Li Lünebacha Almanyayê 2 Şêr, 2 piling, hirçek û jaguarekê li bexçeyê heywanan zindanî bûn xwe ji zindanê xelas kirine û reviyane. Polîsan hirça gihayî azadiya xwe kuştiye.

Mariano Rajoy Serokwezîrê Îspanyayê ku bi gendeliyê dihat tohmetkirin, nekarîbû li parlamentoyê dengê pêbaweriyê bistîne û di encamê de hikûmet hilweşiya. Rajoyî rêveberiya xweser a Katalonyayê hilweşandibû.

Însyatîfa li Faytonan* Siwar Nebe Pê Hesp Dimirin dê îro li Kadikoyê siwarbûna li faytonan protesto bike.

Facebookê li zêdetirî 10 welatan dest bi bernameya piştrastkirina nûçeyan kiriye. Hevkara wê ya li Tirkiyeyê teyit.org e.

Kesên ji bo pêncem sala bîranîna Berxwedana Geziyê hatin, li ber bariyerên ku polîsan li ber Konsolxaneya Fransayê kom bûn.

Ji bo hilbijêrên li derveyî welatî pûsûlayên dengdanê hatine çapkirin. Ji bo hilbijêrên li Tirkiyeyê jî karmendan duhî dest bi çapkirina pûsûlayan kiriye.

Li Erebistana Siûdiyê ji hêlekê çavlirê ye ku qedexeya ajotina wesayitan a ji bo jinan bê rakirin lê li hêla din jî aktivîstên mafên jinan tên girtin û hedef tên nîşandan. Rêxistina Efûyê daxwaza serbestiya aktivîstan dike.

Dadgeha Cezayên Giran a Enqereyê ji bo Emîrhan Baysalê ku li ser fanîlê/tîşortê wî Hero(qehreman, leheng) nivîsîbû biryara beraetkirinê daye.

Lijneya Bilind a Hilbijartinan(YSK) ji bo hilbijêrên ji çavên xwe ve kêmendam bikarin dengê xwe bidin destûra bikaranîna şablona dengdanê daye lê ji bo vê projeyê bûtçe cida nekiriye.

Bi hinceta hatina 5emîn salvegera berxwedana Geziyê, ji ber ku banga derketina Parka Geziyê hatiye kirin polîsan park bi bariyeran dorpêç kiriye. Hin rêyên ku diçin Taksîmê jî ji çûnûhatinê re hatine girtin.

Berbijarê Partiya Gelan a Demokratîk(HDP), Selahattîn Demîrtaşî bi nivîskî bersiva pirsên FOX TVyê daye.

Di lîsteya misoger a Lijneya Bilind a Hilbijartinan (YSK) de ji HDPyê li 13 namzetan, ji İYİ Partiyê li şûna 6 namzetan, ji Partiya Saadetê li şûna 6 namzetan, ji Partiya Vatanê li şûna 3 namzetan, ji MHPyê li şûna 2 namzetan, ji AKPyê li şûna namzetekî, ji CHPyê li şûna namzetekî û ji HUDA PARê li şûna namzetekî yên din hatin diyarkirin.

Dadgeha Ardahanê ji bo Ayla Akad Ata û sê kesên bi wê re dihatin dadkirin biryara tehlîyekirinê daye.

Nûnerê Partiya Gelan a Demokrayîk(HDP) yê serokkomariyê, Selahattin Demirtaşî bersiva pirsên rojnameya The Nationalê ya Emîrîyên Hevgirtî yên Ereban daye.

Wezareta Karên Derve ya Dewletên Yekbûyî yên Amerîkayê(DYA) her sal li ser azadiya baweriyê raporekê amade dike. 22 rûperên rapora îsal li ser Tirkiyeyê ye.

Walîtiya Enqereyê bi hinceta “hesasiyetên civakî”, berhevoka kurtefilmên derbarê LGBTI+yan de qedexe kiriye ku bername ji hêla Navenda Mafên Mirovan a Baroya Enqereyê ve haiye amadekirin. Parêzeran li ser telefonên destan li filmî temaşe kirin û biryar bi vî awayî protesto kirin.

Ji duhî ve Îsraîlê dest bi operasyonekê kiriye, Artêşa Îsraîlê diyar kiriye ku wê 60 cih ji xwe re kiribûn armanc û li wan hemî deran daye.

Arzû Çerkezoglû yekem care ku weke jinekê li DİSKê dibe Serok. Çerkezoglû sala 2013ê cara pêşiyê weke jinekê bibû sekretera giştî. DİSK sala 1967ê hatibû avakirin.

Polîsan welatiyekê bi navê Şiyar Perinçek ê ji Diyarbekirê kuştibû, Dadgeha Mafên Mirovan a Ewropayê biryar da ku Tirkiyeyê “mafê jiyanê binpê kiriye û divê 50 hezar Euro cezayê pereyî bide malbata Perinçekî.

Dewletên Yekbûyî yên Amerîkayê(DYA) peymana hevkariya ji bo enerjiya Nûkleer ya bi Îranê re îmze nekiribû. DYA dê embargoyê dane ser Îranê. Wezîrên Karê derve yên Yekîtîya Ewropayê ji bo têkiliyên bi Îranê re bidome civîyane.