Grant, Alîkarê Şêwirmendê Hêzên Hewayî yê DYAyê got ku, heke Tirkiye sîstema berevaniya hewayî ya bi navê S-400ê bistîne dê gîhandina wê ya teknolojiya NATOyê bê sînordarkirin.

Dadgeha Bilind biryar da ku ‘sempatî ji bo endambûna rêxistinekê ne delîlek e” Ahmet Ozmenê serokê BAROyê diyar kir ev biryar “biryareka emsal e.”

Li navçeya Bismîlê ya Diyarbekirê, bi rêûrismeka şaredariyê amade kirî miftîyê navçeyê zewaca bûk û zavayekî çêkir lê Berpirsiyarîya Diyanetê ya Tirkiyeyê eşkere kir ku miftî ji bo çêkirina zewacê nehatine erkdarkirin.

Wezîrên darayî yên dewletên li Yekîtîya Ewropayê îro ji bo diyarkirina bûtçeya 2018ê kom bûn. Di rojeva wezîran de kêmkirina bûtçeya ji bo arîkariya Tirkiyeyê jî heye.

Li sê gundikên navçeya Pasûrê ya Amedê bi hinceta ku wê operasyon çêbibe derketina derve hat qedexekirin.

Akademisyenên Fransî bi armanca piştgiriya Osman Kavalayî daxuyaniyek belav kirin: “Osman Kavala weke rewşenbirên din ê Tirkiyeyî li welatî tenê ma hîna jî akademisyenên muxalif tepeser dikin û rojnamegeran digirin”.

Reza Zarrabê ku li Dewletên Yekbûyî yên Amerîkayê(DYA) girtî ye duhî beşdarî civîna dadkirina xwe nebû. Ji bo standina agahiyên li ser Zarrabî Tirkiyeyê nota dabû DYAyê.

Hêzên TSKyê li herêma Avaşîn Basyanê li hemberî PKKyê operasyonek li dir xist ku di bin kontrola Rêveberiya Herêmî ya Kurdistana Iraqê ye. Di dema operasyonê de pevçûn derket û du leşker mirin, leşkerek jî bi giranî birîndar bû.

Serlêdana Gursel Yildirim Parlamentera HDPyê ya Mêrdînê ji hêla Dadgeha Destûra Bingehîn ve nehat qebûlkirin. Dadgehê beriya niha bi çar salan biryar girtibû ku girtitiya Balbay Parlamenterê CHPyê “mafê hilbijartin û hilbijirînê binpê dike.”

Wezîrê dadê Bekir Bozdagî eşkere kir, rayedarên Amerîkayê ji wî re gotine rewşa Reza Zarrabî baş e. Şeş roj bûn ku agahî ji Reza Zarrabî nehibû standin.

Di Berxwedana Gezîyê de, zarokek bi navê miribû. Doza li ser mirina wî hat birêvebirin lê polîsê bersûc nehat dadgehê.

Rojên Filman ên LGBTİ yên Alman piştî ku li ser medyaya civakî bi hashtagên #LGBTFilmGünleriİptalEdilsin (Bila Rojên Filman ên LGBTİyê bên betalkirin) û #İstiklalimizeKaraLeke (Lekeya reş li ser serxwebûna me) hin tweet hatin avêtin ji hêla Valîtiyê ve hat betalkirin.

Salek û nîv e ku karsazê ji Tirkiyeyê Reza Zarrab li Dewletên Yekbûyî yên Amerîkayê(DYA) hatiye girtin û agahî jê nehatiye standin li ser vê yekê, Tirkiyeyê daxwaza agahîyan kiriye.

Walîtiya Amedê aşkere kir ku li 12 tax û gundikên navçeya Farqînê ji ber operasyona leşkerî ji saetên sibê û pê de biryara qedexeya derketina derve hat standin.

Parlamentera HDPyê ya Mêrdînê Gulser Yildirim di doza xwe ya “propagandeya rêxistina terorê û teşwîqkirina gel a ji bo serhildanê” tehliye bû lê ji ber doza wê ya “endamtiya rêxistina terorê” girtî ma.

Rêxistinen jinan derbarê îdiayên îşkenceyê yên li Girtîgeha Elezîzê de daxuyaniyek dan û gotin ku çar jinên girtî yên siyasî ji 1ê Çiriya Paşiye de di greva birçîbûnê de ne û di hucreyên yek kesî de tên girtin.

Baroya Dêrsimê ji bo Qetlîama Dêrsimê daxwaza lêborîna fermî kir û xwest ku rastiyên derbarê qetlîamê bi raya giştî re par ve bikin, ci û warên windayan lêkolîn bikin û ji bo kesên ku mirine merasîma yadkirinê bê çêkirin.

Filmê bi navê “Hadîa” (Hediye) li Festîvala Filmên Zarokan a Chicagoyê ya Navnetewî du xelat standin. Derhênerê filmî Sînem Sakaoglû ye û film di çarçoveya projeya Anadulu Kültürê ya bi navê “Mîrateya Çandî ya Sûriyeyê ya ji bo Zarokan: Pirtûk û Lîstik” de hatiye amadekirin.

DMMEyê ji ber 4 sal 8 meh cezayê girtinê dabû Işikirikî Tirkiye bi dayina tezmînatê mehkûm kir ku Işikirik bi beşdarbûna merasîma cenazeyekî û çalakiyeke li zanîngeha xwe û nîşana serfiraziyê hatibû sûcdarkirin û ceza lê birîbûn.

Komîteya Karên Derve ya Senatoya DYAyê piştî 40 salan careke din karbidestiya bikaranîna çekên nukleer a Serokê DYAyê nîqaş dike. Demokrat dibêjin ku “Ji ber Trump gelekî bêhevseng e û guherbar e em bi endîşe ne”.