Koma Görülmüştürê dê li Izmîrê di 13/16ê Nîsanê pêşangeha karîkatûrên girtîyan pêk bîne. Di pêşangehê de berhemên 20 hûnermendan dê bêne nîşandan.

Serdozgeriya Komarî ya Amedê lêpirsînname derbarê Adnan Selçûk Mizrakli û Hulya Alokmen Ûyanikli û Parlamenterê HDPyê yê Agiriyê Berdan Ozturkî de vekiriye ku di hilbijartina herêmî ya 31ê Adarê de weke Hevşaredarê Bajarê Mezin ê Amedê hatiye hilbijartin.

Şaredarê nû yê Dêrsimê, Fatih Mehmet Maçogluyî mezbeteya(encama fermî) xwe stand û îro dest bi karê xwe kir. Ew yekem şaredar e ku ji Partiya Komunîst a Tirkiyeyê hatiye hilbijartin.

Duh li sê dadgehan bi giştî 75 meh cezayê girtinê li 5 akademisyenan hate birîn. Biryar nehatin aşkerekirin.

Mêran di meha Adarê ya 2019ê de herî kêm 22 jin kuştine. Xwestine du jinan bikujin. Tecawiz li şeş jinan û taciz li heft jinan kirine.

Pêvajoya serîlêdanên ji bo 7em Festîvala Filman a Dihokê ya Navnetewî wê heta 15ê Hezîranê berdewam bike.

Li Atolye BIAyê, di navbera 10 û 12ê Gulanê de ji bo sê rojan wê Atolyeya Wênekêşiya Ji Bo Nûçeyan çêbibe. Ji bo beşdariya atolyeyê hûnê bikaribin heta 26ê Nîsana 2019ê serî lê bidin.

Piştî krîza nefirotina blafirên şerî yê F35, wezîrê karên derve yê DYAyê(Dewletên Yekbûyî yên Amerîkayê) û wezîrê karên derve yê Tirkiyeyê hev dîtin.

Fatih Mehmet Maçoglûyê ku weke Şaredarê Dêrsimê hatiye hilbijartin çûye mezbateya xwe werbigire lê Lijneya Hilbijartinê ya bajarî bi hinceta ewlehiyê mezbate nedane wî.

Li navçeya Fatihê ya Stenbolê dîsa deng hatin jimartin. AKPyê(Partiya Edalet û Pêşketinê) dîyar kiriye ku ew ê dîsa îtiraz bikin.

30em Dadgeha Cezayê Giran a Stenbolê sal û sê meh cezayê girtinê li akademisyenekî din birî. Biryar nehate aşkerekirin. Ji bo 13 akademisyenan biryar da ku ew ne erkdar in.

Piştî ku îtiraza wan a li ser encamên hilbijartina Mûşê nehatiye qebûlkirin, Pervîn Bûldan, Hevseroka Giştî ya HDPyê bertek nîşan daye. Bûldanê wiha gotiye: “Heke îtiraza me ya li Mûşê neyê qebûlkirin em ê serî li Dadgeha Destûrî û DMMEyê bidin”.

Dadgeha Cezayên Giran a 14. a Stenbolê îro 13 rojnameger dad kirin. Dadgehê cezayê girtinê da 9 rojnamegeran.

Ekrem Îmamoglûyê ku li gorî encamên nefermî bûye Şaredarê Bajarê Mezin ê Stenbolê îro li Stenbolê civîneke çapemeniyê çêkiriye.

Li bajarê Qersê piştî biserketina Partiya Gelan a Demokratîk(HDP), partiya duyem Partiya Neteweperwer a Gelî(MHP) narazîbûna xwe diyar kir. Li ser vê yekê deng dîsa hatine jimartin û encam neguheriye.

Sadî Guven, Serokê Lijneya Bilind a Hilbijartinê gotiye, “Li ser îtirazan deng careke din hatine jimartin. Di vê demê de careke din îtiraz hatiye kirin. Piranî wê dengên betal bên jimartin. Ne cara pêşiyê ye ku deng ji nû ve tên jimartin”.

Weşanxaneya Avestayê û Weqfa Îsmaîl Beşîkçîyî(IBV) dê 6ê Nîsanê bernameyeka bi navê “Dengvedana Arthur Rimbaud li banê kurmancîyê” pêk bîne.

Dadgeheka Stenbolê bi sûcê “propagandaya ji bo rêxistinê” salek û sê meh cezayê girtinê daye Saadet Sorgunluyê.

Girtiya bi navê Yonca Akici ku di greva birçîbûnê de bûye xwe kuştiye. Leyla Guvena ku di greva birçîbûnê de ye gotibû, “ez naxwazim hûn çalakiyên xwefedakirinê bikin”. Hevserokê Giştî yê HDPyê Temelliyî jî gotiye, “Bila ti kesên din nemirin”.

Walîtiya Mûşê aşkere kiriye ku heta 15 rojan çalakiyên weke civîn, meş, xwenîşandan û daxuyaniyên çapemeniyê hatine qedexekirin. HDPyê li vî bajarî li hemberî encamên hilbijartinê serî li Lijneya Hilbijartinê ya bajarî dabû.