Li Şaredariya Hezexê qayûm hat tayînkirin. Hevşaredarê Hezexê Mehmet Muhdi Aslan jî di encama serdegirtina mala wî bi hinceta “endamê rêxistinê ye” hat binçavkirin.

Serokê PYDyê, Salih Mûslîmî dîyar kiriye ku wan ti îdiayên avakirina dewleteka kurdan li Sûriyeyê nînin. Ji bo kantonan jî Mûslîmî gotiye ji xwe piştî li Sûriyeyê îstiqrar çêbibe yekîtî dê çêbibe.

Kesekî ku di destê wî de kêr hebû xwest ku biçe balyozxaneya Îsraîlê û êrişê wir bike. Wî kesî di îfadeya xwe de got: “Min ji bo rawestandina xwîna ku li Rojhilata Navî dirije vî yekê kir.”

Neteweyên Yekbûyî piştî êrîşa li konvoya wê hatî kirin biryar da ku ew ê li sûriyeyê xizmetên ji bo alîkariyên mirovî bisekinîne. Amerîka ji bo êrîşê Rûsya û Sûriyeyê tewanbar dike, Rûsya vê yekê qebûl nake.

Nivîskar Asli Erdogan ku ji 19ê Tebaxê vir ve girtî ye, hejayê xelatê yê Tucholskyê hat dîtin.

Nûçegîhanê DÎHAyê Feyyaz Imrak piştî rûniştina duyem a dozê hat tehliyekirin. Imrak ji 15ê Sibatê vir ve girtî bû.

Erdogan li Neteweyên Yekbûyî(NY) li ser FETOyê, operasyona Mûsilê û şerê li Sûriyeyê axivîye.

Wezareta Parastin a Rûsyayê di daxuyaniya xwe de ragihand ku ne balafirên şer ên Rûsya û ne jî yên Sûriyeyê êrişî konvoya Neteweyên Yekbûyî nekirine.

Rewşenbîrê kurd, Mûsa Anter(Apê Mûsa) ji beriya 24 salan li taxa Cumhuriyetê li kolana 442. hat kuştin, îro Mûsa Anter li cihê ew lê hatî kuştin hat yadkirin.

Dayîkên Şemiyê ku wê di 24ê Îlonê de cara 600. li Galatasarayê bin di bangewaziya xwe de wiha gotin: “Em bang dikin ku di 24ê Îlonê de her kes li cihê ku lê ye li dijî tinêkirin û kuştinan re ji bo rûmeta mirovahiyê dengê xwe bilind bike.”

Doza der barê Nobedarên Weşanê yên Ozgur Gundemê Ayşe Duzkan û Ragıp Duran ên piştevaniya Rojnameya Ozgur Gundemê kiribûn îro li Dadgeha Stenbolê hat dîtin.

Berpirsa Weşanê ya Ozgur Gundemê ya berê Eren Keskin û Mudira Karên Nivîsan ya berê Reyhan Çapan nihajî ji ber nushaya 10ê Adarê tên dadkirin.

Neteweyên Yekbûyî, bi erebeyan ji bo 78 hezar kesan alîkarî şand Sûriyeyê, êrîş li konvoyê hat kirin. Li gor Navenda Çavdêriya li Mafên Mirovan a Sûriyeyê, bi êrîşê 12 kes mirine.

Du leşkerên ku ji bo operasyona ''Mertalê Feratê'' çûbûn Cerablûsê, li wê derê hatine kuştin.

Hasan Rûhaniyê Serokkomarê Îranê ji beriya ku ji bo Civîna Tevgera Azadan a 17. biçe Neww Yorkê çû Kubayê û hevpeymaneka di navbera Îran û Kûbayê de îmze kir.

Mijarên semîneran ''liberçavbûn, têkoşîn û yekîtî'' ne, SPoD dê semîneran pêk bîne, heta 23yê Îlonê yên bixwazin dikarin serî li SPodê bide.

Îro di rûniştina biryardayînê ya doza ku ji bo sekinandina kanweriya li Cerattepe Zozanê Kafkasorê de parêzeran daxwaza redkirina dadwerê kîrîn.

Li Amedê 4 hezar û 350 dersdar(mamoste) ji karê wan hatine dûrxistin, serokê berpirsiyariya IHDyê yê Amedê û dersdar Racî Bîlîcî jî yek ji wan dersdaran e. Wî got: ''Em dixwazin hikûmet mafê me li me vegerîne û lêborînê ji me bixwaze.''

Rûniştina dozên 19 Berpirsên ji 20ê Îlonê şûnde dest pê dike. Me lîsteya dozên ku li 13., 14. û 22. Dadgehên Cezayê yê Stenbolê dê were dîtin, belav kir.

Tarik Akan xwediyê dibistaneka bi navê Taş Mekteb e, piştî mirina wî dibistana wî îro dest bi werzê nû yê perwerdeyê kir.