Rojnameger Sîbel Yukler, Dîren Yurtsever û Selman Guzelyuz piştî ku li emniyetê îfadeyên wan hatin standin serbest man.

Semîh Ozakça dersdêrek e ku 228 roj in ji ber ew ji karê wî hatiye avêtin di greva birçîbûnê de ye. Ozakça di 20ê Çiriya Pêşiyê de hat tehlîyekirin.

Rojnameger Mûrat Çelîkkan roja şemiyê serbest ma ku ji ber bibû Berpirsê Weşanê yê Nobedar ê Rojnameya Ozgur Gundemê sal û 6 meh ceza lê hatibû birîn.

Tûgrûl Eryilmaz ji ber ku ji bo rojnameya Ozgûr Gûndemê bûbû berpirsê nobedar ê weşanê Dadgeha Cezayên Giran a Stenbolê salek û 3 meh cezayê girtinê û 6 hezar cezayê pereyî da wî. Cezayê wî hat paşdedan.

Ji bo rojnameya hatî girtin, Ozgûr Gûndemê ji 3yê Gulanê û heta 7ê Tebaxa 2016ê kampanyaya nobedariya berpirsiyarîya weşana Ozgûr Gûndemê hat pêkanîn. Derbarê 11 lêpirsînan de doz nehat vekirin. Yek jê ji ber ku dema lêpirsînê tijî kir, bêyî ku encamê bistîne bidawî bû.

Di lûtkeya serokên YEyê de alîkariyên malî yên ji bo Tirkiyeyê û rewşa gotûbêjan hat nîqaşkirin. Merkelê aşkere kir ku wan li ser kêmkirina alîkariyên malî li hev kirine. Lûtke wê îro berdewam bike.

122 rojnameger di meha Çiriya Pêşiyê de hatin girtin. Ji bo 296 rojnameger û nûnerên medyayê di çarçoveya Yasaya Ceza ya Tirkan (TCK) û Yasaya Têkoşîna Dijterorê (TMK) de bi giştî 182 cezayê muebetê û 3 hezar û 36 sal cezayê girtinê hatiye xwestin. 109 rojnameger û xebatkarên medyayê ji kar hatin avêtin an jî neçar man ku ji kar derkevin.

Li Enqereyê di encama serdegirtina malan de, editora Jin Newsê Sîbel Yukler, nûçegîhanên Jin Newsê Duygu Erol û Habîbe Eren û nûçegîhanên Ajansa Nûçeyan a Mezopotamyayê Dîren Yûrtsever û Selman Guzelyuz hatin desteserkirin.

Jinan bûyerên destdirêjiyê yên hatîn serê wan, li medyaya civakî bi etîketa #MeToo(#EzJî) parve kirin. Mêran bi etîketa #HowIWillChange (#EzêÇawaBiguherim) dest bi parvekirinan kirin.

UNICEFê eşkere kir ku di sala 2016ê de her roj 15 zarokên ji 5 saliyê biçûktir mirine.

Pêşnûmeya Yasayê ya ku di Xizmetên Serjimariyê de Guhertinan Çêdike li Lijneya Giştî ya Parlamentoyê hat qebûlkirin. Pêşnûme ji hêla jinan ve demeke dihat protestokirin.

Wezîre Dadê Gulî got ku hevdîtinên vîzeyê erênî bûn û wiha axivî, “Heke ku niyete xerab tune be, ez li bende me ku di çarçoveya hiqûqa normal de, di çarçoveya dîplomasiyê de derbarê vîzeyan de hin pêşketinên erênî rû bidin”.

Polîsan li Stenbolê bi operasyonekê 16 kes desteser kirin di nav wan de du rojnameger û du parêzer jî hene.

Karsaz û aktivîstê civaka sivîl Osman Kavala di dema vegera ji Dîlokê de, li Stenbolê hat desteserkirin ku ji bo civîna projeyekê çûbû Dîlokê.

Rojnamegeran banga beşdariya doza Tûnca Ogreten, Mahîr Kanat, Omer Çelîk, Derya Okatan, Metîn Yoksû û Eray Sarginî kirin ku ji ber mailên Bakan Albayrakî kiribûn nûçe tên dadgehkirin.

Serdozgeriya Stenbolê bi sûcê “propagandaya ji bo rêxistineka terorî” doz li Ferhat Tûnçî vekir.

Li 19 bajarên mezin ên dinyayê lêkolînek hat kirin û hat eşkerekirin ku bajarê ji bo jinan herî metirsîdar ê 10ê Stenbol e.

Fermandariya Yekîneyên Berxwedana Şengalê (YBŞ), Hêzên Parastina Gel (HPG) û Koma Civakên Kurdistanê (KCK) derbarê operasyona artêşa Iraqê û pozisyona xwe ya nû de daxuyanî belav kirin.

Serokwezîrê Iraqê Haydar Ebadî got ku pêvajoya referandûmê li paş maye û banga diyalogê li Rêveberiya Herêmî ya Kurdistana Iraqê kir. Mesûd Barzanî destnîşan kir ku encamên referandûmê wê têk neçin.

Wezareta Karên Derve ya Amerîkayê eşkere kir ku hê jî Tirkiyeyê ji bo girtina xebatkarên wan ti delîl nîşan nedaye.