Wekîlê HDPyê yê kevin Edîp Berk û endama Meclîsa Partiyê Gulşen Ozer hatine desteserkirin.

Midûriyeta Giştî ya Emniyetê aşkere kiriye ku bi hinceta “manîpulasyonê li ser nirxê dolarî dikin û nêrîneke neyênî çêdikin” wan lêpirsîn ji bo 346 hesabên medyaya civakî dane destpêkirin.

Aborînasê Marksîst ê Misrî Samîr Amîn di 86 saliya xwe de li Parîsê miriye.

Serokê DYAyê Trumpî gotiye; “Di vê dema ku nirxê lîra tirkan li hember dolarê me bi lezûbezî dikeve, min destûr da ku bacên gumrikê yên ji bazirganîya berhemên alîmînyum û pola yên tirkan tên standin, du qat werin zêde kirin.”

Bulent Tezcan, berdevkê berê yê CHPyê di nava rêveberiya nû de cî negirtiye. Li şûna wî Faîk Oztrak bûye berdevk. Hejmara alîkarên serokê giştî derketiye 19an.

Li navçeya İkizce ya Ordûyê ji ber lehiyê kesê bi navê Bayram Sekmen miriye.

Serokomar Erdoganî diyar kiriye ku kampanyayên curbecur tên meşandin û wiha berdewam kiriye: “Heke ku yê wan dolarê wan hebe, yê me jî Xwedayê me heye.” Tebaxa 2017ê weke îro dolarek beramberî 4,67 lîreyên tirkan bû, lê vê sibê dolarek dike 6,20 lîreyên tirkan.

HDP, İHD û ÖHPyê ji bo êrîşa li Geverê daxwaza avakirina komisyanê li Meclîsê kirin. Di wê êrîşê de Nûrcan Karakaya û kurê wê yê 11 mehî Bedirhan Karakaya miribûn.

Penaberên ku dixwestin derbasî Yewnanistanê bibin, ji ber ku kelek ango belemeya wan noqî avê bûye, xeniqîne. Di encamê de neh kes mirine, çar kes hatine rizgarkirin.

Kovara Kürt Tarihi di hejmara xwe ya 33yê de li ser kurdên Anatolya Navîn dosyayek amade kiriye. Di dosyayê de li gel nivîsên li ser dîroka kurdên Anatolya Navîn, nivîsên ku behsa demên nêzîk dikin jî hene.

Kovara Kundê di hejmara xwe ya duyem de dosyayek li ser helbestvan Berken Berehî amade kiriye. Li gel nivîsên derbarê helbestvaniya Berehî de nivîsên li ser pirtûk, muzîk, sînemayê di nava rûpelên kovarê de hatine bicîkirin.

Endamê CHPyê Canyurtî, bi hinceta ku rêveberiya partiya wî biryara civata giştî ya bihilbijartin dernexistiye, li ber Navenda Giştî ya partiya xwe çalakiyeke protestoyî çêkir.

Edîtora me Cemîle di Roja Pisîkan a Navnetewî de saetên sibehê dest bi kontrolkirina ofîsê kir. Pisîkên me yên malê wê saetê hîna di xewde bûn.

Bernameya Lîstikên Hevzayendan a 10em (Gay Games) îsal li Parîsê bi rê ve diçe. Di bernameyê de li gel pêşbaziyên sporê wê li ser wekhevî û curbicuriya di sporê de jî bên nîqaşkirin. Ji 91 welatan 12 hezar û 700 kes beşdarî pêşbirkan dibin.

Mêran di meha Tîrmehê de herî hindik 19 jin, zarokeke keç kuştine. Tecawiz li 10 jinan kiriye; destdirîjî li 28 jinan kiriye; 42 zarokên keç rastî istismara wan hatine, 32 jin jî birîndar kirine.

Rojnameger Berzan Guneş hatiye tehliyekirin ku bi hinceta parvekirinên wî yên medyaya civakî hatibû girtin. Lê ji bo rojnameger Ziya Atamanî biryara tehliyeyê derneketiye ku zêdetirî du salan e girtî ye.

Xweşiyeke formata rastiya 7/52yê ew e ku, heke di 52 hefteyan de mêrek bi tenê jî nikaribe bendewariyê bi cî bîne wê ev fetl berdewam bike. Bila bi qasî xwesteka wan şaşîtiyan bihewînin. Format li hemberî van, ji destpêkê xwedî bexwedanekê ye.

Walîtiya Colemêrgê bi hinceta operasyona leşkerî, li 30 herêman derketina derve qedexe kiriye.

Di navbera 30ê Tîrmehê û 6ê Tebaxê de lêkolîn li 333 hesabên medyaya civakî hatiye kirin. Di encamê de lêpirsîn li 261 hesaban hatiye vekirin.

Ji ber ku wê Bendava Ilisûyê û Projeya HESê bajarê kevnare yê bi navê Heskîfê di bin avê de bihişta, Hemama dîrokî ya bi navê Artûklû ji cihê xwe yê niha hatiye barkirin. Hemam beriya niha bi 650 salî hatiye çêkirin.