Polîsên tundkarî li Beyza Kûral, nûçegîhana bianetê ya berê kiribûn cara duyem derketine pêşberî heyeta dadgehê. Dadgehê daxwaza polîsan qebûl kiriye ku xwestine beşdarî danişînan nebin.

Di danezana ku Serdozgeriya Komarî ya Îzmîrê ji malbatê şandiye de hatiye diyarkirin ku “weke gilîkar dê îfadeyên wan were girtin” Fehîme Poyraz, dayika Denîzê pêş ku îfadeyê bide bi bîanetê re axivî û got, “Li holê kujerek heye lê hê jî doz nîne”

Malbata Şenyaşarî 200 roj in ku Nobeta Edaletê digire ev peyam weşandiye: “Li Koşka Edaletê ya Rihayê 200 roji in ku em li bendî edaletê ne.”

Malpera Jinnewsê bi biryara dadgehê carekî din hatiye astengkirin. Ajans wê li ser malpera jinnews38.xyz-ê weşana xwe dewam bike.

Carles Puigdemont, Serokê Katalan yê sirgûnkirî bi biryara girtinê ya Îspanyayê li Îtalyayê hatiye desteserkirin.

Wezareta Perwerdehiya Neteweyî ya Tirkiyeyê di qonaxa nû ya perwerdehiyê de lîsteya xwe ya têkildarî wezîfedarkirina dersdêran belav kiriye. Di lîsteyê de 15 hezar dersdêrên nû hatine wezifedarkirin lê di nav de dersdêrên zimanê kurdî nîne.

Ji ber ku nûçeya girtina nûçegîhanên Ajansa Mezopotamya û Jinnewsê weşandiye dozgeriyê lêpirsînname derbarê Ferhat Çelîk, Midûrê Karûbarên Nivîsan ê Ajansa Mezopotamya amade kiriye.

Wezareta Tenduristiyê aşkere kiriye ku di 24 saetan de test ji bo 356 hezar û 132 kesan hatine kirin û di encamê de testa 27 hezar û 844 kesan pozîtîf derketiye. Her weha 217 kes jî mirine, 400 hezar û 962 doz derzî hatine kirine.

Suleyman Gençel, Derhênerê Giştî yê Weşanê yê A3 Haberê di mala xwe ya Îzmîrê de hatiye desteserkirin. Rojnameger Gençel birine Rêvebiriya Emniyeta Îzmîrê û sewqî dozgeriya sûcên informatîk ya Edliyeya Îzmîrê kirine.

Li gel ku bi biryara dadgehê hatibû peyitandin, mirin di êşkenceyê de çêbûyî, dosye bi hinceta ku dema bi ser ve çûye bi dawî bûbû. Dadgeha Destûrî têkildarî dosyeyê biryara xwe aşkere kiriye û gotiye: Mafê jiyanî hatiye binpêkirin, wê 500 hezar lîre tazmînatê bide malbatê.

Komeleya Nivîskaran ya PENa Melboûrneya Awustûralyayê rojnameger Nedim Turfent kiriye endamê xwe yê rûmetê. 8 sal û 9 meh cezayê girtîgehê li Turfentî hatibû birîn.

Wezareta Tenduristiyê aşkere kiriye ku di 24 saetan de test ji bo 351 hezar û 655 kesan hatine kirin û di encamê de testa 28 hezar û 168 kesan pozîtîf derketiye. Her weha 242 kes jî mirine, 426 hezar û 502 doz derzî hatine kirine.

Rojnameger Azîz Orûç ji ber ku di dema xwendekariya xwe de tevlî çalakiyek bûye 6 sal û 3 meh ceza xweribû. Dadgeha Bilind ew cezayê Orûçî betal kiriye.

Buroya Hiqûqê ya Sedsalê, derbarê rola Abdullah Ocalan, Rêberê PKKê de ya di çareseriya pirsgirêka Kurd de daxuyaniyeke nivîskî daye û diyar kiriye ku muxatabê herî girîng ê pirsgirêka Kurd Ocalan e.

Kemal Kiliçdaroglû, Serokê Giştî ê CHPê bersiva gotinên Devlet Bahçelî, Serokê Giştî ê MHPê daye û gotiye, “Pirsgirêk heye, erê. Ev pirsgirêk wê li kuderê were çareserkirin? Dê li parlamentoyê were çareserkirin. Ev ewqas zelal e, ewqas aşkere ye.” Bahçelî gotibû, “Pirsgirêka Kurd nîne”

Dadgehê Esliyê serlêdana jina transa ku xwestibû navê wê biguhere bi hinceta “emeliyata guherîna zayendê nebûye, ger navê jinan were lêkirin, dibe ku di nava civakê de têgihiştinên şaş çêbin" qebûl nekiribû. Dadgeha Destûrî biryar daye ku rêz li jiyana taybet a jina trans nehatiye girtin û mafê wê binpê bûye.

Li gorî rapora Şaxa Îzmîrê ya ÎHDyê li Herêma Egeyê di 4 mehên dawî de 6 hezar û 383 maf hatine binpêkirin. Zafer Încîn, Serokê Şaxê diyar kiriye ku piştî Peymana Stenbolê hatiye betalkirin mafên jinan zêdetir binpê bûye.

Wezareta Tenduristiyê aşkere kiriye ku di 24 saetan de test ji bo 354 hezar û 854 kesan hatine kirin û di encamê de testa 29 hezar û 338 kesan pozîtîf derketiye. Her weha 260 kes jî mirine, 455 hezar û 1 doz derzî hatine kirine.

Mîthat Sancar, Hevserokê Giştî yê HDPyê wiha gotiye: “Eger em aştiyeke mayînde dixwazin, pêwîstî bi lihevkirin û meşrûiyeteke berfireh a civakî heye.”

Çalakiyên “Cih tune ku em lê bihewin” (Barınamıyoruz) ku xwendekarên zanîngehan ji bo zêdebûna kirêyên xaniyan û lêçûnên wargehan protesto bikin, dabûn destpêkirin belav dibe. Polîsan midaxeleyî çalakiya li Enqereyê kiriye û 9 xwendekar desteser kirine.