Şanoger Memet Erbey wê bi Stand-Upa xwe ya bi navê “Qirdik” li Stenbolê pêşkêş bike.

Parlementerê berê yê Partiya Gelan a Demokratîk(HDP) Abdullah Zeydanî daxuyandiye ku wî duhî dest bi greva birçîbûnê kiriye. Zeydan dê 10 rojan di grevê de be.

Li Pakistanê di dema Meşa Rûmetê ya Transan de daxwaza reforman hatiye kirin.

Şifreya(password) herî xerab a pênc salên dawiyê “123456” bûye. Sala 2012ê komeka hacker bi vê şifreyê malpera Wezareta Karên Navxweyî “hack” kiribû.

Li gorî daxuyaniya Wezareta Navxweyî, di sala 2018ê de lêkolîna parvekirinên 42 hezar û 406 hesabên medyaya civakî kirine. Ji van, derbarê 18 hezar û 376 kesan de lêpirsîn hatine vekirin.

Lindsey Graham, senatorê Amerîkanî piştî kombûna xwe ya bi Serokê Amerîkayê Donald Trûmp re gotiye, tiştê herî dawî ew ê bixwaz in ew e ku “Tirkiye û kurd şerê hev bikin”. Grahamî diyar kir ku “ihtimal heye Trump heremeke tampon ji bo Tirkiyeyê misoger bike”.

Îsmaîl Metîn Temel, Fermandarê Artêşa 2yem ji wezîfeyê hatiye dûrxistin û li Serfermandariyê hatiye wezîfedarkirin. Temel operasyona li ser Efrînê bi rê ve biriye û li gorî nûçeyên medyaya nêzîkî hikûmetê wê operasyona li ser Rojhilatê Feratê jî bi rê ve bibira.

İHDyê derbarê Baybars, girtiyê nexweş de daxuyaniyek belav kiriye û bang li rayedaran kiriye ku ji bo Baybars demildest bê emeliyatkirin rêya çareseriyê bibînin.

Rapora Zayendperestiyê ya Egitim-Senê ya dawiya salê diyar dike ku li Tirkiyeyê, rewşa paşwendî ya jin, zarokên keç û LGBTIyan kûrtir bûye.

Piştî hewildana derbekirinê hin leşkerên Artêşa Tirkiyeyê reviyabûn û çûbûn Yewnanistanê/Yûnanistanê. Îro ew leşkerên reviyayîn û komek leşkerên hevkarên wan hatine dadkirin.

Neşet Gîrasunê parêzer diyar kir ku heta li Tirkiyeyê polîtîkayên bêcazayîyê* neyên guhertin gelek zehmet e ji ku ji bo doza Robozikê gavek bê avêtin.

Li gor lêkolîneka Creative Artists Agency û şirketa lêkolînan shift7ê ji sala 2014ê heta sala 2017ê fîlmên serlehengên wan jin ji fîlmên serlehengên wan mêr zêdetir Dolar qezenc kirine.

170 rewşenbîran dema operasyona li Efrînê hatî kirin name ji wekîlan re şandibûn û operasyon rexne kiribûnn. Dozgerekê Dozgeriya Stenbolê ji ber nameyê doz li rewşenbîrn vekiribû.

Hikûmeta Îsraîlê ji pênc partiyan pêk tê. Hikûmetê ji bo hilbijartina pêşwext bê kirin teklîfeka guhertina yasayekê daye. 105 palemana ji bo guhertinê deng dane. bi vî awayî parlemana xwe fesh kiriye.

Şanoya “Ji akademîyê re raporek” ku derhêner û lîstikvanê wê Tuncay Ozel e dê îşev(27.12.2018) siet 20.00ê li Şa Performansê bê lîstin.

Hejmara yekê ya e-fanzîna bi navê Sînemaya Serbixwe hatiye weşandin. Di fanzînê de wê bi taybet li sînemayê û bi giştî jî li ser çand û hunerê nivîs, nûçe û zanyarî bên belavkirin.

Sala 2016ê li Cizîra Botan 14 xebatkarên saxlemiyê dema derketina derve qedexe bû “korîdora jiyanê” vekiriye û li hewara birîndaran çûne. Dadgeha Cezayên Giran a Mêrdînê doz li wan vekiribû. Dadgehê îro biryara beraeta wan daye.

RTUKê bi hinceta ku “Di nava civakê de kîndarî û dijminahiyê çêdike û hestên nefretdariyê belav dike” ceza li FOX TV û Halk TVyê birî ye. Wê bultena nûçeyan a şevê ya FOXê sê rojan, bernameya Halk Arenasi ya Halk TVyê jî heşt caran neyê weşandin.

Dadgeha Cezayên Giran a 30. a Stenbolê, ji ber parvekirinên li medyaya civakî yên Yasin Kobulanî ew dad kiriye. Yasin Kobulan rojnamegerek e ku parvekirinên wî nûçeyên wî ne.

Beşa Karên Zanistî ya Meclîsa Federal li Almanyayê raporek aşkere kiriye û di vê raporê de diyar kiriye ku “Li gorî pîvanên dagirkeriya leşkerî ya hiqûqa navnetewî leşkerên Tirkiyeyê yên li Sûriyeyê dagirker in”.