Rêjeya bêkariyê ya meha Tebaxê li gor heman meha sala borî 0,8 poîntan kêm bûye û daketiye 13,2yan.

Kovarê di vê hejmara xwe ya 11an de berê xwe daye dosyeya “koçberî û derûniya koçberiyê”. Bi hevpeyvîn û nivîsên curbicur li ser vê mijarê rawestiyane.

Li Tirkîyeyê heta niha 396.831 kes bi nexweşîya Covid-19ê ketine û 10.972 kesan jî ji ber heman nexweşîyê mirine.

Piştî ku Berat Albayrakî dest ji kar kişand, bi Biryarnameya Serokomarî Lutfî Elvan weke wezîrê nû yê Xezîne û Darayiyê hatiye tayînkirin.

Vladîmîr Pûtîn, Serokdewletê Rûsyayê aşkere kiriye ku di navbera Azerbeycan û Ermenistanê de duh bi şev ji saet 00.00ê û pê de agirbestê destpê kiriye. Li gor daxuyaniya Pûtînî wê hêzên aştiyê yên Rûsyayê li navbera herdu welatan bên bicihkirin.

Li Sûrê, navçeya Amedê xebatên arkeolojîk ên li Girê Amîdayê de gor hatine dîtin ku weke odeyan hatine lêkirin. Ode nêzîkî 1700 salî ne.

Li gor nûçeya Yildiz Tar a di Kaos GLyê de hatiye weşandin, polîsan bi sedema “tedbîrên koronayê” jin desteser kirine. Lê di zabitnameya cihê bûyerê de behsa tedbîrên koronayê nehatiye kirin. Tê di nivîsandiye ku “bi hefteyan e ku kolan dihate şopandin û gilî hebûn.”

Muyesser Yildiz, Midûra Nûçeyan a Odatvyê ya Enqereyê piştî 155 rojan girtî maye tehliye bûye. Yildiz bi tohmeta sîxuriya leşkerî kiriye, hatibû girtin.

Rojnameger Azîz Orûç di 3yem danişîna doza xwe de tehlîye bûye. Piştî ku Îranê ew dersînor kiriye li Bazîdê hatiye girtin û 11 mehe di girtîgehê de ye.

Kenan Erdencî bi çîroka xwe ya bi navê “Demên Xwerû” hêjayî xelatê hatiye dîtin. Her weha wê îsal "Xelata Kedê" bidin nivîskar Helîm Yûsivî.

AFADê aşkere kiriye ku hejmara qurbaniyên erdheja Îzmîrê derketiye 115an. 23 kes hîna tên dermankirin.

Li Cizîrê vê sibê di serdegirtinên malan de Guler Tunç, Hevseroka Navçeyê ya HDPê û Berîvan Kûtlû, Hevşaredara Cizîrê ya ku ji wezîfeyê hatibû girtin jî di nav de 10 kes hatine desteserkirin.