Ciwanmerd Kulekî kitêba Lois Borgesî ya bi zimanê Spanî wergerandiye zimanê Kurdî û Weşanxaneya avestayê weşandiye.

Stranbêja kurd a ji Tetwanê, Rewşan Çelîkerê li ser stranbêja navdar a fransî Êdith Piafê teza masterê nivîsîye, di şanoya bimûzîk de(musica teatral) dilîze, bi çar enstrûman û 11 zimanan distire.

Ji ber ku li hemberî beşdarên Hefteya Rûmetê gef xwaribû li hemberî Serokê şaxa Stenbolê yê Ocakên Alperenan (Alperen Ocakları) Mîcanî doz hatibû vekirin û Mîcanî di dozê de xwe parast û diyar kir ku biryara qedexeyê ya Walîtiya Enqereyê ya derbarê çalakiyên LGBTİyan de jê re bûye hincet.

Paketek li ber deriyê Balyozxaneya Almanyayê hat dîtin ku guman hebû teqemenî tê de hebe. Caddeya balyozxane li ser e ji bo wesayitan hat girtin.

Akdemîsyenên ku Danezana Aştiyê îmze kirîn têne dadkirin, li Dadgeha Cezayên Giran a 36. civîna 47. hat pêkanîn.

Rêxistina Doktorên Sînornenas (MSF) aşkere kir ku li eyaleta Rakhineyê ya Myanmarê di nava mehekê de 6 hezar û 700 Arakanî hatine kuştin. Di nava kuştiyan de bi sedan zarok hene.

Di sala 2013ê de dema ku Recep Tayyîp Erdoganî behsa Kurdistanê kir wekîlên AKPyê çepik kiribûn dema Osman Baydemîrî heman gotin got, bi dengên wekîlên AKPyê ceza xwar.

Walîtiya Amedê aşkere kir ku bi hinceta operasyona wê li dar keve, li gundek û 3 gundikên navçeya Pasûrê derketina derve hatiye qedexekirin.

Civîna Rêxistina Hevkariyê ya Îslamê li Stenbolê hat pêkanîn. Di encamnameya civînê de hat eşkerekirin ku “Qudsa Rojhilatî paytexta Filistînê ye.”

Komîteya Parastina Rojnamegeran a Navnetewî (CPJ) aşkere kir ku li gorî daneyan heta meha Kanûna Pêşiyê ya 2017yê li cîhanê 262 rojnameger di girtîgehan de bûn. Tirkiye du sal in ku dibe “welatê herî zêde rojnameger lê girtî ne”.

Osman Baydemîrî li Meclîsa Tirkiyeyê got “ez nûnerek im ku ji Kurdistanê hatime.” Meclîsê 12 hezar Lîreyên Tirkan cezayê pereyî û cezayê du caran beşdarnebûna Lijneya Giştî da wî.

Şekirê Pembû fîlmek e ku li ser jiyana du zarokên karkerên pembûkomkirinê ye. Fîld di 7ê Kanûna Pêşiyê de li Mêrsînê hat nîşandan.

104 kesan îlan dan rojnameyan û daxwaz kirin ku Komisyona Rewşa Awarteyê derbarê Gulmen û Ozakçayî de biryarê bide û her du dersdêr vegerin ser karê xwe.

Li Stenbolê li navendeka keyf û şahiyê ya bi navê Reîna êrîşek hatibû kirin û 39 kes hatibûn kuştin, bersûcên êrîşê peywendiya wan a digel DAIŞê red kir.

Tirkiyeyê ji bo doza Ahmet Şikî ya li DMMEyê paraznameya xwe şand û got ku Şik ne ji ber xebatên rojnamegeriyê girtî ye û îdia kir ku Şikî pesnê terorê daye û çalakiyên wî yên rewakirina tundiyê hene.

CHPyê ji Parlamentoyê daxwaza lêpirsîna Suleyman Soylû Wezîrê Navxweyî kir ku Soylûyî ji Kiliçdaroglû re gotibû “Ez ê dawiya te bînim”.

Cendirmeyan bi ser Gundikê Bêlekê yê Sêrtê de girtiye û 13 kesên li gundikî desteser kirine.

Dadgeha Mafên Miravan a Ewropayê ji ber destûrnedana mîtînga 1ê Gulanê biryar da ku Tirkiyeyê “mafê azadiya birêxistîbûnê binpê kiriye.”

DMMEYê biryara xwe ya derbarê wan xwendekaran de aşkere kir ku daxwaza dersa zimanê Kurdî ya hilbijarî kiribûn û rastî lêpirsîna disiplînê hatibûn. Dadgehê biryar girt ku cezayê hatiye dayin mafê perwerdeyê bin pê kiriye.

Ji beriya du salan “Hevpeymana Parîsê ya Av û Hewayê ya COP 21ê” hatibû îmzekirin ji bo duyem salvegera îmzekirina hevpeymanê li Parîsa Fransayê civîneka bi navê “Gerdûnek” hat pêkanîn.