Serokê Dewletên Yekbûyî yên Amerîkayê(DYA) Donald Trumpî diyar kiriye ku dema wî girtîyeka Tirk li Îsraîlê dayî berdan wî hêvî kiriye ku serokkomarê Tirkiyeyê Recep Tayyip Erdogan jî keşeyê di girtîgeheka Tirkiyeyê de bide berdan lê ev yek pêk nehatiye û hêviyên wî ji Erdoganî şikestine.

Staffan de Mistura nûnerê daimî yê Neteweyên Yekgirtî (NY) yê ji bo Sûriyeyê Rûsya, Îran û Tirkiye ji bo operasyona Idlibê hişyar kiriye ku plan dikin piştgiriyê bidin operasyonê. Di Mistura wiha gotiye: “Her du alî jî dikarin çekên kimyewî bi kar bînin, dibe ku firtoneyek bêçêkirin.”

Neteweyên Yekbûyî digel Komeleya Penaber û Koçberan “Rapora hewceyîyên jin û zarokên ji bo demekê li Tirkiyeyê penaber in” amade kiriye.

Hunermendê kurd Kayhan Kalhor hêjayî xelata Giyanê Mirovahiyê ya Issac Stern a 2008ê hatiye dîtin.

Li bajarê Wiesbadenê ya Eyaleta Hessenê ya Almanyayê, di bienalekê de peykerê serokkomarê Tirkiyeyê Recep Tayyîp Erdoganî bi peyama “nûçeya xerab” nîşan dabû. Şaredarîya Wiesbaden peyker rakiriye.

Li gor rapora Komeleya Mafên Mirovan (IHD) di girtîgehan de 1154 girtîyên nexweş hene. Ji wan nexweşan jî rewşa 402 kesan gelekî xirab e.

Partiya Edalet û Pêşdeçûnê(AKP) eşkere kir ku ew ê rêyê nedin Dayikên/Mirovên Şemiyê. Partiya navborî diyar kir ew ê çalakiyên li Caddeya Îstîklalê û çalakiyên bi wî rengî asteng bike.

Heyeteke ku ji namzetên HDPyê(Partiya Gelan a Demokratîk) pêk tê xwestiye here cîyê êgir girtî daristanê. Heyetê xwestiye lêkolînê li cîyê bûyerê bike. Hêzên Çekdar ên Fermîdestûr nedaye endamên heyetê.

Wesselinkê ku li Hollandayê li ser dêran kar dike dibêje ku ji ber êdî kes nema diçin dêran, an wan derdixin ber firotinê yan jî dirûxin. Li gorî nêrîna Wesselinkî di 12 salên pêşiya me de têpayîn ku bi hezaran dêrên din vala bibin.

Li Izmîrê zarokekî bi çeka bavê xwe dileyîst, bi wê çekê xwe kuştiye.

Bernameyên AtolyeBİAyê yên payîzê dê di 17ê Îlonê de dest pê bikin. Dê atolyeyên “Atolyeya Nûçegîhanîya Bajarvanî û Jîngehê”, “Nûçegîhanîya Darazê”, ya “Zarok û Medya” û “Rojnamegerî”yê bên kirin. Ji bo serîlêdanan dîroka dawî 10ê Îlonê ye.

Jim Mattis Wezîrê Berevaniyê yê DYAyê ji bo moşekên S-400î yên ku wê Tirkiye ji Rûsyayê bikire gotiye, “em bi fikar in”. Mattis her weha diyar kiriye ku ji bo mijara balafirên şer ên F-35 ew bi Tirkiyeyê re diaxivin.

4emîn dadgeha Hevserokê kevîn ê Partîya Demokratîk a Gelan (HDP) Selahattîn Demirtaşê ku di girtîgehê de ye hatiye kirin. Heyeta dadgehê biryar daye ku dîsa girtî bimîne û mehkemeya din taloqî 3yê Çiriya Pêşiyê kirin.

Roja pêşiyê ya Cejna Qurbanê canegayek dema bê serjêkirin reviyaye xwe avêtiye avê û sê rojan melevanî(sobarî) kiriye. Platforma AHBAPê ew kiriye û ji bo stargehekê şandiye.

Komeke hunermend ji bo mafparêz û karsaz Osman Kavalayî kom bûne û pankarta “Em bêriyê dikin” vekirine. Osman Kavala 300 roj in ku di girtîgehê de tê girtin.

Weqfa Ragihandinê ya IPSyê dê 2yê Îlonê Atolyeya Rojnamegeriya Kurdî û Wergerandina Nûçeyan li AtolyeBIAyê pêk bîne. Ji bo daxwaza beşdariyê îro(28ê Tebaxê) roja dawiyê ye.

Mafparêzan Esra atêş jina trans a ku hatibû kuştin bi bîr anîne û gotin ku qereqol deqîqeyekê dûrî cihê ku lê hatiye kuştin û doza edelatê hatiye kirin.

Parlamenterên HDPyê ji ber tundkarî di dema çalakiya Dayikên/Mirovên Şemiyê ya hefteya 700î de bi kar anîne giliyê polîsan û ji ber ferman daye polîsan jî giliyê Wezîr Soylûyî kirine. HDPiyan xwestiye ku polîs û Soylû ji ber sûcê “birîndarkirina bizanebûn” werin cezakirin.

Hunermend û siyasetmedar Pinar Aydinlar, piştî sê mehan di girtîgehê de ma, duh bi şev hatiye tehliyekirin.

Wezîrê Karên Navxweyî Soylu di derbarê hefteya 700em a çalakîya Dayîkên\Mirovên Şemîyê a ku li Qada Galatasarayê tê kirin û mudaxeleya ku polêsan li wan kiriye de axivî.