê de wê pêkanîna Peymana Mafên Mirovan a Ewropayê (PMME) pêk neyê.

Ji 128 General û Amîralên ku di çarçoveya hewldana derbekirinê ku di 15ê Tîrmehê de pêk hatibû de hatine binçav kirin, 112 ji wan hatine girtin, 4 ji wan serbest hatin berdan û 12yên din jî hêj binçavkirî ne.

Hevsera Tahir Elçi Turkan Elçi di hesabê xwe yê twitterê de got: ‘Eger ku hûn qatilê hevserê min binçav bikin, nebî nebî îşkenceyê lê nekin. Hevserê min hemû emrê xwe bi tekoşîna li dijî îşkenceyê derbas kir. Ji ber vê divê qatilê wî jî bi awayekî adil bête darizandin.’

Wezareta Perwerdeya Neteweyî(MEB) dê ji ber hewildana derbekirinê ya di 15ê Tîrmehê de 626 saziyên perwerdeyê bigire, 524 ji wan saziyan taybet in.

Rektorê Zanîngeha Dicleyê Prof. Dr. Ayşegul Jale Sarç û Rektorê Zanîngeha Gaziyê Suleyman Buyukberbe hatin binçavkirin.

62 xwendekarên Lîseya Leşkerî ya Kuleliyê ku tê îdiakirin di 15ê Tîrmehê de dema hewldana derbekirinê de avêtine ser Qereqola Polêsan a Çengelkoyê û xwestine ku qereqolê bi dest bixin, hatin girtin.

Lijneya Ewlehiya Neteweyî û Dîwana Wezîran li ser hewildana derbekirinê civiyan. Piştî civînan Erdoganê serokkomar eşkere kir ku ji bo 3 mehan li hemî derên Tirkiyeyê Halê Awarte hatiye îlankirin. Îlana Halê Awarete di Rojnameya Fermî de hat weşandin.

Lijneya Ewlehiya Neteweyî û Dîwana Wezîran li ser hewildana derbekirinê civiyan. Piştî civînan Erdoganê serokkomar eşkere kir ku ji bo 3 mehan li hemî derên Tirkiyeyê Halê Awarte hatiye îlankirin.

Heyeta Îmraliyê bang li hikûmetê kir ku ji bo heyeteke serbixwe, malbat û parêzer ji bo Abdullah Ocalan biçin giravê dawetî peywîrê kir û ev tişt got: "Ewlehiya Birêz Ocalan mijareke ku bê piştguhkirin nîne."

Hin saziyên sivîl û nûnerên sendîqeyan ji ber hewldana derbekirinê çûn serdana meclisê. Di wê ziyaretê de Parlementerê HDPê Sirri Sureyya Onder jî weke amîrê îdarî yê meclisê xwest ku axaftina xwe bike, lê ji ber nirxandinên Ocalan anî ziman mîkrofona wî hat girtin û nehiştin ku biaxive.

TÎBê Wikileaks asteng kir ku wê 294 hezar û 548 e-maîlên AKPyê belav kiribû.