Li gorî rapora Expression Interruptedê di mehên Gulan û Hezîranê de 109 rojnameger hatine dadgehkirinû 9 sal û 8 meh cezayê girtîgehê li 4 rojnamegeran birîne. Tundkariya polîsan a li diji rojnamegeran û astengî her diçe zêdetir dibe ku êrîşî herî hindik 5 rojnamegeran kirine.

Wezareta Karûbarên Navxweyî ya Almanyayê bi Deutsche Welleyê re axiviye û gotiye ku ew tundkariya li ser rojnamegerên Tirkiyeyî yên li Almanyayê dijîn, şermezar dikin.

Wezareta Berevaniya Netewî aşkere kiriye ku li nava sînorê Herêma Kurdistanê, li Xakurkê leşkerek miriye.

Komeke fobîk li Harbiyeya Stenbolê pêşiyê bi gotinan Beren Ecmel, jina trans tacîz kirine, paşê jî bi amûreke birrînê êrîşî wê kirine.

Omer Fethî Gurer, Parlamenterê CHPyê yê Nîgdeyê aşkere kiriye ku di şeş mehên sala 2021an de hezar û 155 karker mirine. Gurerî gotiye ku ji sedî 34ê karkeran ji ber Covid-19ê mirine.

Keys Seîd, Serokomarê Tûnûsê ragihandiye ku wî tevahî desthilatên parlamentoyê daye sekinandin, parêzbendiya parlamenteran rakiriye û Meşîşî, serokwezîrê niha ji wezîfeyê girtiye. Her weha Seîdî ragihandiye ku ew ê serokwezîrek nû wezîfedar bike.

Li Festîvala Fîlman a Tirkiye û Almanyayê ya 25an, di beşa kurtefîlman de xelata duyem dane “Barê Giran”.

Ahmet Bîlge 26 sal in girtî ye. Ev demek e nivîs û xêzên wî di bianetê de tên weşandin. Bîlgeyî ji bo bianetê karîkatur xêz kirine.

Komîteya Birêxistinkirinê ya Olîmpiyatên Tokyoyê aşkere kiriye ku heta niha 148 nexweşên Covid-19ê hatine welatî.

Baroyên 48 bajaran daxuyanî dane û rojnameya Yenî Şafakê şermezar kirine. Rojnameya Yenî Şafakê baroyên ku li dijî êrişên nijadperest daxuyaniya hevpar dabûn, kiribû hedef.

Wezareta Tenduristiyê aşkere kiriye ku di 24 saetan de test ji bo 223 hezar û 837 kesan hatine kirin û di encamê de testa 14 hezar û 230 kesan pozîtîf derketiye. Her weha 55 kes jî mirine 547 hezar û 997 doz derzî hatine kirine.

Li gorî Rêxistina Meteorolojiyê ya NYê di 50 salên dawî de guherîna îklîmê bûye sedema mirina ji mîlyonekî zêdetir kesî. Rêxistinê zirara aboriyê ya ji ber guherîna îklîmê çêbûye jî aşkere kiriye.

40 kesên ku li Merama Konyayê êrişî malbateke Kurd kiribûn piştî îfadeyên wan yên li emnîyetê birine edlîye yê.

Platforma Zimanê Kurdî daxuyaniyekî nivîskî weşandiye û êrişên nijadperest yên li bajarên Tirkiyeyê li dijî Kurdan pêk hatine şermezar kiriye. Polatformê destnîşan kiriye ku divê Kurd li dijî van êrişên nijadperest û ne mirovane xwedî li hev derkevin.

Demîrtaş, bi sedema ku “Di dîroka nêzîk a Tirkiyeyê de yek ji grîngtirîn siyasetmedarên mixalîf e” hêjayî Xelata Mafên Mirovan a Weîmar ya 2021an hatiye dîtin.

Wezareta Tenduristiyê aşkere kiriye ku di 24 saetan de test ji bo 214 hezar û 196 kesan hatine kirin û di encamê de testa 9 hezar û 586 kesan pozîtîf derketiye. Her weha 52 kes jî mirine 475 hezar û 676 doz derzî hatine kirine.

Angela Merkel, Serokwezîra Almanyayê gotiye, “Tirkiye bi xwedî derketina li penaberên Sûriyeyê karekî baş derdixe. Ez dixwazim ev peymana bi Tirkiyeyê re bidome, ev ji bo mirovan baştir e.”

Li Arhavî, navçeya Artvînê û Findikli, navçeya Rîzeyê ji ber barana zêde hezaz û lehî rabûye. Gelek mal, kargeh û wesayît di bin avê de mane. Baran li van herêman ji duh ve dibare.

15 baroyan êrişên nijadperest yên li demên dawî de li dijî Kurdan pêktên, şermezar kirine. Baroyan xwestiye ku divê derbarê êrişan de lêpirsînekî bibandor were kirin.

Wezareta Tenduristiyê aşkere kiriye ku di 24 saetan de test ji bo 184 hezar û 462 kesan hatine kirin û di encamê de testa 8 hezar û 151 kesan pozîtîf derketiye. Her weha 59 kes jî mirine 181 hezar û 42 doz derzî hatine kirine.