Tûndkariyê fîstanê bêdengîyê li xwe kiriye. Li hemîya malê digere. Ez dizanim ku heke biçim odeya piştê jî ez ê nekarim nefesê bistînim.

Li Wîetnamê ji ber barîna baranê lehî rabûye, jimara welatiyên ji ber lehiyê mirîn bûye 27, li welatê li Asyayê bi navê Laosê ji hez çêbûye gelek kes di nav heriyê de winda bûne.

Girtî û xizmên girtiyan wê karibin ji bo mafên xwe xizmetê ji Komeleya Di Sîstema Înfazkirina Cezayan De Civaka Sivîl hîn bibin.

Li nêzîkî Atînayê agir bi daristana ketiye, di encamê de 60 kes mirine. Li gorî zanyariyên destpêkî, agir ji ber germahiya zêde derketiye. Bajarokên ku agir lê derketiye bi temamî wêran bûne.

Ji ber gotinên wê yên “Em qebûl nakin ku bilez lêpirsînname ji bo çar hevalên me hatine amadekirin. Beşdariya merasîma cenazeyan di çanda me de heye” lêpirsînname ji bo Pervîn Bûldan Hevseroka HDPyê hatiye amadekirin.

Li Osmaniyeyê belavokên ku li ser wan “Xetereya homoseksueliyê” li qutîkên nameyan û li ser rêyan hatine belavkirin. Çend roj berê li Enqere û Îzmîrê jî belavokên ku gotinên homofobîk tê de hebûn, hatibûn belavkirin.

Îyî Patî(Partiya Baş) biryar daye ku ew ê di mehekê de komcivînekê pêk bîne û di komcivînê de serokeka/ê nû hilbijêre. Seroka wê partîyê, Meral Akşenerê diyar kiriye ku ew ê nebe berbijara serokatiya Îyî Partîyê.

Wezareta Navxweyî aşkere kiriye ku di hefteyekê de lêkolîna 459 hesabên medyaya civakî hatiye kirin û lêpirsîna 266 hesaban hatiye kirin.

Berdevkê HDPyê Salûhan Olûçî di civîna xwe ya çapemeniyê de li aqûbeta karmendê Amedî Kamîl Acarî pirsî ku du roj in agahî jê tune ye û wesayita wî li ber rê hatiye dîtin.

Polîsê parastina serokkomarê Fransayê Emmanuel Macronî yê bi navê Alexandre Benalla, di xwenîşandanên 1ê Gulanê de li du xwendekaran dabû. Polîsên Fransayê ew polîs desteser kiriye.

Dozgeriyê ji ber ku beşdarî cenazeyê Baysalê HPGyî bûne, ji bo Feleknas Ûca û Mehmet Ruştu Tiryakî, parlamenterên HDPyê yên Êlihê lêpirsînname amade kiriye.

Di roja çarem ya AtolyeBiayê de, Kemal Canî li ser çêkirina hevpeyvînan û Emre Kizilkayayî li ser rojnamegeriya li ser înternetê ders dan.

Dadgehê ji bo Onûr Hamzaoglû û Fadîme Çelebiyê biryara tehliyeyê derxistiye.

Dadgehê 2 sal û 3 meh cezayê girtîgehê li nûçegihana rojnameya Cûmhûriyetê Canan Coşkûnê birî. Coşkun bi tohmeta ku “kesên di têkoşîna li dijî terorê de erkdar in dike hedef” dihat dadgehkirin.

Li meclîsa Îsraîlê ya bi navê Knesset 62 wekîlan ji bo Îsraîl bibe “Netewedewleta Cihûyan” dengê erê daye û 55 wekîlan dengê na daye.

Adnan Oktar jî di nav de ji bo 143 kesan biryara girtinê hatiye standin ku hefteya borî li hemberî wan operasyonek pêk hatibu û 187 kes hatibûn desteserkirin.

Cara pêşiyê 20 Tîrmeha 2016ê, Rewşa Awarte hatibû îlankirin, piştî hingê heft caran dema wê hat dirêjkirin. Dema Rewşa Awarte îro temam bûye û nehatiye dirêjkirin.

Nêzîkî Bakurê Qibrisê keştiyeka 150 kes tê de bin-av bûye. 19 kes mirine. 25 kes winda ne.

Tûganî serî li Wezareta Dadê daye û xwestiye wî bişînin girtîgeha Colemergê ku diya wî li wir tê dermankirin. Tûganî diyar kiriye ku 27 sal in di girtîgehê de ye û dixwaze mafê xatirxwestinê yê bi dêya xwe re bidine wî.

Wekîlê Serokê Koma AKPyê Mûşî got, kesên 31ê Kanûna Pêşiyê ya sala 1993yê û beriya wê ji dayik bûne wê karibin serî li leşkeriya bi bedel bidin û wê ev kes 28 rojan leşkeriyê bikin. Li gorî heman daxuyaniyê wê di van 28 rojan de destûra karmendan a bêpere bê dayîn.