Di roja Yekşemê de sîyasetmedarê ji Katalûnyayê, Carles Puigdemont li Almanyayê hatibû desteserkirin, dadgeheka Almanyayê biryar da heta dadgeheka bilind ji bo şandin an neşandina Îspanyayê biryarê bide sîyasetmedarê navborî dê desteserkirî be.

Li gorî daxuyaniya TSKyê li Efrînê di encama teqîna teqemeniyê de du leşker mirine. Li Çiyayên Amanosan ên li Hatayê jî leşkerek miriye.

Bi hinceta ku li 37 herêmên cuda yên navçeyên Licê û Hênê wê operasyon çêbibe biryara qedexeyê ya derketina derve hat standin.

Sê sal in ku li Yemenê şerek heye. Rêxistina Navneteweyî ya Efûyê li ser rewşa Yemenê daxuyaniyek belav kir.

DYAyê derbarê mijara jehrîkirina sîxurê berê yê Rûsî de, ji bo piştgiriya bi Îngiltereyê re biryara dersînorkirina 60 dîplomatên ji Rûsyayê standi. Almanya di nav de 15 welatên din jî biryara dersînorkirina dîplomatên rûsî dane.

Rûşen Alkar dê 3yê Nîsanê li Stenbolê li Cemiyetê konserekê bide.

Pîrtûka Sîdar Jîrî a bi navê "Handa" ji hêla Weşanxaneya Lîsê ve hat çapkirin.

Rapornivîsa Parlamentoya Ewropayê ya ku berpirsa raporên li ser Tirkiyeyê ye, Katî Pîrîyê da zanîn ku “Erdoganî xwendekarên şernexwaz wek terorîst bi nav kir, li Tirkiyeya nû rexnekirin karekê zehmet e.”

Malpera Çandnameyê ya ku nivîs û nûçeyên li ser çandê belav dike, E-Kovareka sêmehane bi heman navî weşand.

Puigdemont Serokê berê yê Katalonyayê, piştî ku Dadgeha Bilind a Îspanyayê li tevahiya Ewropayê derbarê wî de biryara girtinê derxist, li Almanyayê hatiye desteserkirin. Puigdemont wê îro derkeve pêşberî dadgehê.

Odeya Bijîşkan a Amedê daxwaza serbestiya Dr. Şerîf Demîr, Hevserokê Odeya Bijîşkan ê Amedê kir û got; “Li gorî nirxên exlaqî yên pîşeya doktoriyê berpirsiyariya bijîşkan e ku alîgiriya aştiye bikin”.

Polîsan di 22yê Adarê de 7 xwendekarên Zanîngeha Bogazîçîyê li Kampûsa zanîngehê desteser kiribûn, xwendekarên desteserkirî serbest bûn. Pênc xwendekarên li mal û warên xwendekaran hatîn desteserkirin hê desteserkirî ne.

Bi daxwaza azadiya Prof. Dr. Onûr Hamzaoglûyî Hevberdevkê HDKyê malperek hate vekirin û di malperê de tê gotin ku “Em dixwazin Hamzaoglû û aktivîst, akademisyen, zanyar, rojnameger, nivîskarên bi hincetên kêfî hatine girtin, demildest serbest bibin”.

Kadrî Yildirim dê li ser “Rojavayê” rêzekirtêbekê amade bike, Weşanxaneya Avestayê ji rêza kitêban kitêba yekem weşand. Kitêba yekem li ser Efrînê ye.

Endama Lijneya Birêvebir ya Navendî ya HDPyê(Partiya Gelan a Demokratîk), Gulsum Agaoglu ji ber axiftina di roja Newrozê de hat girtin.

Weşanxaneya Lîsê romana Omer Dilsozî ya bi navê “Gêjevang” çap kir.

Di encama teqîna li Efrînê de 3 leşker mirine, 3 jî birindar bûne. Li Bedlîsê jî di dema operasyonê de teqîn çêbûye, leşkerek miriye.

Lêpirsîna ji bo 23 kesan hat temamkirin. Di nav wan kesan de du rojnameger û du pêrêzerên girtî jî hene, parêzerek jî li derveyî girtîgehê tê dadkirin.

Rêxistina Çavdêriya li Mafên Mirovan aşkere kir ku kesên ji Idlibê direvin, li sînorê Tirkiyeyê tên sekinandin û ew bi paş de tên şandin, teqe li koçberan tê kirin û di encamê de hin ji wan dimirin û hin jî birîndar dibin.

Lijneya Bilind a Radyo û Televizyonan(RTUK) dê weşanên li ser înternetê jî kontrol bike, herweha dê destûra weşanê bida an jî asteng bike.