Wezareta Tenduristiyê ya Herêma Kurdistanê ragihandiye, ku di 24 saetên dawin de 684 kes bi Covîd-19ê ketine û 21 kes jî pê mirine.

Nîkol Paşînyan, Serokwezîrê Ermenistanê li ser Twîtterê daxuyanî daye û Tirkiye bi “berdewamkirina komkujiyê” tawanbar kiriye.

Hevserok û Parlamenterên HDPyê beşdarî merasîma vekirinê ya Meclîsê nebûne û li bexçeyê Meclîsê civîneke çapemeniyê li dar xistine.

Saziya Teknolojiyên Zanistê û Ragihandinê malpera sendika.org, Ajansa Mezopotamya û Yenî Demokrasiyê asteng kiriye.

Ji 20 HDPyiyên desteserkirî 14 ji wan birine edliyeyê û dozgerî dest pê kiriye ku îfadeya wan werbigire.

Akademîsyenên Aştîxwaz xwestine ku kesên di operasyonên li hember HDPê de hatine desteserkirin bila serbest bibin.

Hozan Canê piştî 2 salan ji girtîgehê derketiye. Canê bi tohmeta ku “endama rêxistinê” ye hatibû dadgehkirin û 6 sal û 3 meh cezayê girtîgehê li wê hatibû birîn.

Bihayê elektrîka ku li mal, li pîşesaziyan û tîcaretxaneyan tê bikaranîn ji sedî 5.75 zêde kirine.

Ji ber ku li girtîgehê bi Selahattîn Demîrtaş, Hevserokê Giştî yê berê HDPyê re hevdîtin kiriye, dozgerî xwestiye parêzer Levent Pişkin were cezakirin.

Dozgeriya Qersê lêpirsînek daye destpêkirin û di vê çarçoveyê de bi ser mala Şevîn Alaca, Hevşaredara Qersê û Cengîz Anli, Hevserokê Partiya Demokratîk a Gelan HDP) yê Qersê de jî girtine.

Li Tirkiyeyê heta niha 318 hezar û 663 kes bi Covîd-19ê ketine û 8 hezar û 195 kes jî pê mirine.

Desteya Tenduristiyê ya Rêveberiya Xweser aşkere kiriye ku 2 kesên din ji ber Covid-19ê mirine û 121 kes jî bi vîrûsê ketine.

Bariş Yarkadaşî “Di Medyayê de Rapora Binpêkirinên Mafan” aşkere kiriye. Rojnameger li şûna biçin karî sibehê diçin edliyeyan û li wir îfadeyên xwe didin.

Edebiyatnasan li dijî operasyonên li ser siyasetmedarên mixalif daxuyaniyek weşandiye. Di daxuyaniyê de gotine ku “Em bang li desthilatdariyê dikin ku dest ji vê politikaya zextan a wê welêt bi salan bixe nava tariyê berde. Em bang li muxalefetê dikin ku li dijî vê bêhiqûqiyê li dora demokrasiyê mil bidin hev.”

Konseya Ewlehiyê ya NYyê, bang li Azerbeycan û Ermenistanê kiriye ku demildest pevçûna li Qarabaxê bidin sekinandin,, rageşiyê kêm bikin û li gotûbêjan vegerin.

Ayhan Bîlgen, Hevserokê Şaredariya Qersê ku di çarçoveya operasyona li dijî HDPê de hatibû desteserkirin aşkere kiriye ku ew ê îstifa bire û gotiye, “Min temenê ku bi demokrasiyê were leyîstin derbas kiriye”

Kordînasyona Heskîfê daxuyanî daye û gotiye, “Beyza Ustuna ku di tekoşîna ekolojîyê de xwedî kedêye, ji bo parastin û jiyandina Heskîfê ji roja destpêkê heta niha di eniyên herî pêş de cîhê xwe girtiye. Kesên ku zanist, aştî, jiyan û xwezayê diparêzin nayên dadgehkirin”

Rojnameger Hakki Boltan vê sibehê li Amedê hatiye desteserkirin. Polîsan serê sibehê bi ser mala Boltanî de girtine û ew desteser kirine. Polîsan bi ser malan de girtiye û 14 kes desteser kirine.

Servet Turgutê 55 salî yê ku bi Osman Şîbanî re hatibû desteserkirin û “ji helîkopterê ew avêtibûn” li nexweşxaneyê can daye. Turgut 20 roj in dihate dermankirin.

793 jinan kampanyayek dane destpêkirin û daxuyaniyek weşandine. Jinan gotiye “rêvalên me yên di lêpirsîna Kobaniyê de hatine desteserkirin azad bikin.”