Li navçeya Egilê ya Amedê ji ber baranê Bendava Dîcleyê tije bûye û devikekî bendavê ku ji bo valakirina ava zêde hatibû vekirin, jê bûye. Di encama jêbûna devikê bendavê de lehî rabûye û Baxçeyên Hevselê li ber lehiyê ketiye.

Recep Tayyip Erdoganê serokkomar roja Çarşemê diyar kiribû ku ew ê li “rojhilatê Firatê” bidin. TSK(Hêzên Çekdar ên Tirkan) diyar kiriye ku wan dest bi operasyoneka li Şingalê kiriye.

Komîteya Hilbijartinan a Bilind(YSK), ji bo hilbijartinên herêmî bernameya xwe aşkere kiriye. Hilbijartinên herêmî wê di 31ê Adara 2019an de çêbibe û pêvajoya destpêka xebatan jî di 1ê Meha Yekem a 2019an de dest pê bike.

Roja Sêşemê êrîşkarekî li Strasbourgê li Meydana Noelê bi çekan li xelkê li meydanê reşandibû, sê kes kuştibûn û 13 kes birîndar kiribûn. Polîsên Fransayê diyar kiriye ku ew êrîşkar kesekê bi navê Cherif Chekatt e û wan ew kuştiye.

Dadgeha Cezayên Giran a 19. a Enqereyê biryar daye ku divê serokê berê yê Partiya Gelan a Demokratîk(HDP) Selahattîn Demirtaş di girtîgehê de bimîne.

Wezîra Bazirganiyê aşkere kiriye, ku hejmara şîrketên konkordato ragihandiye 846 e. Meheke berê ev hejmar 356 bû.

Walîtîya amedê li 21 gund û gundikên girêdayî navçeyên Hênê, Farqînê û Licê derketina derve qedexe kiriye. Walîtîyê diyar kiriye operasyoneka leşkerî dê bê kirin.

Li avahiya Partiya Demokratîk a Gelan(HDP) a Amedê endam û rêvebirên HDPyê bi armanca piştgiriyê bide Leyla Guvenê dest bi gireva birçîbûnê kirîbû. Piştî destpêkirina girevê polîsan bi ser avahiya HDPyê ya Amedê de girt û 49 kes desteser kirin. 2 roj berê jî di heman avahiyê de 25 kes hatibû desteserkirin.

3 kes wek qeyûm hatine erkdar kirin yek ji wan birayê Bînalî Yildirim, Îlhamî Yildirim e.

Trêna bilez a ku ji Enqereyê ber bi Konyayê ve diçû û trênoka kontrolkirina rêyan li hev ketine. Li gor agahiyên berdest neh kes mirine 43 kes birîndar bûne.

Serokomarê Tirkiyê, Recep Tayyip Erdogan di Civîna Pilebilindên Pîşesaziya Berevaniyê ya Tirk de axivî û ragihand, “di nava çend rojan de li rojhilatê Firatê operasyona leşkerî dest pê dike”.

Chalak Eventsa Wanê bi daxuyaniyekê da zanîn ku ew ê li bajarê Wanê bernameyeka gotûbêj û kurtefîlmên pêk bîne. Bername dê 13ê Kanûna Paşiyê(13.12.2018) bê pêanîn.

Daxwaza îltîcayê herî zêde di meha Çiriya Pêşiyê ya 2018an de ji welatên Yekitiya Ewropayê (YE)yê hatiye kirin.

Êrîşkarekî li bajarê Strasbourgê yê Fransayê ji sê cihan gulle li xelkê reşandine û ya kêm sê kes kuştine 13 kes birîndar kirine. Birîna 8 birîndaran giran e.

Heft xwendekarên Zanîngeha Bogazîçîyê desteserkirin û girtina hevalên xwe protesto kiribûn, dadgehê doz li wan vekiriye. Dadgehê îro biryar daye ku du xwendekar dê bi zorê ji bo dadgehê bêne birin û du xwendekar dê bêne girtin.

Polîsan li Navçeya Ataşehîrê ya Stenbolê gulle li wesayitekê barandine. Di wesayitê de 3 kes hebûne yek ji wan miriye. Ji ber bûyerê bûyerê kesek hatiye desteserkirin.

Prof. Dr. Gursoy ji ber ku rapora wî hebûye beşdarî li danişîna xwe ya li Stenbolê nekiriye. Di encama anîna belgeyên nû de dadgehê 2 sal û 3 meh ceza li Gursoy biriye.

Ji bo diyarkirina mehaneya(mûçe) herî kêm aliyên peywendîdar van rojan kom dibin û hewil didin biryarekê bidin. Li Tirkiyeyê brût(hemî tê de) mehaneya herî kêm 330 Euro ye, piştî bac û kêmkirinên mecbûrî mehane dibin 262 Euro.

Ji stranên li ser tûndkariyê hatî nivîsîn strana herî baş rasterst behsa lêdanê dike straneka tirkî ye. “Pata-Pata (Dayak Cennetten Çıkma, Tep û rep, lêdan ji Cinetê hatiye).” Tûndkarî bêyî kînaye û henekan wek tişteka şîrîn tê nîşandan wê meşrû dike.

Nadiye Muradê û Denis Mukwegeyî gotine: Civak û raya giştî ya cîhanê, ji tûndkariyên cînsî yên di demên şer de pêktên re bê deng diminîn. Ji bo cezakirina berpirsên van tûndkariyan daxwaza pêngavên nû ji lîderên cîhanê kirin.