Parêzeran li Stenbol, Îzmîr û Mêrsînê Tahîr Elçî, Serokê Baroya Amedê bibîranîne ku pênc sal berê hatibû qetilkirin.

Paylanî gotiye ku li gorî gotina Wezîrê Tenduristiyê, vaksîna Çînê li xizanan belav bikin lê ya Pfizerê wê li dermanxaneyan bifiroşin ku hinekî din pêbawer e.

Li bajarê Bornoyê sere 43 paleyan jêkirine û ew kuştine. Karker hatine binaxkirin. Tê payîn ku Boko Haram an jî DAIŞ ali Afrîkyayê birêxistinkirî ye ev qetlîam kiribe.

Dadgehê bi tohmeta ku “propagandaya rêxistinê kiriye” 18 meh û 22 roj cezayê girtîgehê li Welat Oztekîn, xwebatkarê berê yê rojnameya Azadiya Welat biriye.

Komeleya Lêkolînên Kurdî wê kurên soranî, hewramî û kelhûrî bide destpêkirin.

Li Tirkiyeyê heta niha 494 hezar û 351 kes bi Covîd-19ê ketine û 13 hezar û 558 kes jî pê mirine.

Li cîhanê hejmara kesên bi vîrusa koronayê ya tîpa nû (Covîd-19) ketine ji 61 milyon û 309 hezarî derbas bûye.

Suleyman Soylû, Wezîrê Karûbarên Navxweyî derbarê Osman Şîbanî de axiviye û gotiye, piştî hatibû desteserkirin, hatibû gotin ku ji helîkopterê hatiye avêtin. Soylûyî gotiye: “Di lêpirsînnameya me de çi hebe em ê emcana wê deynin ortê.”

Polîsan di saetên êvarê de bi ser avahiya bajarê Wanê ya HDPê de girtine. Kilîlkên derîyên avahiyê yên der, hundir û qatên çaran guheriye û kilîtên nû li ser derîyan danîne.

Li Puturgeyê, navçeya Meletiyê bi pileya 4,7an erd hejiyaye. Bandora erdhejê li Dîlok, Semsûr û Rihayê jî bûye.

Polîsan li Enqereyê bi ser mala Hakan Yalçin, nûçegihanê Ajansa Mezopotamyayê de girtine û ew desteser kirine.

Wezareta Karên Derve bi daxuyaniyeke fermî biryarnameya Desteya Giştî a Parlamentoya Ewropayê ya derbarê Tirkiyeyê û Bakûrê Qibrisê de red kiriye.

Rojnameger Davûç Ûçarê ku duh li Stenbolê tevlî komeke HDKyî, HDPyê û rêveberên saziyên civaka sivîl hatibûn desteserkirin, bi şertê kontrola edlî serbestbûye.

Li Tirkiyeyê heta niha 474 hezar û 606 kes bi Covîd-19ê ketine û 13 hezar û 14 kes jî pê mirine.

Dadgeha Desûra Bingehîn daxwaza berdana 4 rojnamegeran qebûl nekiriye ku ji ber nûçeyên avêtina welatiyan a ji helîkoptêrê çêkiribûn, hatibûn girtin.

Li Kemal Bulbul,Parlamenterê Partiya Demokratîk a Gelan (HDP) yê Antalyayê ji ber ku di komisyona baweriyê ya KCDê de bûye, 6 sal û 3 meh cezayê girtîgehê hatiye birîn.

Feleknas Ûca, Parlamentera HDPê rewşa jinên ku li Efrinê ji aliyê komên çekdar ve hatine revandin ji Mevlût Çavûşoglû,Wezîrê Karên Derve pirsî ye.

Li Stenbolê polîsan, rojnameger Davut Uçar û Kesire Onel, Alîkarê Şaredarê Şişliyê Cihan Yavuz jî di nav de, rêveber û endamên HDK, HDPê û yên çend saziyên civaka sivîl desteser kirine.

Maradona, yek ji futbolîstên herî baş ê li asta cîhanê, di 60 saliya xwe de koça dawî kiriye. Maradona ji ber nexweşiya dil û kezebê miriye.

Wezareta Navxweyî ji 81 walîyan re giştînameyek bi mijara “Kontrolkirina ji ber Covîd-19ê” şandiye. Li gorî giştînameyê di kontrolkirinê de wesayîtên cemawerî wê yek bi yek were sekinandin û sepana koda HESê, bikaranîna maskê û paqijî dê bê kontrolkirin.