Hevseroka Giştî ya HDPyê Bûldanê di civîna koma partiya xwe de got, “Guhertina vê çûna nebaş di destê we de ye” û wiha berdewam kir: “Em soz didin û vê bersivê didin Tayyîp Begî; ji te re ne serokatî ne jî 400 parlamenter heye”.

Hin dersdarên Zanîngeha Stenbolê û xwendekarên wê zanîngehê li dijî dabeşkirina zanîngeha xwe ne. Dersdaran ji bo diyarkirina nerazîbûna xwe li meydana zanîngehê ders da xwendekaran.

Rojnameger Îshak Karakaş jî di nav de 9 kes di daneşîna yekê ya dadgehkirinê de hatin berdan ku ji ber parvekirinên li ser medyaya civakî yên li hemberî operasyona li ser Efrînê hatibûn girtin.

Ji ber ku daxwazên Osman Evcanî nehatibûn qebûlkirin 44 roj bûn ku ew di greva birçîbûnê de bûye.

Di navbera 11 û 13ê Gulanê, di çarçoveya bernameya Feminîst Forûm ‘18ê de, wê “aqûbeta zayendîtiyê” bê gotûbêjkirin.

Gelo divê ew kesên welatiyên Tirkiyeyê ne û dê li deveyî welatî dengê xwe bidin çi bikin.

Mezopotamya Dans dê jiyana Leyla Bedirxanê û zehmetiyên wê di rêya hûnerê de dîtîn bi dansekê li Moda Sahnesîyê ya Stenbolê îro(7ê Gulanê) siet 20.30ê nîşan bide.

Dewletên Yekbûyî yên Amerîkayê(DYA) dê ji bo dirêjkirina hevpeymana ji bo bikarînana enerjiya nûkleerê ya bi Îranê re kirî biryarê bide. Serookomarê Almanyayê li bîra amerîkayê anî ku “Rojhilata Navîn nikare xwe li ber şerekê dî bigire.”

Meclîsa Tenduristiya Karkerî û Ewlehiya Karî aşkere kir ku di meha Nîsanê de 4 jê zarok, 10 jê jin, 8 jê jî penaber/koçber, 177 karker mirine.

Konferansa me ya “Nûçegîhaniya Zayenda Civakî” wê 14ê Gulanê roja duşemê çêbibe ku Anna-Klara Bratt û Sevda Alankûş wê weke axaftvan beşdar bibin û Yildiz tar wê moderatoriyê bike.

Yekem jimara e-kovara kûltûra popûler a kurdan ya bi navê POPKURD derket.

Mûharrem Înce namzetê CHPyê yê serokomariyê û parlamenter Sezgîn Tanrikûlû, Bariş Yarkadaş, Selîn Sayek Boke û Eren Erdem, parlamenterên CHPyê daxwaza serbestiya Demîrtaşî kirin.

Pênc partiyên ku “Rêkevtina Hilbijartinê ya Kurdistanî” û radeyarên HDPyê li Amedê kom bûn û piştî wê Pervîn Bûldan Hevseroka Giştî ya HDPyê got: “Ji bo Kurdan gelekî bi wate ye ku ev rêkevtin mezintir bibe”.

Hunermend Ferhat Tûnçî zêmara Dêrsimê ji bo Tahir Elçiyî gotiye ku bi sedema Roja Çalakiyê ya Kûrewî ya Sûr û Heskîfê çûbû Amedê.

Akademiya Swêdê eşkere kir ku piştî îdiayên tacizê, endamên lijneya hilbijêr dest ji karê xwe berdane û baweriya ji bo akademîyê şikestiye, ji ber wê îsal xelata edebiyatê dê neyê dayin.

CHPyê bi daxuniyekê aşkere kir ku parlamenterê wan ê Yalovayê Mûharrem Înce namzetê serokomariyê ye.

Mêran di meha Nîsanê de herî kêm 20 jin û 2 zarok û 5 mêr kuştine. Ji sedî 40ê jinên hatîn kuştin ji ber ku xwestine ji mêrê xwe cida bibin an jî daxwaza lihevhatinê ya wan qebûl nekirine hatine kuştin.

Chalak Events dê li Stenbolê, li Chalak Art Cafeyê, rêzepanelan pêk bîne. Di panela pêşiyê de lêkolînerê Tahir Baykuşak dê ji bo bersiva pirsa “Gelo di dîroka Stenbolê de Kurd li ku bi cih û war bûn, malbata Bedirxaniyan, Babanzadeya kengê hatine Stenbolê, gundên Kurdan li Stenbolê li kî derê ne?” biaxive.

HDPyê kampanyaya xwe ya hilbijartinê li ser medyaya civakî, bi parvekirinên fotograf û vîdeoyên Selahattîn Demîrtaşî da destpêkirin. HDP di hilbijartinê de wê slogana “Tu dikarî/Senle değişir her şey” bi kar bîne.

Berdevka Wezareta Karên Derve ya DYAyê, got ku kesên dixwazin vegerin malên xwe yên li Efrînê, tên astengkirin.