Ajansa nûçeyan a Reutersê di nûçeyeka xwe de bi agahiyên spartî rayedarên kurd da zanîn ku Artêşa Sûriyeyê dê biçe Efrînê.

Walîtîya Rûhayê daxuyand ku termê du leşkerên li ber avê çûyîn yên bi navê Esat Ertaş û Cuma Ali Akçal hatine dîtin.

17 kesên li Hatayê piştî daxuyaniya “Ji şer re Na” dan û hatin desteserkirin piştî jêpirsîna dadweriyê bi şertê kontrola edlî serbest bûn ku Mîthat Can Serokê İHDya Hatayê jî di nava wan de bû.

Ji bo şeş rojnamegerên ku Ahmet Altan, Mehmet Altan û Nazli Ilicak jî di nav wan de ne cezayê mûebeda giran hat dayin. Rojnameger ji ber hewildana derbekirinê ya di 15ê Tîrmeha 2016ê de hatibûn girtin.

Wezîrê karên derve yê Dewletên Yekbûyî yên Amerîkayê, Rex Tillerson bi wezîrê karên derve yê Tirkiyeyê re civiya û piştî civînê bersiva pirsan da.

Parêzerê rojnameger Denîz Yucelî û rojnameya Die Weltê aşkere kirin ku biryara tehliyeyê derketiye. Yucel piştî 367 rojan ji girtigehê derket.

Li balafirgeha leşkerî ya bi navê Fermandeya Balafirgeha 2. balafireka ji bo tecrûbeyê firiyayî ketiye. Du balafirajoyên di balafirê de mirine.

Lêkolîner û nivîskar Faîk Bûlût di pirtûka xwe ya bi navê “Em ji Xorasanê çawa hatine?” de behsa dîroka Xorasanê dike û li ser çewtiyên dîroka fermî ya Tirkiyeyê disekine.

Li Izmîrê 15 kes ji ber parvekirinên wan ên li medyaya civakî hatibûn desteserkirin, kesek bi sûcê “propagandaya ji bo PKKyê” kesek jî bi sûcê “propagandaya ji bo DHK-Cyê” hat girtin.

Wezîrê Karên Derve yê DYAyê Tillersonî di çarçoveya serdana xwe ya welatên Rojhilata Navîn de duh hat Tirkiyeyê û ew û Erdogan 3 saetan kom bûn. Piştî hevdîtinê daxuyaniya fermî nehat dayin. Ji ber ku wergêr di civînê de nehatiye qebûlkirin, Wezîrên Karê Derve yê Tirkiyeyê Mevlût Çavûşoglû axavtin werger kirine.

Ji beriya pênc salan, li Amedê wesayiteka zirxkirî li ciwanekê 19 salî yê bi navê Şahin Onar dabû û kuştibû. Li ser bersûcên bûyerê îro doz hat dest pê kirin lê bersûc nehatiye dadgehê.

Rêveberên Rojnameya Cûmhûriyetê giliyê Yûsûf Ozan pêşkêşvanê Akit TVyê kirin ku gef li rojname û xebatkarên wê xwaribû.

Rojnameger Ertûgrûl Mavîoglûyî piştî Qetlîama Pirsûsê Tweetek avêtibû û gotibû ku “A ji te re 400 parlamenterên te, 30 zarokên me bi şûn de bide me kujerê rezîl”. Ji ber vê Tweetê bi tohmeta ku “heqaret li Serokomarî kiriye” doz lê hatibû vekirin. Mavîoglû di vê dozê de beraet kir.

Komeleya Hiqûqnasên Hemdem(ÇHD) li ser rewşa girtîgehan raporek amade kir di raporê de hat diyarkirin ku di dema Rewşa Awarte de binpêkirina mafan zêde bûye.

Polisan di rojekê de li heft bajaran operasyon li hemberî “bikarhênerên medyaya civakî” li dar xist û di encamê de 117 kes hatin desteserkirin.

Rex Tillerson Wezîrê Karên Derve yê DYAyê beriya ku bê Tirkiyeyê di dema geşta xwe ya Rojhilata Navîn de derbarê operasyona li ser Efrînê jî axivî. Tillerson îro wê bi Erdoganî, sibê jî bi Çavûşoglûyî re bicive. Tillerson “metirsiyên” DYAyê dubare kirin.

Serokwezîr, Bînalî Yildirimî ji bo rojnamegerê Almanî-Tirkiyeyî Denîz Yucelî got ew hêvî dike di demekê nêzîk de serbest bibe.

Koma çalakiyan a ciwanên kurd ên li Stenbolê, Chalak Events di bin çavdêrîya hûnermendê naskirî Seywan Saedianî de di roja evîndaran de(14ê Sibatê) atolyeya “Sêvên Mêxrêj” pêk anî.

Komeleya Lêkolînên Kurdî 19yê Sibatê dest bi dersên Kurdî dike.

Jinên ji Urdin, Tunis û Tirkiyeyê li Enqereyê wê li ser ewlehiya dijîtal, xwendewariya teknolojiyê, înternet di têkoşîna li hemberî tundkariyê de, ragihandina maf û hiqûqê û azadiya medyayê ya ji bo jin û zarokên keçan guftûgo bikin.