Parêzbendiya Tûma Çelîk, Parlamenter Mêrdînê yê Serbixwe li Parlamentoyê hatiye rakirin. Çelîk bi êrîşa zayendî a li ser jinekê tê tohmetkirin. Piştî îdiayên derbarê wî de belav bûbûn, Çelîkî ji HDPyê îstîfa kiribû.

Li Tirkiyeyê heta niha 329 hezar û 138 kes bi Covîd-19ê ketine û 8 hezar û 609 kes jî pê mirine.

Dozgerî daxwaz kiriye ku rojnameger Ayşegul Dogan ji 7 salan heta 15 salan bi cezayê girtîgehê were cezakirin.

Wekîla Serokê Parlamentoya Swêdê û heyeta li gel wê li Meclîsê serdana HDPyê kiriye. Fornarveyê gotiye “ew operasyona qirkirina siyasî ya li ser HDPyê şermezar dikin.”

Atîlla Ozbey, Serokê ÎHDya Agiriyê û Emîn Yildiz, rêveberê komeleyê ji ber ku beşdarî daxuyaniyên çapemeniyê, xwenîşandan û civînan bûne, hatine desteserkirin.

Serokwezîrê Qirxizistanê Kubatbek Boronovî, ji ber xwepêşandanên piştî hilbijartinên giştî îstîfa kiriye. Xwepêşandanan li Qirxizistanê kaoseke siyasî çêkiribû.

2yem Dadweriya Silh û Cezayî ya Balikesîrê malpera Rûdawê asteng kiriye.

Polîsan li Stenbolê di saetên sibehê de avêtine ser gelek malan. Hevserokê Giştî yê ESPyê Şahin Tumuklu, Hevseroka SGDFyê Alev Ozkiraz û rojnameger Pinar Gayîp di nav de gelek kes hatine desteserkirin.

Li Tirkiyeyê heta niha 327 hezar û 557 kes bi Covîd-19ê ketine û 8 hezar û 553 kes jî pê mirine.

Pero Dundar, Parlamentera HDPyê gotiye, “Piştî mirina Mûhammed Emîrî, Nexweşxaneya Dewletê ya Elbîstanê di 2yê Çiriya Pêşiyê de raporek amade kiriye û tê de gotiye ji ber ‘şewbê / mirina xwezayî” can daye.”

Însîyatîfa bi navê “Caucasus Talks”, ji bo Qarabaxê belavokeke aşitiyê amade kiriye. Ji Azerbeycan, Ermenîstan, Tirkiye û ji dinyayê gelek kesan ev belavok îmza kiriye.

Devlet Bahçeliyî di axavtina xwe de Demîrtaş weke berpirsê çalakiyên ji bo Kobaniyê nîşan daye û gotiye “Demîrtaş terorîst e”. Her weha daxwaz kiriye ku TTB bê girtin.

Ji ber ku derbarê şerê di navbera Azerbaycan û Ermenistanê de daxuyaniyek dabû û banga aştiyê kiribû, ASAMê Garo Paylan kiribû hedef. Bi sedan kesan piştgirî dane Paylanî.

Li Qirxizistanê encamên hilbijartina parlamentoyê hatine betalkirin. Hilbijartin 4ê Çiriya Pêşiyê de pêk hatibû û piştî hilbijartinê bi tohmeta ku fen û fût di hilbijartinê de bûne, xwenîşdan dest pê kiribûn.

Mêran di meha Îlonê de tundkarî herî hindik li 97 jinan kiriye, herî kêm 4 zarok kuştine. Zarokên kur jî di nav de Istismara cinsî li 20 zarokan kiriye, herî hindik tacîz li 18 jinan kiriye. Bi darê zorê karê sekse bi 59 jinan dane kirine.

Polîsan li Wanê bi ser ofîsa Ajansa Mezopotamyayê de girtiye. 4 rojnameger hatine desteserkirin.

Li Tirkiyeyê heta niha 326 hezar û 46 kes bi Covîd-19ê ketine û 8 hezar û 498kes jî pê mirine.

Jonas Sjostedt, Serokê Giştî yê Partiya Çep a Swêdê û heyeta li gel wî xwestin biçin Selahattîn Demîrtaş, Hevserokê Giştî yê berê yê HDPyê bibînin. Lê rêveberiya girtîgehê destûr nedaye wan.

Mesrûr Barzanî, Serokwezîrê Herêma Kurdistanê gotiye ku ew zêdetirî 28 milyar dolaran deyndar in.

Wezareta Karên Navxweyî ragihandiye ku, leşkerê di dema operasyona leşkeri de li Bazidê birîndar bûye, li nexweşxaneyê miriye.