Komîseriya Bilind a Mafên Mirovan a NYê bang kiriye ku bila kesên di xwepêşandanên Bogazîçiyê de hatine girtîn û desteserkirin were berdan, polis bila dawî li bikaranîna hêza zêde bîne û gotinên rayedaran yên derbarê LGBTİyan de şermezar kiriye.

Wezareta Tenduristiyê aşkere kiriye ku di 24 saetan de test ji bo 148 hezar û 192 kesan hatine kirin û di encamê de testa 8 hezar û 102 kesan pozîtîf derketiye. Her hewa 117 kes jî mirine.

13em Dadgeha Cezayê Giran a Stenbolê biryara Dadgeha Îstînafê qebûl kir ku Dadgeha Îstînafê, biryara beraetkirinê ya Korur-Fincanci, Onderoglu û Nesinî betal kiribû. Her sê nav wê dîsa din werin dadgehkirin.

Xwendekarên ku di sepana Twîtter û Clubhouseyê de agahiyên têkildarî çalakiyên Bogazîçiyê parvekirine û yên ku nivîsandine “Hevalên me serbest berdin” vê sibê hatine desteserkirin.

LGBTI+yen ku derçûyên Zanînegeha Bogaziçiyê ne, Komeleya Mafên Mirovan ên Jinan – Çareseriyên Nû, komên ji malbatên LGBTIyan pêk hatine, derbarê êrîş û nirxandinên liser LGBT+yan daxuyaniyên nivîskî weşandine.

Li Polonyayê protestoyên qedexeya kurtajê ku di 27ê Kanûna Paşiyê de destpêkiribû hefteyeke dewam dike.

Rêxistina Çavdêriya Li Mafên Mirovan bi daxuyaniyekê aşkere kiriye ku Tirkiye û Artêşa Netewî ya Sûriyeyê li Bakurrojhilatê Sûriyeyê herî hindik 63 welatiyên Sûriyeyê desteser kiriye û bi awayekî dijyasayî ew birine Tirkiyeyê.

Dadgeha Destûrî biryara xwe ya bihincet ya derbarê Enîs Berberoglûyî de aşkere kiriye. Dadgeha Destûrî gotiye, “Li gorî yasayên bingehîn erka dezgehên dewletê û dadgehan nîne ku biryarên Dadgeha Destûrî qebûl nekin.”

Hejmara sêyem a kovara Bernamegehê derketiye ku bi awayê dijîtal weşana xwe dike.

Walîtiya Stenbolê gotiye ku ji 94 kesên ku li Kadikoyê di dema xwenîşandanên protestoyî yên ji bo Zanîngeha Bogaziçiyê de hatine desteserkirin, 65 ji wan serbest bûne. 11 kesên ku li Beşîktaş û Sariyerê desteser bûbûn jî serbest bûne. 29 kes hîna desteserkirî ne.

Mêran di Kanûna Paşiyê de tundkarî herî hindik li 60 jinan kiriye, herî hindik zarokek kuştine. Mêran, zarokên kur jî di nav de herî hindik îstismar li 12 zarokan kirine, herî hindik 9 jin tacîz kirine. Mêran bi darê zorê karê seksê herî hindik bi 28 jinan dane kirin.

Wezareta Tenduristiyê aşkere kiriye ku di 24 saetan de test ji bo 140 hezar û 120 kesan hatine kirin û di encamê de testa 7 hezar û 795 kesan pozîtîf derketiye. Her hewa 120 kes jî mirine.

Wêjegeh Amed, di bernameya xwe ya meha Sibatê de wê cih bide bernameyeke bi navê “Çanda Kurdî ya Li Sovyeta Berê”. Sazî wê vê mehê her weha yeksaliya xwe pîroz bike.

Korur-Fîncanci, Onderoglû û Nesîn di doza Nobedariya Berpirsiyariya Weşanê ya Ozgur Gundemê de wê ji nû ve were dadkirin. Ji ber vê yekê Saziyên fikrî yên weke IFEX, RSF, CPJ, IFJ, IPI û PEN daxwaza betalkirina tohmetên derbarê wan de kirine.

Ferhat Çelîk, Berpirsê Karûbarên Nivîsan ê Ajansa Mezopotamyayê ku ji ber nûçeya “Li Baybûrtê kêzikan dixin xwarinên girtinan” doz lê hatibû vekirin, di danişîna yekem a dadgehkirinê de beraet kiriye.

Ferhat Baysal ku li Belçîkayê weke penaber dijî sepaneke bi navê 'Peyvên Kurdî' çêkiriye. Armanca Baysalî bi sepanê ewe ku him kurdî bide naskirin , fêrkirinê hêsantir bike û him jî fikirandina bi kurdî pêşbixe.

Weşanxaneya Aramê “Dewran” û “Leylan”, her du pirtûkên Selahattîn Demîrtaşî bi kurmancî çap kirine.

Wezîr Selçûkî gotiye ku ji 15ê Sibatê û pê de wê hemû beşên dibistanên gundan û ji 1ê Adarê û pê de jî hemû dibistanên seretayî dest bi perwerdeya rû bi rû ya sivik bikin. Wê dê û bav biryarê bidin bê ka xwendekar wê biçin dibistanê yan na.

Zêdetirî 100 xwendekarên ku polîsan ew duh li Zanîngeha Bogaziçiyê desteser kiribûn, piştî îfadeya wan hatiye wergertin, serbest bûne.

Wezareta Tenduristiyê aşkere kiriye ku di 24 saetan de test ji bo 141 hezar û 703 kesan hatine kirin û di encamê de testa 7 hezar û 719 kesan pozîtîf derketiye. Her hewa 124 kes jî mirine.