Danişîna duyem a doza kuştina Tahir Elçî, Serokê Baroya Amedê îro li 10em Dadgeha Cezayê Giran a Amedê dest pê kiriye. Turkan Elçiyê xwestiye û gotiye, “Bila biryar bê dayîn ku ez tevlî dozê bibim.”

Sibê wê 66 rojnameger di dozên cida cida de derkevin pêşberî heyetên dadgehan.

PENa Gallerê aşkere kiriye ku wan Îlhan Samî Çomak, helbestvanê ku 27 sal in girtî ye kiriye “Endamê Rûmetê yê Navnetewî.” Menna Elfyn, Seroka PENA Gallerê nameyek ji Çomakî re nivîsandiye û gotiye ku ew bi yekdengî wî dikin endamê rûmetê.

Wezareta Tenduristiyê aşkere kiriye ku di 24 saetan de test ji bo 135 hezar û 291 kesan hatine kirin û di encamê de testa 11 hezar û 837 kesan pozîtîf derketiye. Her hewa 68 kes jî mirine.

1em Dadweriya Aştî û Cezakirinê ya Osmaniyeyê biryar daye ku malpera Ajansa Mezopotamyayê were astengkirin.

Serokomar Erdogan, Plana Çalakiyê ya Mafên Mirovan ya ku ji aliyê Wezareta Dadê ve hatiye amadekirin, aşkere kiriye.

Platforma Jinan a 8ê Adarê ya Stenbolê gotiye, “Em ê di saet 16.00ê 6ê Adarê de li Kadikoyê bendergeha Beşîktaşê bin. Em ê cîhanê bihejîn in. Em ê azadiya xwe bi dest bixin.”

Dadweriya Aştî û Cezakirinê ya Mêrsînê biryar daye ku pirtûka bi navê “Şehît, Xayîn û Welatparêz – Ji Şerê Kendavê Heta Roja Me Kurdistan” ya Sheri Laizerî were qedexekirin û komkirin.

Devlet Bahçelî, Serokê Giştî yê MHPyê ji Dadgeha Bilind û Dadgeha Destûrî xwestiye ku HDPyê bigirin.

71em Festîvala Fîlman a Berlînê ji ber şewba koronayê îsal bi awayekî online pêk tê. “Xelata Hirçê Zêrîn” wê 5ê Adarê were aşkerekirin.

Polîsan bi ser Şaredariya Qaraçobanê ya Erziromê de girtine û Halît Ûgun, Hevşaredarê Qaraçobanê desteser kirine. Piştî desteserkirina Ûgûnî, Îbrahîm Gultekîn, Qaymeqamê Qaraçobanê weke kayûm tayîn kirine.

Hejmara 2em a Kovara GOGê ku yekem kovara wêneromanî ya zarokane derketiye. Di vê hejmarê de jî Red Kît, Yakarî, Thorgal û Mîlo dê bi serboriyên xwe cîh bigire. Her weha çîroka Şahmaranê jî wê bi dawî bibe.

Wezareta Tenduristiyê aşkere kiriye ku di 24 saetan de test ji bo 130 hezar û 536 kesan hatine kirin û di encamê de testa 9 hezar û 891 kesan pozîtîf derketiye. Her hewa 69 kes jî mirine.

Piştî hewldana darbeye li Ermenistanê piştevanên Paşînyan xwepêşandanek pêkanîbûn. Çend roj piştî xwepêşandanê dijberên Paşînyan daketine kolanan û bi ser avahiya hukumetê de girtine.

Forensic Architecture-a ku rapora kuştina Tahir Elçiyî de amade kiriye gotiye: “Di îdianameyê de li gel polîsên me ew diyar kirine endamekî PKKyê jî weke bersûcê kuştina Elçiyî nîşan dane. Lê delîlên me diyar kirine, bi awayekî aşkere dane xuyakirin ku endamên PKKyê gule bera Elçiyî nedane.”

Yildirim Suslu û Sefer Yûrttaş ku ev 50 sal in li Sûka Ulusê dikandar in. Ew sûka ku ji destpêka avabûna Komara Tirkîyeyê û vir ve geş e lê niha il gorî van esnafan bi saya serê penaberan kirîn û firotin lê dibe. Esnaf ji ber vê rewşê bi gilî û gazinc in.

Li gorî daxuyaniya fermî, ji ber ku di roja şemî û yekşemê de guh nedane tedbîrên “pandemiyê” û biryara qedexeyê ya derketina derve binpê kirine polîsan ceza li 39 hezar û 604 kesan birîne.

Selahettîn Demîrtaş, Hevserokê Giştî ê HDPê yê berê di nivîsa xwe de ya ku Medyascope hatiye weşandin, gotiye, “Aşkereye ku nîqaşên girtina HDPê û rakirina parêzbendiyan wê ji bo aştiyê sûdbexş nebe. Ez hêvî dikim ku wê nekevin vê şaşiyê.”

78em Xelatên Kada Zêrîn (Golden Globes) bi merasîmekê hatine belavkirin. Chloé Zhao, bi filmê xwe yê bi navê Nomalandê xelata baştirîn filmî û serkeftîtirîn derhener wergirtiye û bûye yekem jina bi eslê xwe Asyayî ye.

Wezareta Tenduristiyê aşkere kiriye ku di 24 saetan de test ji bo 109 hezar û 639 kesan hatine kirin û di encamê de testa 8 hezar û 424 kesan pozîtîf derketiye. Her hewa 66 kes jî mirine.