Piştî ku serokê Partiya Sosyal Demokratan(SDP) Andrea Nahlesê pêşniyar kir, divê Almanya alîkariya ekonomîk bide Tirkiyeyê serokwezîra wî welatî diyar kiriye ku Tirkiye ne hewceyî alîkariyan e.

Bila îda(cejna) hemî misilmanan pîroz be.

Ajansa Anadolûyê daye zanîn ku ji ber êrîşa li Konsolxaneya Amerîkayê ya li Enqereyê hatî kirin kesek hatiye desteserkirin.

Li Semsûrê piştî ku di operasyoneka leşkerî de 4 leşker mirin, leşkeran hevserokê şaredariya nehiyeya Komirê Huseyın Yuka desteser kiribû, îro diyar bû ku Yuka hatiye girtin.

UNESCOyê diyar kiriye ku li Tirkiyeyê metirsî heye 18 ziman tine bibin.

Li Bajarê Dohayê yê Qetarê, Banqeya Navendî ya Tirkiyeyê û Banqeya Navendî ya Qetarê "Peymana Pêguhortinê" îmze kiriye

3yem Dadgeha Cezayê Giran a İzmîrê jî daxwaza tehlîyeya Brunsonî qebûl nekiriye. Brunson bi tohmeta ku “li ser navê rêxistinekê sûncekî bike” û bi “sîxurtî”yê tê tewanbarkirin û di hepsa malê de tê girtin.

Aretha Franklînê 50 salan stranbêjî kiribû, wê 18 caran xelata Grammyê standiye. Ew di 76 saliya xwe de miriye.

Umît Kivançî ji bo hefteya 700î ya Dayîkên Şemîyê vîdeoyek amade kiriye û stranbêj Ceylan Ertemê tevlî Besna Tosun, Maşîde Ocak, Serpîll Taşkaya, İkbal Eren û xizmên wendayên ên din di vîdeoyê de, strana Ahmet Kayayî ya bi navê “Beni Bul Anne” gotiye.

Amadekarên Kurdistan Fashion Week(KFW, Hefteya Modeyê ya Kurdistanê) dane zanîn ku “2-4ê Îlonê, KFW dê bê pêkanîn.”

Serokê DYAyê Trûmpî bal kişandiye ser rewşa keşe Brunsonî û gotiye; “Ji bo serbestiya mêrekî bêguneh em ê ti teştekî nedin, em ê asta têkiliya xwe ya bi Tirkiyeyê re kêm bikin.” Brunson li Tirkiyeyê mehkûmê malê ye.

Walîtîya Dêrsimê ji bo nûçeyên ku derheqê şewata li Dêrsimê de gotiye “Ne rast in”. Ferhat Tûnçî jî piştî vê daxuyaniyê videoyek belav kiriye û gotiye: “Ger îspat bikin ev ne ya Dêrsimê ye ez ê lêborînê bixwazim”.

Li Semsûrê çar leşker hatine kuştin, sê jî birîndar bûne. Li gorî daxuyaniya Walîtiyê sê aşker bi guleyên hevalên xwe hatine kuştin.

Wezîrê Parastina Neteweyî Hulusî Akar û serokê Lijneya Xwendina Bilind(YOK) Prof. Dr. Yekta Saraç li ser pêvajoya çûna leşkeriya bibedel civiyane.

Alîkarê Serokê DYAyê Mike Pence û Berdevka Qesra Sipî Sarah Sandersê bertek dane Tirkiyeyê ku baca hin kelûpelên wan zêde kiribû.

Weqfa Ragihandinê ya IPSyê dê 2yê Îlonê Atolyeya Rojnamegeriya Kurdî û Wergerandina Nûçeyan li AtolyeBIAyê pêk bîne.

Ji bo parêzer Taner Kiliçî biryara tehliyeyê hatiye dayîn ku zêdetirî salekê ye girtî bû. Parêzerê wî Mûrat Dînçerî gotiye, “Girtina wî siyasî bû, serbestiya wî li gorî hiqûqê ye”.

Wezîra Wezareta Ticaretê ya Tirkiyeyê, ruhsar Pekcan li ser cezayên Amerîkayê li Tirkiyeyê birî axivîye.

Dadgehê daxwaza tehliyeyê ya ji bo Keşe Brunsonî ret kiriye. Dadgehê her weha biryara qedexeya derketina ji derveyî Tirkiyeyê ya Brunsonî jî ranekiriye.

Bi hinceta parvekirinên wan ên li ser medyaya civakî, ji bajarên Dîlok û Konyayê 11 kes hatine desteserkirin.