Wezareta Tenduristiyê aşkere kiriye ku di 24 saetan de test ji bo 148 hezar û 425 kesan hatine kirin û di encamê de testa 5 hezar û 277 kesan pozîtîf derketiye. Her hewa 140 kes jî mirine.

3em Daîreya Cezê ya Dadgeha Edliya Herêmî ya Stenbolê, biryara beraetê ya ku 30em Dadgeha Cezayê Giran a Stenbolê derbarê 9 kesan de dabû ku Osman Kavala jî di nav de bûye, betal kiriye.

Elîf Tûran, Seroka Odeya Doktoran a Amedê gotiye ku bi tedbîrên cizî hejmara nexweşan kêm bûye lê hîna jî pêla yekem bi temamî nehatiye bidawîkirin.

Ji ber ku dema di ber “Dayikên Diyarbekirê” re derbas bûye nîşana serketinê çêkiriye, bi tohmeta “propagandaya rêxistinê kiriye”, dozgerî lêpirsînname ji bo Erol Katircioglû, Parlamenterê HDPyê amade kiriye.

Polîsan midaxele li kedkarên tenduristiyê yên Nexweşxaneya Bajêr a Enqereyê kirine ku ji bo mafên xwe, xwestine çalakiyeke protestoyî bikin. Kesên desteserkirî, ber êvarê serbest bûne.

Li gorî rapora çavdêriya li medyayê ya Kaos GLyê rêjeya gotinên ku hestên nefrete çêdikin û zimanê cûdaxwaz ji sedî 61 e.

Di sala 2020an de Tirkiyeya ku her gav behsa dewleta hiqûqê, azadiya çapemeniyê û xweeîfadekirinê dikir, Yekîtiya Ewropa ango hevkarê xwe yê stratejîk di reformên ên derbarê mafên mirovan de nekarîbû qanih bikira.

PEyê di civîna xwe debiryar girtiye û bang li Tirkiyeyê kiriye ku bila li gorî biryara DMMEyê tevbigere û Demîrtaşî bê şert û merc û demildest azad bike.

DAIŞê aşkere kiriye ku wan her du êrîşên bi bombeyî yê li Bexdayê, paytexta Iraqê pêk aniye. Di êrişê de 32 kes miribûn û 110 kes jî brîndar bibûn.

Wezareta Tenduristiyê aşkere kiriye ku di 24 saetan de test ji bo 165 hezar û 109 kesan hatine kirin û di encamê de testa 6 hezar û 289 kesan pozîtîf derketiye. Her hewa 153 kes jî mirine.

Dadgeha Destûra Bingehîn di serlêdana duyem a Enîs Berberoglûyî de jî gotiye mafê wî hatiye binpêkirin. Dadgehê beriya niha jî heman biryar dabû û xwestibû ev biryar pêk were lê pêk nehatibû.

Sergey Lagodinsky, Serokê Delegasyona Tirkiyeyê yê Parlamentoya Ewropayê gotiye “Em bang li Tirkiyeyê dikin ku li gorî biryarên Dadgeah Mafên Mirovan a Ewropayê tevbigerin û Demîrtaş û Kavalayî, bi heman awayî Cîhan Erdal jî di nav de hemû girtiyên siyasî serbest bikin.”

Li Bexdayê, Paytexta Iraqê du êrişên xwekujiyê pêk hatiye. Li gor daneyên destpêkê herî kêm 32 kes mirine û 110 kes jî brîndar bûne.

Mêran di sala 2020an de hêrî kêm 284 jin û 26 zarok kuştine. Mêran di heman salê de herî kêm tecawiz li 96 jinan kiriye, 265 zarok istismar kirine, hêrî kêm tacîz li 147 jinan kirine, herî kêm 792 jin birîndar kirine. Mêran di sala 2020an de bi darê zorê karê seksê bi 818 jinan dane kirin.

Wezareta Tenduristiyê aşkere kiriye ku di 24 saetan de test ji bo 168 hezar û 894 kesan hatine kirin û di encamê de testa 6 hezar û 435 kesan pozîtîf derketiye. Her hewa 159 kes jî mirine.

Tevgera Dadê ya Bêşert û Merc ji bo wan parêzeran wê di 24ê Kanûna Paşiyê “Roja Parêzerên Di Nava Xetereyê De Ne” li ber DMMeyê çalakiyekê li dar bixin ku desthilatdarên siyasî tiştên ji bo wan hatine misogerkirin ji holê radikin û zextê li wan dikin.

Îzzet Tinmaz li Aksarayê, Kiymet Sariyildiz û Mûrat Ûçkaç li Aydinê, Afşîn Hatîpoglû û Orhan Ûgûrlûyî jî li Enqereyê rastî êrişê hatine.

Di navbera Çiriya Paşiyê ya 2019an û Çiriya Pêşiyê ya 2020an de hezar û 190 URL hatine astengkirin. 870 ji wan yên nûçeyan e. Di 12 mehan de 26 malperên nûçeyan asteng kirine.

Platforma Netflîxê di sala 2020an de 37 mîlyon aboneyên nû bi dest xistiye.

Antony Blinkenê ku Joe Biden, Serokê nû yê DYAyê wê wî bike Wezîrê Karûbarên Derve ji bo Tirkiyeyê gotiye “qaşo hevalbend” û behsa mieyidiyan ango cezakirinê kiriye.